Еден од најдобрите тренери во светот Ќозе Мурињо има договор со турски Фенербахче до 2026 година, по што сака да биде селектор репрезентација.

„Сакам да водам тим на Европско или Светско првенство. Тоа ќе биде неверојатно искуство“, вели Мурињо.

Мурињо и во минатото го поврзуваа со тренерските столчиња на Португалија, Бразил и Саудиска Арабија, но не се остварија шпекулациите.

Горан Станиќ е назначен за селектор на македонската репрезентација до 21 година. Станиќ е актуелен тренер на ФК Работнички – делба на првото место по првиот дел од тековната сезона во МФЛ и поранешен селектор на младинските репрезентации до 17 и 19 години – пласман во Елитна фаза квалификации 2017 (МКД до 17)  и 2019 година (МКД до 19). На Европското првенство – ЕУРО 2020 беше дел од стручниот штаб во А репрезентацијата на Македонија.

Од позицијата селектор во македонската репрезентација до 21 година, Управниот одбор на ФФМ го разреши Драги Канатларовски кој од 2021 година беше предводник на Македонија до 21 година. Низата лоши резултати на младинската селекција се главната причина за разрешувањето на Канатларовски. 

Фудбалската федерација на Македонија му се заблагодарува на Драги Канатларовски за се што направи во текот на своето време во репрезентацијата и му посакуваме многу успех во иднина. 

Управниот одбор на ФФМ донесе одлука за разрешување на селекторите на македонските младински репрезентации. 

Вујадин Станојковиќ е разрешен од позицијата селектор на Македонија до 19 години, генерација – 2006. Под водство на Станојковиќ во 2024 година, Македонија не запиша победа во квалификациите. Оствари три победи на пријателски натпревари, три нерешени резултати и четири порази. 

Раде Каранфиловски е разрешен од позиција селектор на Македонија до 17 години, генерација 2008. Три победи, десет порази и еден нерешен резултат во 2024 година. 

Драган Начевски е разрешен од позиција селектор на Македонија до 16 години, генерација 2009. Три победи, шест порази и еден нерешен резултат на пријателски натпревари. 

Исени Иљами е разрешен од позиција селектор на Македонија до 15 години, генерација 2010.  Три победи и три порази на контролни натпревари во 2024 година. 

Управниот одбор на ФФМ, единствено го продолжи договорот со селекторот на Македонија до 18 години, Ерхан Селими. Селими допрва го почнува мандатот на клупата на македонската селекција до 18 години. Досега нема собир со генерацијата  2007. 

На 12. јануари 2025 година на предлог на Горан Пандев – директор на Национални репрезентации и Ѓорги Христов – технички директор ќе бидат доставени предлог имиња за нови селектори на младинските репрезентации.

Вкупен број натпревари на младинските селекции во 2024: 63  16 победи, 12 нерешени резултати и 35 порази. 

Управниот одбор на ФФМ донесе одлука за дополнување на единствената листа на контролори за 2025 година. Контролорската листа се дополнува со Александар Ставрев, Дејан Јакимовски, Дејан Костадинов, Јосип Бартон и Билјана Миланова. Миланова е ФИФА судија и за прв пат во македонскиот фудбал жена е во структурите на судиската организација. 

Управниот одбор на ФФМ донесе одлука за нов судиски одбор составен од Александар Ставрев – претседател, Илир Сеља – заменик претседател, Димитар Мечкаровски – член, Дејан Јакимовски – член, Дејан Костадинов – член. 

Назначени се нови стручни надворешни соработници во судискиот одбор: Јосип Бартон, Никола Караколев, Горан Спиркоски, Марјан Кировски, Благој Шуклев, Џенан Хајдари, Иса Емрули, Игор Ширилов, Зоранчо Темелков, Билјана Миланова, Зоранчо Илиевски и Бранко Манојлоски.  

Формирана е Комисија за делегирање судии во состав: Јосип Бартон – претседател, Зоранчо Илиевски – член, Џенан Хајдари – член. 

Формирана е Комисија за делегирање на контролори во состав: Никола Караколев – претседател, Бранко Манојлоски – член и Игор Ширилов – член. 

Комисија за имплементација на ВАР систем: Дејан Јакимовски, Димитар Мечкаровски, Марјан Кировски, Горан Спиркоски, Јосип Бартон и Никола Караколев. 

Комисија за делегирање на женски фудбал: Илир Сеља – делегирање на судии и Билјана Миланова – делегирање на контролори. 

Управениот одбор на ФФМ го усвои барањето на ОФС Струмица за повлекување на суспензијата за ОФС Струмица. Со стапување на сила на оваа одлука престануваат правните и спортските последици на ОФС Струмица; 

Управниот одбор на ФФМ на седницата по добиено известување за определени неправилност во ОФС Охрид, донесе одлука на закажаното Собрание на ОФС Охрид да нема претставник од ФФМ. Комисијата задолжена за надгледување на изборниот процес има обврска веднаш да ги провери наводите за нерегуларности и во најкраток временски рок да го извести Управниот одбор. Собранијата на Општинските фудбалски Сојузи на кои нема легитимен претставник назначен од У.О. на ФФМ со уредно писмено полномоштно, одреден печат и заверен архивски број не произведуваат правни дејства кон ФФМ и истите од страна на ФФМ нема да бидат признати. 

Досегашниот член на Управниот одбор, Лазар Ракиџиев од ОФС Велес поднесе оставка од највисокото тело во ФФМ, од сите тела и органи на ФФМ и општо, најави повлекување од фудбалот. Претседателот на ФФМ, Масар Омерагиќ му се заблагодарува за досегашните активности во ФФМ.

Џани Инфантино, претседателот на Светската фудбалска Асоцијација (ФИФА) испрати писмо со честитки до Масар Омерагиќ за неговиот избор за претседател на Фудбалската федерација на Македонија. 

Во писмото со честитки, првиот човек на ФИФА вели дека е убеден во потенцијалот на нашиот фудбал и ја истакнува личната поддршка и отвореноста на Светската фудбалска Асоцијација за нашата „Куќа на фудбалот“. 

Почитуван претседателе, 

Прифатете ги моите најтопли поздрави и најискрени честитки за изборот за претседател на Фудбалската федерација на Македонија (ФФМ). 

Вашето знаење и лидерство, вашата страст и искуство несомнено ќе имаат важно влијание врз развојот на нашата прекрасна игра во Македонија. Убедени во потенцијалот на фудбалот во земјата, можете да сметате на мојата лична поддршка и на помошта на ФИФА за да ја постигнете оваа цел.

Вратите на ФИФА се секогаш отворени доколку сакате да разговарате за нашиот спорт, неговиот развој и промоција на неговите вредности. 

Ви посакувам вам и на вашиот тим многу среќа и успех во сите предизвици што претстојат, во создавањето и сведочењето на трајно наследство за иднината на фудбалот во Македонија. 

Со нетрпение очекувам да се видиме наскоро. Ти испраќам, почитуван претседателе,  најдобри желби за добро здравје и успех.

Фудбалски поздрав,

Џани Инфантино

ФИФА

Писмо со честитка за изборот на Масар Омерагиќ за претседател на Фудбалската федерација на Македонија (ФФМ) упати и Генералниот секретар на ФИФА, Матиас Графстром.

Првиот оперативец на Светската фудбалска Асоцијација во писмото со честитка до претседателот Омерагиќ ја истакнува подготвеноста на ФИФА за реализација на визијата на ФФМ под водство на новото раководство. 

Почитуван претседателе, почитуван господине Омерагиќ, 

Со големо задоволство ви упатувам најтопли честитки за вашиот избор за претседател на Фудбалската федерација на Македонија.

Со нетрпение очекувам да изградиме силна соработка со вас и вашиот тим и да работиме заедно на промовирање и развивање на фудбалска игра во Македонија и во Европа. Заедно со целиот тим на ФИФА, ние сме тука за вас и остануваме достапни да ви помогнеме да ја имплементирате вашата визија и преку нашите различни програми дополнително да ја зајакнеме играта на сите нивоа. 

Исто така, сакам да им честитам на членовите на Извршниот комитет покрај вас, чие искуство и посветеност ќе имаат суштинска улога во поддршката на вашите одлуки и раководењето во иднина на вашата федерација. 

Исто така, со нетрпение очекуваме да се сретнеме со вас во блиска иднина и да ви посакаме добредојде во нашето седиште.Сигурен сум дека ова ќе биде одлична можност дополнително да разговараме за нашите заеднички цели за развој на фудбалот и како можеме да ви помогнеме. 

Уште еднаш честитки за ова значајно достигнување. Ви посакуваме успех и остануваме посветени да ги поддржуваме вашите напори на секој чекор од патот. 

Фудбалски поздрав,

Матиас Графстром

Генерален секретар УЕФА