Македонија

Гаши на средба со Лирман: Сметајте на нашата поддршка за членство во ЕУ

Претседателот на Собранието Африм Гаши, придружуван од генералната секретарка Марина Димовска, ја почна својата работна посета на Бeрлин со средба на Ана Лирман, државна министерка за Европа и клима во Министерството за надворешни работи на Сојузна Република Германија. На
средбата присуствуваше и нашиот резидентен амбасадор, Н.Е. Илбер Села.

Беа потврдени одличните билатерални односи меѓу двете земји на како на политичко, така и на економско и пошироко општествено нивo и силната и континуирана германска поддршка на нашите еворинтеграции.

Од страна на Претседателот Гаши, беше посебно истакната проактивната улога на Германија со иницирањето на Берлинскиот процес, и во месецот кога се одбележува 10-годишнината од неговото постоење, видливи се придобивките за земјите учеснички и нивните граѓани. Во однос на
пристапувањето во Европската Унија, беше искажано уверување за заокружување на преостанатите домашни обврски, со цел отворање на првиот кластер со апел за поголема предвидливост и појасна траекторија на движење во текот на преговорите и стриктно почитување на Копенхашките критериуми и барања за членство.

Лирман јасно ја искажа својата целосна поддршка за земјата и како силен поборник за проширувањето, посочи дека покрај донесувањето на усваните измени, за земјите членки е од особена важност земјата да покаже напредок во клучните области како владеење на правото, реформа на судството и борба против организираниот криминал и корупција за поизвесен тек на процесот на преговори. Ја пофали земјата како пример за мултиетничноста и пристапот во решавањето на отворените прашања со соседите.

Двајцата соговорници беа согласни дека соработката меѓу двете земји продолжува во областите од взаемен интерес. Германија останува да биде водечки партнер и сојузник во остварувањето на нашите стратешки цели и приоритети, а дека процесот на обединување на Европа во време на есктремна глобална поларизација нема друга алтернатива. Тој истовремено претставува геополитичка потреба и предност за Европската Унија.

https://googleads.g.doubleclick.net/pagead/ads?gdpr=0&us_privacy=1—&gpp_sid=-1&client=ca-pub-7267331270472393&output=html&h=325&adk=1117389147&adf=2076915386&pi=t.aa~a.2878201585~i.11~rp.4&w=390&abgtt=6&lmt=1729179204&num_ads=1&rafmt=1&armr=3&sem=mc&pwprc=9364679281&ad_type=text_image&format=390×325&url=https%3A%2F%2F4news.mk%2Fgashi-na-sredba-so-lirman-smetajte-na-nashata-poddrshka-za-chlenstvo-vo-eu%2F&fwr=1&pra=3&rh=292&rw=350&rpe=1&resp_fmts=3&sfro=1&wgl=1&fa=27&dt=1729179660336&bpp=2&bdt=488&idt=3&shv=r20241014&mjsv=m202410140101&ptt=9&saldr=aa&abxe=1&cookie=ID%3D137c3b12662ee1ef%3AT%3D1728913530%3ART%3D1729179621%3AS%3DALNI_Mbyu4wbBEZ3CWYQKLj-J9nCq1A88Q&gpic=UID%3D00000f3e014c382b%3AT%3D1728913530%3ART%3D1729179621%3AS%3DALNI_MbuL5I9vbnhxdo-LXXKN0NDvqOroQ&eo_id_str=ID%3D5ef6a791bd2ff5a7%3AT%3D1728913530%3ART%3D1729179621%3AS%3DAA-AfjYfGEtMMJpSJ5ZE7sry1jmi&prev_fmts=0x0%2C390x325%2C390x325&nras=3&correlator=7996125101455&frm=20&pv=1&u_tz=120&u_his=21&u_h=844&u_w=390&u_ah=844&u_aw=390&u_cd=24&u_sd=3&adx=0&ady=4159&biw=390&bih=658&scr_x=0&scr_y=0&eid=44759876%2C44759927%2C44759837%2C31088131%2C95341936%2C95344189&oid=2&pvsid=2044146590767788&tmod=532048673&uas=0&nvt=1&ref=https%3A%2F%2Fwww.google.com%2F&fc=1408&brdim=0%2C0%2C0%2C0%2C390%2C0%2C390%2C844%2C390%2C658&vis=1&rsz=%7C%7Cs%7C&abl=NS&fu=128&bc=31&bz=1&ifi=4&uci=a!4&btvi=2&fsb=1&dtd=9

Исто така во Германскиот Бундестаг, Претседателот на Собранието Африм Гаши, денес се сретна со г. Михаел Рот, Претседател на Комисијата за надворешна политика, г. Антон Хофрајтер, Претседател на Комисијата за европски прашања и г. Дирк Вупел, Претседател на Групата за пријателство со земјите од Југоистична Европа.

Претседателот Гаши изрази огромна благодарност за континуираната поддршка на Бундестагот на нашиот евроинтегративен процес и последно, донесувањето на Резолуцијата, која ја признава македонската култура, идентитет и јазик, како составен дел од европското заедничко културно наследство. Во време кога постои негирање на овие универзални вредности, донесувањето на оваа резолуција е од особено значење за македонските граѓани, нагласи Гаши.

Македонија

МВР со известување до граѓаните за „Безбеден град“

Ги известуваме граѓаните дека од утре (17.12.2025), на посебен шалтер во Одделот за граѓански работи, во зградата на МТВ (приземје) во Скопје, кој ќе работи секој работен ден во периодот од 08:00 до 17:00 часот ќе можат да поднесат барање за промена на контакт-податоците кои ги доставиле при регистрација на возилата, доколку има настаната промена или во случај да имаат добиено известување со неточни податоци. Истото, ќе може да се изврши и низ станиците за технички преглед на возила во државата каде што е распореден деташиран референт на МВР.

Исто така, граѓаните по електронска пошта на bezbedengrad@moi.gov.mk ќе можат да достават писмена забелешка доколку имаат нејаснотии, прашања или проблеми поврзани со функционирањето и примената на системот „Безбеден град“, при што сите доставени забелешки ќе бидат евидентирани и разгледани согласно утврдените процедури, со цел унапредување на работењето и поефикасна комуникација со граѓаните.

Македонија

Спречен увоз на над 26 тони замрзнато пилешко месо од Бразил

Инспекциските служби на Агенција за храна и ветеринарство (АХВ), на граничниот премин Ќафасан, спречија увоз на над 26 тони замрзнат пилешки батак без коска поради неисполнување на условите за увоз. Пратката со 2167 пакувања по 12 килограми замрзнато пилешко месо, по донесеното Решение за забрана за увоз од официјалните ветеринари на АХВ, вратена е во земјата извозник – Бразил.

Забраната за увоз е изречена бидејќи пратката била во спротивност со донесеното решение за забрана на увоз на живи животни, производи и нуспроизводи од животинско потекло од Бразил заради заштита од внесување на вирусот на високо патогена авијарна инфлуенса (птичји грип) според кое, забранет е увозот на пратки кои се добиени од животни кои се заклани, натоварени и сертифицирани пред 1 август 2025 година.

Македонија

Љупчо Коцевски ја поднесе оставката како јавен обвинител

Државниот јавен обвинител Љупчо Коцевски,само еден час пред собраниската расправа за негово разрешување денес, поднесе неотповиклива оставка. На прес-конференцијата, Коцевски порача дека функцијата ја извршувал чесно, но дека си заминува разочаран од системот.

„Заминувам со гордо крената глава, но и со горчина поради непочитувањето на основните принципи на правната држава“, изјави тој. Коцевски го обвини Собранието за „процедурален линч“, откривајќи дека поканата за седницата ја добил во последен момент, без воопшто да му биде доставен предлогот за разрешување. Според него, овој политички маневар е опасен преседан кој директно ја урива независноста на обвинителството.

Наместо да чека политичка пресуда во собраниските клупи, републичкиот обвинител Љупчо Коцевски денеска избра достоинствено повлекување. Со поднесувањето на неотповикливата оставка, тој фрли сериозна дамка врз транспарентноста на власта, тврдејќи дека неговото разрешување е базирано на политика, а не на факти или закони.

„Немам на што да се произнесам, бидејќи предлогот за мое разрешување воопшто не ми е доставен“, истакна Коцевски, нагласувајќи го апсурдот на ситуацијата во која поканата ја добил само 60 минути пред почетокот на седницата. Неговото заминување по помалку од две години мандат отвора нови прашања за тоа колку е навистина „независно“ македонското правосудство од политичките влијанија.