Connect with us

Македонија

Меџити: УСАИД е вклучена во многу проекти од екологијата во Северна Македонија, кои ја подобруваат животната средина

Published

on

Првиот потпретседател на Владата и министер за животна средина и просторно планирање, Изет Меџити, денеска на работна средба ја прими делегацијата на Агенцијата на САД за меѓународен развој (УСАИД), предводена од Јери Дибле, претставник за Северна Македонија.

Дибле ја изрази подготвеноста на УСАИД да ги поддржи проектите поврзани со подобрување на климатските промени и животната средина во земјата преку разни програми, како и пренесување позитивни искуства од разни земји во светот во кои работи Агенцијата на САД за меѓународен развој (УСАИД).

Меџити се заблагодари на УСАИД за реализацијата на многу проекти во Северна Македонија, како и за интересот за соработка во приоритетните проекти на Министерството за животна средина и просторно планирање, поврзани со мерките против климатските промени и системот за мониторинг.

Агенцијата на Соединетите Американски Држави за меѓународен развој (УСАИД) е присутна во Северна Македонија од осамостојувањето на земјата и ја поддржува земјата да стане економски поразвиено, демократско и инклузивно општество преку програми што промовираат економски раст и конкурентност зголемувајќи го ангажманот на младите да ја намалат невработеноста и да ја намалат корупцијата, истакнуваат од кабинетот на Меџити.

Македонија

Полицијата се чисти: Кривична за началник од МВР

Published

on

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција – Специјализирано одделение за истражување и гонење на кривични дела сторени од лица со полициски овластувања и припадници на затворска полиција, поднесе кривична пријава против Н.А. од Куманово поради постоење основи на сомнение дека сторил кривично дело „злоупотреба на службената положба и овластување” по член 353 став 3 од Кривичниот законик.

Пријавениот, како поранешен началник на Одделот за воздухопловни единици, со искористување на својата службена положба и овластување нецелосно ја прикажал фактичката состојба за поседување на соодветна важечка дозвола за воздухопловен техничар со уредно впишано важечко овластување за конкретен тип на воздухоплов со што им овозможил на три лица вработени во МВР на работно место главни воздухопловни техничари да се стекнат со право на додаток на плата од 20% од денот на нивното засновање на работен однос во МВР.

Пријавениот, иако знаел дека воздухопловните техничари поседуваат важечка дозвола за одржување на воздухоплов издадена од цивилните власти, но немале успешно завршена обука за конкретен тип на воздухоплов според соодветна програма и немале впишано важечко овластување за конкретен тип на воздухоплов, овозможил да им биде исплатуван додаток на плата од 20% од моментот на засновање на работниот однос во МВР, спротивно на одредбите од Колективниот договор на МВР.

На тој начин тие се стекнале со противправна имотна корист од 926.486 денари и за тој износ бил оштетен буџетот на МВР. Против Н.А., Одделот за внатрешна контрола ќе поднесе предлог за поведување на дисциплинска постапка за кршење на работниот ред и дисциплина и ќе изрече задолжителна мерка за отстранување од работно место – суспензија до завршување на дисциплинската постапката.

Continue Reading

Македонија

16 годишник во Скопје за неколку дена украл 160 илјади денари

Published

on

Јавен обвинител од Основното јавно обвинителство Скопје до судијата за деца од Основниот кривичен суд Скопје поднесе предлог за поведување подготвителна постапка со предлог за определување мерка притвор за малолетник во судир со законот за кого постои основано сомнение дека е извршител на шест различни кривично-правни дела кои во Кривичниот законик се предвидени и санкционирани како кражби и тешки кражби.

Во краток временски период, за неколку дена во декември 2024 година, 16-годишникот влегувал во влезови од згради, подрумски простории и дворови на куќи, провалувал во затворени простории и одземал велосипед, електрични тротинети, алати, алкохолни пијалоци и други предмети во вкупна вредност од над 160.000 денари.

Поради опасност од бегство, можност за влијание врз оштетените и опасност да го повторува делото, јавниот обвинител од судот побара да определи притворска мерка за малолетникот.

Continue Reading

Македонија

Ѓорѓиевски: Инвестициите во најмладите се темел за подобра иднина

Published

on

Градоначалникот на Општина Кисела Вода, Орце Ѓорѓиевски, соопшти дека годината започнува со силен фокус на подобрување на условите за развој на најмладите жители.

„Инвестициите во најмладите се наша директна инвестиција во иднината. Со гордост можам да кажам дека продолжуваме да вложуваме во раниот детски развој, обезбедувајќи поквалитетни услови во градинките,“ истакна Ѓорѓиевски.

Тој информираше за неколку значајни проекти:

• Обезбедени се нови јаслени креветчиња, постелнини и јоргани за сите објекти на градинките.

• Набавени се нови материјали за работа, кои ќе го подобрат процесот на учење и игра кај децата.

• Кујните се обновени со современа опрема, вклучувајќи машини за перење и сушење, што ќе придонесе за подобра грижа за децата.

• Просториите се опремени со пречистувачи на воздух, како дел од заложбата за здраво опкружување и еколошки навики.

„Секое дете заслужува квалитетно предучилишно образование. Ова не е само наша обврска, туку и желба – да им обезбедиме на децата услови што ќе го поттикнат нивниот развој,“ додаде Ѓорѓиевски.

Градоначалникот увери дека посветеноста на Општина Кисела Вода кон унапредувањето на образованието и благосостојбата на најмладите останува врвен приоритет и во иднина.

Continue Reading
Advertisement
Advertisement

Трендинг

Copyright © 2024 Булевар.мк