Попладнево околу 18 часот ограбена е филијала на финансиско друштво за брзи кредити, лоцирана на булевар „Крсте Петков Мисирков“ во Скопје.

Разбојниците упаднале со огнено оружје, а според информациите, одзеле околу 300.000 денари.

Согласност за да се склучи таков договор мора да даде Советот на Град Скопје, но советниците речиси цела година не гласаат за предлогот. Со истиот проблем се соочуваат и Друштвото за градежништво и услуги „АБ-Имарет“, потоа фирмата „Тинекс-МТ“, а дозвола нема ниту „Сити плаза“ ДОО за наплата на паркирање во трговскиот центар „Капитол“ во Аеродром.

Од неодамна посетителите на „Дајмонд мол“ бесплатно можат да влезат на паркингот на трговскиот центар, затоа што рампите се повторно кренати откако од почетокот на годината, па до неодамна на посетителите им се наплаќаше за паркирање, иако „Лимак“ немаше дозвола од Град Скопје за таква дејност.

Дали градските инспектори конечно интервенираа или „Лимак“ самоиницијативно претстана да наплаќа за паркирање во подземните гаражи и реши да почека одобрение од градскиот Совет не е сосема јасно, затоа што од Град Скопје на ова прашање стигна не многу прецизен одговор. Поточно, според нивното објаснување инспекторите веќе излегле на терен, што би значело дека кревањето на рампите е резултат на нивната контрола.

Во врска со давањето дозвола за вршење дејност паркирање за компанијата „Лимак“ ДОО Скопје, Секторот за сообраќај, согласно на своите надлежности доставува Предлог-одлука за давање на дозвола за вршење на дејност паркирање на Друштво за градежништво трговија и услуги Лимак ДОО Скопје, до Советот на Град Скопје на секоја седница, која сѐ уште не е усвоена од страна на Советот на Град Скопје. Согласно истото надлежните градски инспектори имаат извршено инспекциски надзор на терен, и согласно утврдени неправилности се покренува соодветна постапка – велат од Град Скопје.

Советот на Град Скопје неколкупати досега не ѝ даде дозвола на оваа компанија да врши дејност паркирање, пред сѐ, според образложението на некои од советниците, затоа што „Лимак“ самоиницијативно, без дозвола веќе им наплаќа на граѓаните. Цената за еден час паркирање до неодамна изнесуваше 50 денари за час, а подземното паркиралиште располага со повеќе од 1700 паркинг места.

Од Град Скопје велат дека компанијата, согласно со процедурите за добивање дозвола, до Секторот за сообраќај на Град Скопје ја доставила потребната документација, со што ги исполнила условите од член 10 од Одлуката за јавните паркиралишта од значење за градот Скопје.

„Лимак“ бара од Градот дозвола за вршење дејност паркирање на јавното паркиралиште лоцирано во рамките на ГП 1.1, 1.12, 1.5 од изменување и дополнување на ДУП Стара Железничка станица, со пристап преку Новопланирана сервисна улица 6 и од сервисна улица С2 крак кон улицата Свети Кирил и Методиј.

Според Одлуката за јавните паркиралишта од значење за градот Скопје паркиралиштата што не се јавни може да се користат и стопанисуваат во комерцијални цели при што субјектот што ги дава услугите на паркирањето мора да има дозвола за вршење на таа дејност.

Согласност за да се склучи таков договор мора да даде Советот на Град Скопје, но советниците речиси цела година не гласаат за предлогот. Со истиот проблем се соочуваат и Друштвото за градежништво и услуги „АБ-Имарет“, кое сака да стопанисува со паркинг со пристап од улица Самоилова во Чаир, потоа фирмата „Тинекс-МТ“ која побарува да врши дејноста паркирање на паркиралиште со пристап од крак на улица Борис Трајковски во Кисела Вода, а дозвола нема ниту „Сити плаза“ ДОО за наплата на паркирање во трговскиот центар „Капитол“ во Аеродром.

Улични кучиња речиси во секоја општина во градот Скопје. Граѓаните загрижени за нивната безбедност побараа од надлежните да преземат мерки.

Од почетокот на годинава до сега на територија на Град Скопје до министерството за внатрешни работи пристигнале 752 пријави на граѓани кои биле каснати од кучиња скитници. И тоа најмногу во полициските станици во Центар, Аеродром, Гази Баба и Карпош, а најмалку во Арачиново, Мирковци и Сарај.

Побаравме став од градот колку пријави на граѓани се стигнати до градските служби, но до објавување на овој прилог не добивме одговор. Но затоа на нивната веб страна може да се види дека освен тужбите, градот преку спогодба пробува да ги реши проблемите на скопјани. Па во зависност од степенот и сериозноста на повредите, за претрпена штета исплаќа од 30 до 100.000 денари.

Последниот случај кој ја згрози јавноста е кога ракометарот на Вардар, Вуко Борозан беше нападнат од кучиња скитници и има 15-тина конци по рацете, нозете и телото. Тој сега е во добра состојба, но останува неизвесно дали ќе може да го одигра вечерашниот меч.

Проблемите на скопјани велат граѓаните се нижат, а сведоци се и на многубројни настани во градот. Едни од животните во скопската зоолошка градина под клуч поради појава на птичји грип, други слободно се шетаат по главниот град. На скопскиот плоштад, покрај граѓаните и туристите, топлото време за прошетка го искористи и една змија. Слична е слкиката и на неколку километри од центарот на градот во скопско Ѓорче Петров.

Од Град Скопје одговорноста за појава на змии и други влекачи во населени места ја лоцира во општините.

„Во член 15, став 1, точка 4, од Законот за Град Скопје јасно е утврдена обврската на општините во градот за дератизација и дезинфекција, односно 10-те општини се надлежни за дератизација и дезинфекција на населените места на својата територија“, велат од Град Скопје.  

По улиците на главниот град граѓаните секојдневно забележуваат и дефектни автобуси.

Црвените автобуси редуцирани, а автобуските постројки преполни. Граѓаните се жалат дека чекаат превоз и повеќе од половина час, а делумно возат и приватните превозници.