Завршена е рехабилитацијата на уште една делница од патниот правец Р2242 Желино-Шемшево-Јегуновце, како дел од инвестиционата програма за надградба и поправка на дотраени коловози на Јавното претпријатие за државни патишта. Оваа програма, реализирана во соработка со ЈП Македонијапат, вклучуваше асфалтирање на коловозот на неколку критични делови, особено кај селата Шемшево, Прељубиште и Јанчиште.

Рехабилитирани се вкупно 1.450 метри пат со просечна ширина од 6,6 метри. Вкупната вредност на реализираните работи изнесува 20 милиони денари, а градежните работи успешно ги изведе ЈП Македонијапат.

Оваа инвестиција значително ќе придонесе за подобрување на патната инфраструктура во регионот, овозможувајќи поголема безбедност и комоција за сите корисници на патот.

Премиерот Христијан Мицкоски вели дека случајот со помилувањата дадени по повод 23 Октомври, кој предизвика превирања во јавноста, е оставен од претходната Влада кој имал токму за цел да имплодира во овој период. За едно од лицата кое беше повторно приведено, вели, да се остави на правосудните органи да си ја завршат работата.

– Тој случај е од минатото, од претходната Влада, снесен како кукавичко јајце, коешто треба да имплодира во овој период. Тоа што имаше да каже и Комисијата го слушаме по медиумите, луѓето кои се дел од таа Комисија се присутни на медиумите. Добив информации од МВР дека едно од лицата кои беа предмет на измена на судска одлука е повторно приведено. Добив информација дека има уште неколку дела кои што се поврзани со ова лице. Нема да одам чекор понатаму да коментирам и да прејудицирам судски одлуки. Јас сум човек легалист, верувам во презумпција на невиност, но она кое што го знам е дека истото лице вќе доби 30-дневен притвор. Оставам на правосудните органи понатаму да одлучат како да постапуваат за други случаи каде што постои основано сомнение за сторен криминал, вели Мицкоски на новинарско прашање дали Министерството за правда ќе понесе одговорност во однос на испратените предлози за помилување до Комисијата за помилување.

На 25.10.2024 во 21.00 часот во СВР Тетово било пријавено дека во Тетово, пред објект на правно лице, сопственост на Е.А.(29) од с. Голема Речица, било запалено шише со запалива материја. Огнот е изгаснат од вработен во објектот. Нема повредени лица, а причинета е материјална штета. Увид на лице место извршила екипа од СВР Тетово.