Connect with us

Македонија

Нов мега парк во Гази Баба кој ќе се протега на површина од 10.000 метри квадратни

Published

on

Започна со изградба најголемиот мега парк на територија на општина Гази Баба кои се простира на површина од 10.000 метри квадратни во новата населба Хиподром 2, објави градоначалникот на општина Гази Баба Бобан Стефковски во видео обраќање на социјалните мрежи.

Продолжува, вели градоначалникот Стефковски во објавата на својот фејсбук-профил, грижата кон животната средина, а дополнително со изградбата на паркот, според него, се создава простор на кој граѓаните ќе имаат можност да спортуваат и рекреираат.

Тој додава дека покрај зелената површина и урбаната опрема во паркот ќе бидат засадени нови садници дрвја, а ќе се изгради и спортски терен за кошарка, како и фитнес зона на отворено.

-Ова не е прв голем парк кој општина Гази Баба го гради. Изминатиот период нови зелени паркови се изградија во Триангла и Ченто, вели градоначалникот.

Општина Гази Баба, најавува, и во следниот период ќе продолжи со мапирање во населените места со цел изнаоѓање на нови просторни капацитети за подигање на нови зелени површини.

Македонија

Колкави плати земаат полицајците низ земјите во ЕУ?

Published

on

Полицијата игра клучна улога во одржувањето на јавниот ред и безбедноста на граѓаните со сите земји. Со цел да се поддржи оваа суштинска активност, европските влади секоја година издвојуваат значителни средства.

Во 2022 година, јавната потрошувачка за одржување на редот и законот во Европската унија изнесуваше 1,7 отсто од БДП. Врз основа на проценките од калкулаторот за плати на официјалната статистичка служба на ЕУ, Евростат, „Euronews Next“ ги анализираше платите на полицајците во ЕУ и Велика Британија и дојде до заклучок дека Шпанија е најслаба меѓу „големата четворка“ во Европа во плаќањето на оваа важна дејност.

Во 2023 година, месечните бруто плати за полицајците се движеа од 699 евра во Бугарија до 5.761 евра во Данска. Овие податоци се однесуваат на 35-годишен полицаец со повеќе од 10 години искуство, завршено високо образование и 36-часовна работна недела.

Освен во Данска, платите на полицајците надминале 4.000 евра и во три други земји. Германија, Луксембург и Белгија ја следат Данска со заработка од околу 4.200 евра, додека полицајците во Холандија заработиле 3.881 евро, а во Ирска 3.576 евра.

Меѓу четирите најголеми економии на ЕУ, шпанските полицајци повторно имаа најниски плати во 2023 година – 2.271 евро.

Во Франција полицаец со горенаведените квалификации заработил 3.395 евра, додека во Италија таа сума изнесувала 2.537 евра.

Во пет земји од ЕУ, полицајците заработиле помалку од 1.250 евра. Платите биле нешто под оваа сума во Унгарија, Полска, Романија и Хрватска, каде што надминале 1.050 евра, додека полицајците во Бугарија имале најниски плати – само 699 евра.

Continue Reading

Македонија

Две сообраќајки за неколку часа на патот кон Тетово – камион на “Македонија Пат” учествувал во едната од нив

Published

on

Новинарот Фуркан Салиу вечерва преку социјалните мрежи пишува за две сообраќајни несреќи на исто место – Тетово, неколку километри по првата патарина, во која сета среќа е што нема жртви.

“Во 18:20 моите колеги се упатуваат кон Тетово со моето возило. На неколку километри после првата патарина, на темно место, без никаква сигнализација удираат во камион кој што пробал да закочи да не удри во застанат камион на Македонија Пат.

Камионот на Македонија Пат предходно се судрил со друго возило. Тоа се случило во 16:00 часот.

Била повикана полиција. Полицијата доаѓа после 21:00, откако се случува втората сообраќајка. Во меѓувреме на местото на настанот нема ниту соодветна сигнализира, на кривина во дел каде што нема ниту осветлување.

Тоа што вечерва нема жртви е чиста среќа.

Доаѓа возило на брзата помош, ги носи моите колеги во Воена болница и ги остава таму. Ги замолуваат да се упатат во градска затоа што докторот е на операција”, пишува Салиу.

Continue Reading

Македонија

Кривична пријава за царински службеник

Published

on

СВР Куманово поднесе кривична пријава против Ј.А.(33) од Општина Босилово, поради постоење основи на сомнение за сторено кривично дело „прикривање на стоки кои се предмет на криумчарење и царинска измама“ и А.Д.(23) од Куманово, царински службеник, поради постоење основи на сомнение за сторено кривично дело „злоупотреба на службена положба и овластување“

На 28.02.2024 на Граничниот премин Табановце, првопријавениот со патничко возило „мерцедес“, остварил влез во Р. Македонија, при што на автопат му била извршена контрола и било утврдено дека е натоварено со разновидна роба, во вредност од 298.591 денари, без да поседува документација за истата и без регистрирана дејност за вршење на меѓународен јавен превоз.

Второпријавениот, не извршил соодветна контрола над возилото на првопријавениот и му пресметал и наплатил помалку царински давачки и давачки за ДДВ, при што му овозможил влез во Република Македонија.

Continue Reading
Advertisement
Advertisement

Трендинг

Copyright © 2024 Булевар.мк