Неофицијалните податоци на Институтот за јавно здравје покажуваат дека во државата моментално работат околу 9.200 медицински сестри. Меѓутоа, според стандардите и потребите на здравствениот систем, недостасуваат уште најмалку 5.000 до 6.000 сестри. Ова го истакна Гордана Бешлиовска, претседателка на Унијата што ја предводи Здружението на медицински сестри, техничари, акушерки и стоматолошки сестри „За нас“, на денешната прес-конференција одржана по повод Првата конференција на медицински сестри од Југоисточна Европа во Скопје.

Бешлиовска посочи дека е клучно да се распишат најавените конкурси во текот на април, за да се регулира статусот на медицинските сестри кои моментално работат со договор на дело во болниците ширум државата. Според неа, овие сестри секојдневно се обраќаат до Унијата и Здружението, барајќи поддршка и сигурност во својата професија.

Прешево, 5 април 2025 – Првиот вицепремиер и министер за животна средина и просторно планирање, Изет Меџити, денес престојуваше во Прешево, каде што оствари средба со градоначалничката Ардита Синани. Средбата помина во отворена и пријателска атмосфера, при што беа разгледани повеќе важни прашања од взаемен интерес за регионот и за билатералната соработка.

Меџити ја потврди непоколебливата поддршка за Прешевската долина, нагласувајќи дека институциите на Северна Македонија остануваат посветени на тоа секогаш да бидат блиску до потребите на граѓаните од овој регион.

Една од клучните теми на средбата беше можноста за отворање на нов граничен премин Лојане–Мираток, што би претставувало значаен чекор во насока на олеснување на движењето и продлабочување на прекуграничната соработка меѓу двете земји.

Исто така, соговорниците разговараа и за поддршката на студентите од Прешево кои студираат на универзитетите во Северна Македонија, како и за иницијативи што имаат за цел да го поттикнат економскиот развој, вработувањето и поврзувањето на младите луѓе во регионот.

Меџити упати благодарност за топлиот пречек и истакна дека Прешево е симбол на пријателство, заедништво и европска иднина.

„Разговорите беа конструктивни, исполнети со добра волја и визија за конкретна соработка. Заедно со градоначалничката Синани, ќе продолжиме да работиме на проекти што ја зајакнуваат оваа врска“, изјави Меџити по средбата.

Оваа посета е дел од пошироката агенда за градење мостови на соработка и поддршка за регионите со значајна улога во регионалната стабилност и развој.

Родителите на загинатите во трагедијата во Кочани, заедно со голем број граѓани, денеска маршираа низ улиците на градот во тишина, барајќи правда.

Им се придружија и многу други граѓани, кои со солзи во очите и фотографии на загинатите во раце, како и транспаренти на кои пишуваше „корумпираниот систем ги уби нашите деца“, бараа одговорност за трагедијата.