Инфо +

Продавачка во маркет: „Чекам што побрзо да заврши смената“

Published

4 years ago

November 4, 2020

...Работам во маркет. Пред новонастанатава ситуација со коронавирусот не беше вака напнато,стресно и под притисок. Работниот ден не почнува како претходно, кафе пред работа со колешките, шега,смеа….

Тргнуваш од дома на работа, како се да е нормално, а знаеш дека не е. Стигнуваш пред работа и самата глетка е драматична: гужва и редици пред маркетот, нервозни купувачи. Влегуваш, ги поздравуваш колешките набрзина климајќи со главата и брзаш да се подготвиш за работа. Облекуваш униформа , ставаш маска и ракавици и стартуваш. Чуството е ужасно. Демек заштитни мерки, а знаеш дека заштита немаш – најголем дел од купувачите се собираат пред каса, не почитуваат растојание од еден метар, со сите си лице в лице…

Седнуваш на каса, дезинфецираш со алкохол и почнуваш со „добар ден“ и „повелете“, се обидуваш да се насмееш. Пред себе имаш цела редица купувачи со полни колички, но ти продолжуваш со работа. Пред каса слушаш и гледаш луѓе млади, постари, некои ноншалантни, други загрижени, по некој редовен муштерија ќе ме праша како сум… Напнатоста и турканиците се константни. Има и кавги, и нив ги слушам. Но, мојата работа е да го услужам купувачот, и јас си сите сили се обидувам да си ја вршам работата. Со едниот крај на окото ги гледаш колегите како носат кутии, ги полнат празните рафтови. Додека да се свртиш следниот пат, рафтовите веќе се полупразни. Од почетокот на кризата, побарувачката на храна е огромна, неколкупати повеќе од тоа на што бевме навикнати. Едвај постигнуваме и да наредиме и да наплатиме.

И така е од почетокот до крајот на работното време. Искрено, чекаш што побрзо да заврши. Да заврши работното време, а и целата оваа ситуација. Да се врати спокојството во мојот маркет.

А што да кажам јас? И јас имам семејство, а сепак си ја работам работата знаејќи дека и себе и семејството го изложувам на ризик. Но тоа е,купувачот секогаш има предност!

(Писмо од вработена во маркет)

Македонија

Тешка сообраќајна несреќа вечерва на патот Горно-Долно Лисиче

Published

2 hours ago

November 15, 2024

Арлингтон

Тешка сообраќајна несреќа вечерва на патот Горно-Долно Лисиче

Македонија

Возот серија 411 103-104 повторно во служба на патниците!

Published

2 hours ago

November 15, 2024

Арлингтон

По четири месеци пауза, патничкиот воз серија 411 103-104 повторно е во сообраќај! Со целосно нови тркала и зголемена функционалност, возот е ставен во служба на патниците на популарната релација Скопје – Гевгелија – Скопје.

Железници на Северна Македонија продолжуваат со своите напори за унапредување на железничкиот превоз, обезбедувајќи сигурни и удобни патувања за сите корисници.

Од компанијата најавуваат уште една позитивна вест: вториот патнички воз на релација Скопје – Гевгелија, кој беше укинат во март 2024 година, наскоро ќе биде вратен во сообраќај.

Македонија

АД ЕСМ: Новиот топловод под мостот „Беласица“ проработи без прекини

Published

2 hours ago

November 15, 2024

Арлингтон

Новиот топловод под мостот „Беласица“ од ноќеска е целосно ставен во функција и обезбедува стабилна и сигурна испорака на топлинска енергија, информира АД ЕСМ.

Откако вчера најави дека можно е да има прекини во испораката при поврзувањето на топловодот, денеска АД ЕСМ информира дека се поминало без никакви прекини или отстапки во квалитетот на испораката на топлинска енергија.

Соопшти дека поставувањето на новите топловодни цевки е завршено „во рекордно краток период од помалку од два месеца, благодарение на високата ефикасност и посветеноста на тимовите на АД ЕСМ и ЕСМ Дистрибуција на топлина“.

-Иако првично беше предвидено привремено прилагодување на квалитетот на испораката за мал дел од корисниците за време на финалните активности, ефикасната координација и професионалноста на екипите овозможија поврзувањето на новиот топловод со постоечкиот систем за дистрибуција на топлинска енергија да помине без никакви прекини или отстапки во квалитетот на испораката. Задоволен сум што со тимска работа и вложување на натчовечки напори успеавме да го завршиме зафатот за 40 дена и овој капацитет веднаш да го ставиме во целосна функција, истакнува Петар Милетиќ, директор на ЕСМ-Дистрибуција на топлина.