За многумина, празничната сезона е и време за одмор и патување, па затоа пазарите за одмор се чест избор, а некои ја избираат својата дестинација врз основа на цената.

Туристичкиот магазин Condé Nast Traveler објави листа на најубавите, а воедно и најевтините божиќни пазари во светот, а неколку од нив се во близина на Србија и се многу популарни, па и најевтиниот не е далеку.

Листата е објавена според истражувањето на Поштата во потрага по најубавото и воедно најевтиното дводневно патување за одмор. Вклучени се цените на две ноќевања сместување и превоз од аеродром, како и варено вино и разни деликатеси, како и цената на два оброка во ресторан со шише вино.

Најевтината Братислава

Првото место го зазеде Братислава, за која според оваа пресметка се потребни 610 евра за два дена. Доаѓањето во Братислава започна на 22 ноември и трае до 6 јануари.

Со тезги на кои се продава сè, од варено вино до традиционални деликатеси, огромна елка и настапи во живо, овој пазар ги прикажува и некои од најдобрите традиции на словачката божиќна сезона.

Иако постојат различни начини да се дојде до главниот настан, возењето со бесплатниот Божиќен трамвај, кој минува низ центарот на градот за време на празничниот период, е веројатно најзабавниот начин, пишува CNN.

На врвот на листата се и другите северноевропски градови. Втор е Вилнус со 613 евра, а Рига со 655 евра.

Подолу се прикажани два пазари за одмор во близина на Србија, кои се чест избор на нашите патници. За Будимпешта која е на 6. место наведуваат дека се потребни 767 евра. На 7 место е Адвент во Загреб за кој се потребни 767 евра, а оваа манифестација трае од 30 ноември до 7 јануари.

Курир.рс

Четири лица синоќа се приведени за посредувале при вршење проституција и перење пари, информираа од Министерството за внатрешни работи. Поради постоење на основано сомнение за „Посредување при вршење на проституција“ и „Перење пари и други приноси од казниво дело“ приведени се лицата Д.Ј.Н.М. (34), М.М. (57) и С.Д. (47), додека Н.М. (23) е приведен за „Перење пари и други приноси од казниво дело“.

„Според досегашните сознанија, во периодот од декември 2023 година наваму првоосомничената, инаку бразилска државјанка, со дозвола за привремен престој во РСМ, заедно со второ и трето осомничените – македонски државјани, како и со две неидентификувани лица од Р.Португалија, од користољубие со умисла организирале врбување, прифаќање, превезување и сместување на женски лица од Бразил. Тие, во посочениот период, заради вршење на проституција, во РСМ, прифатиле пет бразилки од 26 до 38 години кои ги сместувале во претходно изнајмени станови во Скопје, во комплексот „Џевахир Холдинг“. Девојките во двата стана каде што биле сместувани давале сексуални услуги на клиенти кои со нив стапувале во контакт преку меѓународна веб страна наменета за понуда на ескорт девојки во цела Европа. На страницата девојките имале креирани еден или повеќе профили на кои биле постирани телефонски броеви, ценовник на сексуални и дополнителни услуги и фотографии со експлицитна содржина. Првоосомничената ги контролирала профилите на девојките, контактирала со потенцијалните клиенти: го организирала дневниот распоред на клиентите за секоја девојка; го определувала времетраењето на давање на услугите кои се движеле од 150 евра за половина час; 200 евра еден час; 300 евра два часа; 450 евра за три часа и 800 евра за цела ноќ за сексуални услуги; одобрувала дополнителни услуги за клиентите кои чинеле од 70 евра и повеќе; и гарантирала за безбедноста на девојките. За нејзиниот ангажман добивала 30% од заработувачката на девојките што ја делела со второ и третоосомничениот кои пак организирале прифаќање, превоз, сместување, безбедност и грижа за секојдневните потреби на девојките.

Со намера да го прикрие вистинскиот извор, локацијата, понатамошниот тек и вистинските сопственици на паричните средства стекнати со вршење на кривично дело „Посредување при вршење на проституција“, првоосомничената дел од паричните средства преку систем за електронски трансфер на пари за територијата на РСМ ги уплаќала, во износ од 26.151 евра, кон четири лица во Португалија и три лица во Бразил. Второосомничениот пак, во два наврати дел од паричните средства стекнати од претходно сторено кривично дело во износ од 3.000 УСД ги уплатил кон едно лице во Норвешка, а во повеќе наврати извршувал готовински исплати на парични средства во износи од 440 евра по основ на закупнина за становите, а направил и повеќе готовински исплати на парични средства за различни сопствени потреби и потреби на девојките. Третоосомничениот преку субагент за трансфер на пари износ од 1.965 евра испратил на првоосомничената на нејзина сметка во Португалија, а 150 евра испратил кон физичко лице во Колумбија.

Четвртоосомничениот пак, кој во повеќе наврати бил корисник на сексуални услуги од една од девојките, дури и со одобрување на првоосомничената и со паричен надоместок од најмалку 5000 евра по патување, што и било исплаќано на првоосомничената, бил придружуван од девојката при неговите патувања во Рим и Лондон. Откако ја стекнал довербата на девојката, со цел да ги пушти во оптек и да го прикрие потеклото на паричните средства што девојката ги прибавила со извршување на казнивото дело „Оддавање на проституција“ по чл.19 од Законот за прекршоци против јавниот ред и мир, ѝ креирал кориснички профил на веб платформа за тргување со електронски пари (крипто валути) иако знаел дека парите девојката ги прибавила со казниво дело. Преку профилот и со поседување на електронски паричник (wallet), девојката непречено можела да врши трансакции и да го прикрие изворот на паричните средства.

Инаку, врз основа на издадени наредби од Судија на претходна постапка од Основен кривичен суд Скопје, во рамки на активностите за расчистување и документирање на случајот, полициски службеници на подрачјето на Скопје и Куманово извршија пет претреси во дом и други простории кај пријавените лица. Од извршените претреси пронајдени и привремено одземени се 10 мобилни телефонски апарати, седум СИМ картички, лаптоп, огнено оружје (два пиштоли), одредена сума на девизни и денарски парични средства (2480 евра, 20 фунти, 27.100 денари), разна документација (шест потврди за брз трансфер на пари, договор за закуп на стан, четири банкарски картички) и друго“, информираа од МВР.

Приватните превозници од утре се враќаат на улиците откако сe откажаа од блокадите на главниот град в понеделник. Но, според нивните тврдења нема да возат со полн капацитет, туку ќе сообраќаат со онолку возила за колку што имаат обебзедено нафта.

За Телма потврдуваат дека нема да можат сите 200 автобуси да ги пуштат во оптек, бидејќи со месеци не им се ипалтени трошоците и не се во можност да набават нафта.

Одлуката за воопшто да излезат во пресрет на граѓаните во наредните две недели доаѓа по синоќешната координативна средба во Град Скопје на која се постигна договор во рок од 15 дена, независни експерти да направат анализа колку точно приватните превозници ќе добијат зголемување по извозен километар.

Новите цени би се применувале од 1 јануари 2025 година.

-Анализата со предлог решение и одлуки да се презентира од страна на стручните служби на 16 декември пред истиот состав на координативен состанок, по кој членовите на Советот на Град Скопје ќе имаат можност да се изјаснат со носење на одлука со која ќе се изврши корекција на надоместокот за приватните превозници од страна на Советниците во Советот во Град Скопје – се наведува во соопштението од Град Скопје.

Ваквиот предлог дојде од градските советниците на СДСМ, откако заклучот за покачување на цената за 30 денари по километар, од градот Скопје беше отфрлен од скопската градоначалничка, Данела Арсовска како невалиден.