Многу градови и општини во Германија бараат „посветени граѓани“ кои би сакале со својата работа да ги поддржат изборите

По распадот на коалицијата „семафор“, нови избори во Германија треба да се одржат на 23 февруари 2025 година. И градот Дортмунд во Германија бара луѓе за да се погрижи изборите да поминат непречено.

Во соопштението од 14 ноември, градот Дортмунд напиша „бараат 5.000 луѓе за нови избори во Бундестагот“ и додаде дека изборите треба да се одржат во недела, на 23 февруари 2025 година.

Како што најави канцеларот Олаф Шолц (СПД), на 11 декември 2024 година ќе побара гласање за доверба на неговата влада (СПД и Зелените), за што потоа ќе одлучува Бундестагот на 16 декември. Доколку Шолц ја загуби довербата, што се очекува, сојузниот претседател Франк-Валтер Штајнмаер ќе побара распуштање на Бундестагот. Одлуката се очекува на 27 декември.

Бараат 5.000 луѓе за работа

За изборите во Дортмунд кои треба да се одржат на 23 февруари, подготовките во градот веќе се во полн ек. Затоа градот бара околу 5.000 луѓе кои ќе се грижат за 386 избирачки места и речиси 200 избирачки места каде гласачките ливчиња ќе стигнат по пошта и на тој начин ќе обезбедат непречено одвивање на изборите и пребројување на гласовите.

За работа на избирачките места може да се пријават сите над 18 години и германски државјанин.

За работа на избирачките места, асистентите ќе добијат по 100 евра надоместок за трошоци или како „освежување“. Претседателите и замениците на изборните комисии ќе добијат 130 евра, а 80 евра за помош при гласањето по пошта. На асистентот не му треба никакво претходно знаење, пишува магазинот Феникс.

Апликациите може лесно да се пополнат и испратат преку интернет пошта користејќи го соодветниот формулар за Град Дортмунд. По добивањето на апликацијата, градот ја проверува локацијата и испраќа писмо до испраќачот. Ова потоа ги обврзува апликантите да работат на денот на изборите.

За да добијат пари, соработниците мора да ги внесат информациите за нивната банкарска сметка за време на регистрацијата.

Украинскиот претседател Володимир Зеленски во четвртокот рече дека рускиот напад врз Украина со нов тип балистичка ракета е „јасна и сериозна ескалација“ во војната и повика на силна осуда од меѓународната заедница.

„Ова е јасна и сериозна ескалација на размерите и бруталноста на оваа војна“, напиша Зеленски на Х, по нападот на градот Днипро во центарот на земјата.

„Употребата на балистичка ракета против Украина денес е уште еден доказ дека Русија не е заинтересирана за мир. Светот мора да одговори. Засега нема силна реакција од светот“, се пожали зеленски.

Рускиот претседател Владимир Путин, кој минатата седмица предупреди дека американск а т аи британската дозвола Киев да гаѓа цели длабоко на руска територија со ракетите со долг дострел кои му ги испорачуваат и всушност ги изведуваат нивни воени екипажи претставува „опасна ескалација на војната“, во телевизиско обраќање рече дека Русија во четвртокот истрела хиперсонична балистичка ракета со среден дострел врз украински воен објект како одговор на употребата на американски и британски ракети од страна на Киев.

Во коментарите на X, Зеленски рече дека признавањето на Путин за употребата на новото оружје е уште една ескалација во војната, која сега трае повеќе од 1.000 дена, по наводното распоредување на севернокорејските трупи на руска територија кое досега не е докажано.

„Путин не само што ја продолжува војната, тој им плука во лице на оние во светот кои навистина сакаат да го вратат мирот. Светот мора да одговори. Во моментов нема силна реакција од светот… Недостигот на силни реакции на акциите на Русија испраќа порака дека таквото однесување е прифатливо“, осудува Зеленски.

ЕУ неколкупати ја одложи примената на новините. Последното одлагање е дека неговата примена ќе почне  следната година но не е утврден датумот.

Граѓаните кои планираат да патуваат во земјите на ЕУ од следната година ќе треба да го испланираат патувањето според новиот начин за влез и излез од ЕУ (ЕЕС) и да ги исполнат правилата од Европскиот систем за информации и овластување за патување (ETIAS. Без тоа нема да влезат во ниту една земја од ЕУ. Овие правила важат за граѓаните на земјите кои не се членки на ЕУ.

ЕУ неколкупати ја одложи примената на новите правила за патување. Последното одлагање е дека неговата примена ќе почне од следната година но не е утврден точниот датумот.

Новина во системот за влез и излез од ЕУ е тоа што е воведен дигитален систем за регистрација кој го заменува рачното удирање печат, а патниците повеќе нема да се потпираат на физички печати во нивните пасоши за да го наведат нивното присуство во ЕУ.

Европскиот систем за информации и овластување за патување (ETIAS), сличен на американскиот систем ESTA, воведува дополнителен слој на проверка пред патувањето.

Патниците од земји ослободени од виза за ЕУ ќе треба да аплицираат за овластување ETIAS пред да влезат во ЕУ. Процесот вклучува пополнување на онлајн апликација и плаќање на такса од 7 евра, доделување овластување за патување со важност 3 години.

Треба да знаете дека во системот ќе се собираат повеќе податоци за апликантите, вклучувајќи кривични досиеја, неплатени казни или имиграциски прекршоци.

Патниците без ETIAS дозвола нема да можат ниту да се доближат до границата, но нема гаранција дека оние кои ќе поседуваат дозвола за влез ќе ја минат границата бидејќи официјалните лица на граничната контрола ја имаат последната одлука кого ќе пуштат да ја мине границата.

Апликацијата, според она што е објавено на страната на Европската комисија, ќе биде едноставна и достапна преку мобилен, таблет или компјутер, со брза обработка и електронска испорака.

Честите патници и оние кои патуваат на повеќе дестинации ќе мора да се навикнат на дополнителната проверка, но ќе уживаат во брзиот и поедноставен пристап по добивањето на одобрување за патување преку ETIAS

Со оглед дека е најавено системите да почнат да се применуваат од следната година патниците од земјите надвор од ЕУ треба да знаат и дека:

• Нивниот пасош треба да важи најмалку 6 месеци од датумот на патувањето.
• Аплицирањето на системот ETIAS треба да го направат најмалку 96 часапред патувањето. За да не бидат соочени со потреба да го одложат своето патување и да имаат дополнителни проблеми поради тоа.
• Треба да ги следат новините во граничните процедури кои сеобјавуваат на официјалните веб-страници на Европската комисија.
• Престојот во Шенген зоната е ограничен на 90 дена во период од 180 дена за патниците од земјите кои не се членки на ЕУ.
• За престој во земјите од ЕУ потребно е и добро патничко осигурување, бидејќи со новиот систем може да има одложување на патувањето и други проблеми за што ќе имате и одредени трошоци.

Извор: Плусинфо.мк