Холандската влада објави дека воведува дополнителни проверки на нејзините копнени граници за борба против нерегуларната миграција, слична на политиката што ја воведе Германија во септември. Тоа е најновиот потег на тврдодесничарската влада во земјата, чија цел е да ја заузда имиграцијата, додека антимигрантското расположение е во пораст низ Европа.

Холандската министерка за миграција Марјолеин Фабер ја објави политиката во соопштение за печатот откако потегот доби зелено светло од Кабинетот. „Време е да се справиме со нерегуларната миграција и криумчарењето мигранти на конкретен начин. Затоа од почетокот на декември ќе почнеме повторно да воведуваме гранични контроли во Холандија“, се вели во изјавата на таа.

Мерката ќе стапи на сила на 9 декември. Според правото на Европската унија, земјите мора да го известат Брисел четири недели пред да ја ограничат слободата на движењето.

Претходно оваа година, Фабер му соопшти на Брисел дека и Холандија сака да се откаже од обврските на ЕУ за бегалците.

Герт Вилдерс, чија антиимиграциска партија освои најголем дел од местата на изборите минатата година, објави на социјалните мрежи дека неговата партија ПВВ „испорачува што ветила“. Вилдерс бара затворање на холандските граници повеќе од една деценија.

Кафе барот „Сљеме 360°“ е отворен на веројатно најнеобичното место во Хрватска, на врвот на телевизиската кула на Медведница. И покрај атрактивната локација, тие денес мака мачат да најдат работна сила, односно келнерка.

Не помага ниту понудената нето плата од 1.600 евра месечно, која далеку ја надминува просечната плата, бидејќи во моментов не можат да најдат работник, пренесува Јутарњи лист.

На задоволство на граѓаните на Загреб, кулата Сљеме повторно ги отвори вратите за јавноста во мај 2023 година, по краткото отворање во осумдесеттите. Овој заштитен знак на Загреб и Медведница е изграден во далечната 1976 година за основна функција за пренос на телевизиски и радио сигнали.

Кулата претрпе значителна штета од ракетирањето на ЈНА во 1991 година, а реставрацијата на кулата започна во 2019 година. Тоа е највисоката точка над главниот град, од која се нуди панорамски поглед, па се гледа Загреб „како на дланка“, а глетката допира преку Загорје сè до словенечките Алпи. Затоа, идејата за комерцијализација на кулата е привлечна, а технолошкиот развој и намалениот опсег на уредот овозможија да се пренаменат некои простори за оваа намена. Така, половина година по отворањето на кулата за јавноста, беше отворен и кафе барот „Сљеме 360°“.

Експлозиите одекнаа низ Киев утрово, откако украинските властите соопштија дека Русија го извршила својот прв ракетен напад врз главниот град на Украина од август, принудувајќи постари жени и мали деца да се засолнат во подземна метро станица, објави Ројтерс.

Украинците стравуваат од голем ракетен напад со месеци, загрижени дека тоа би можело да му зададе нов удар на загрозениот енергетски систем и да предизвика долги прекини на струја со почетокот на зимата.

Воздушната одбрана пресретнала две крстосувачки ракети, две балистички ракети и 37 беспилотни летала низ целата земја, соопштија од воздухопловните сили. Во Киев нема информации за жртви или поголема материјална штета.

„Путин во моментов извршува ракетен напад врз Киев“, напиша на Телеграм Андриј Јермак, шеф на кабинетот на претседателот.

Киев со недели се соочува со руски напади со беспилотни летала речиси секоја ноќ. 

„Експлозии во градот. Силите за противвоздушна одбрана работат. Останете во засолништа! напиша градската управа на Киев на Телеграм.

Околу 100 жители се засолниле во централната метро станица Универзитет.

Околу 100 жители се засолниле во централната метро станица Универзитет.

МАСОВЕН НАПАД

Русија во август ги нападна украинските електроенергетски постројки, предизвикувајќи прекини на струја. Ситуацијата оттогаш е подобрена, но официјалните лица веруваат дека Кремљ можеби наскоро планира повторно да ја нападне мрежата.

Андриј Коваленко, висок функционер во Советот за национална безбедност и одбрана, предупреди дека Русија е подготвена да изврши уште еден „масовен“ напад и дека има акумулирано голем број крстосувачки ракети.

По нападот во средата, операторот на електричната мрежа Укренерго рече дека ќе го ограничи снабдувањето со електрична енергија за бизнисите поради „значително“ помалиот увоз на електрична енергија и помалото производство.

Последен пат беа наметнати рестрикции на струја и за бизнисите и за домаќинствата по големиот руски ракетен и беспилотен напад кон крајот на август.

Не е јасно дали новите ограничувања се поврзани со последниот напад. Најголемиот украински приватен производител и дистрибутер на електрична енергија ДТЕК рече дека ограничувањата ќе важат за Киев, околниот регион и регионите Одеса, Днипро и Доњецк.

И покрај редовните напади со беспилотни летала, Русија не го погодила Киев со проектили од 26-ти август кога изврши масовен напад низ целата земја за кој официјалните лица рекоа дека распоредиле повеќе од 200 беспилотни летала и проектили. Во тој напад загинаа седум лица, соопшти Украина.