Македонија
Конгресмените Флорс и Скагс: Во интерес на САД е Македонија да биде целосно интегрирана во европскиот систем
Мислам дека САД ќе останат многу посветени и заинтересирани за членството на Северна Македонија во ЕУ. Ако јас бев Македонец ќе се чувствував комотно дека САД ќе останат партнер на државата и нејзините граѓани. Мислам дека ќе видиме поголемо нагласување на обидите да се реши предизвикот со кој се соочуваме на Блискиот исток, предизвиците во Украина и мислам дека ќе ги видиме САД посилни, одговори поранешниот конгресмен Бил Флорс од Републиканската партија на САД на прашањето дали по завршување на претседателските избори очекува да се промени надворешната политика на САД и дали ќе се зголеми интересот за Западен Балкан.
Како што изјави поранешниот конгресмен Бил Флорс во Тема на денот на дневникот на Сител телевизија, пристапувањето во ЕУ е важно не само затоа што тоа ќе ја направи ЕУ посилна, туку исто така е важно и за економијата на Северна Македонија.
– Повторно ќе кажам дека Македoнија ќе има добар партнер. Бев тука во 2018 година, како дел од Преспа процесот и кога државата организираше референдум за промена на името и многу луѓе мислеа дека тоа ќе биде последен чекор, но ЕУ кажа дека има уште еден чекор за пристапување. САД ја поддржуваат Северна Македонија во тој процес, нагласи Флорс.
Дејвид Скагс, поранешен конгресмен од Демократската партија, истакна дека негово лично мислење е дека смета оти во интерес на САД е Македонија да биде целосно интегрирана во европскиот систем, и одбранбено и економски.
– За нас тоа има смисла, но мора да бидеме внимателни каква може да биде нашата соодветна улога, да не им кажуваме на други држави што да прават, рече тој.
Двајцата американски конгресмени сметаат дека согласно она што виделе денеска се уверени во способноста на Собранието на Република Македонија да оди напред.
– Врз основа на тоа што го видовме деновиве знаеме дека Собранието има усвоено Етички кодекс, но тој се уште не е целосно имплементиран. Според разговорите што ги имавме денеска, имаме впечаток дека сите и вработнеите и пратениците, би сакале да имплементираат систем во кој ќе се вметнат најдобрите практики и ние се надеваме дека овој ентузијазам што го видовме ова утро ќе продолжи, рече меѓу другото Бил Флорс.
Според Дејвид Скагс, она што го виделе во изминатите пет дена, партиската дисциплина во државава и во многу други парламентарни држави, како што рече, е многу повеќе строга отколку што е во Конгресот.
Насилникот од Радовиш, кој беше забележан како тепа жена во живо на ТикТок, сега е упатен на психијатриско лекување во болницата Негорци, потврдуваат од СВР Струмица. Во текот на 2024 година, два случаи против него беа пријавени од две жени – едниот за „телесна повреда“, а другиот за „загрозување на сигурноста“. Обата случаи се целосно истражени и до обвинителството се доставени соодветни поднесоци.
Инцидентот, кој се случи на 27 март 2025 година, доведе до тоа насилникот да биде упатен на психијатриско лекување, велат од СВР Струмица. Според статистиките на Министерството за внатрешни работи, во последните две години забележан е пораст во пријавите за семејно насилство, но ако жртвата не даде согласност, насилникот не може да биде кривично гонет. Ова е токму случајот со насилникот од Радовиш, чие партнерка одбила да го пријави, што ја отвора дискусијата за потребата од измени во кривичниот законик, со цел кривичното дело „телесна повреда при семејно насилство“ да биде гонимо по службена должност.
Продолжува периодот на променливо облачно и нестабилно време, со повремени дождови, најмногу во попладневните часови. Локално се очекува појава на краткотрајни невремиња, со интензивен пороен дожд. За кратко време, на некои места може да паднат над 15 литри дожд по метар квадратен, а ќе има и грмежи и засилен ветер.
Како што информираше УХМР, максималната температура денес ќе се движи помеѓу 12 и 18 степени. Во Скопје, времето ќе биде променливо облачно, со повремен дожд. Попладне, во делови од котлината се очекува нестабилно време, со пороен дожд, грмежи и засилен ветер.
И во понеделник продолжува променливото и нестабилно време со повремени врнежи од дожд, особено во попладневните часови. Локално ќе има услови за краткотрајни невремиња, со интензивен пороен дожд, грмежи и засилен ветер. Минималната температура ќе биде од 2 до 9 степени, додека максималната температура ќе се движи помеѓу 10 и 19 степени.
Двајца малолетници од Битола со закани принудувале врснички полово да ги задоволуваат, бидејќи поседувале компромитирачки материјал за нив. Ова го пријавила 37-годишна битолчанка во текот на вчерашниот ден во МВР.
„37- годишна жена од Битола пријавила дека двајца малолетници од Битола во неколку наврати со закана ги принудувале нејзината ќерка и нејзина другарка полово да ги задоволуваат за што поседувале и видео материјал“, велат кусо од МВР.
Во консултација со јавен обвинител се преземаат мерки за расчистување на случајот.
-
Македонија6 days ago„А мене со вас ме нема“: Ќе се наежите од снимката на која е Панчо
-
Црна Хроника4 days agoЌерката на газдата на ,,Дискотеката на смртта” ја подигнала лажната лиценца, уапсена е и сопругата
-
Црна Хроника7 days agoПоследната заедничка објава на Андреј и Панчо ќе ви ги НАСОЛЗИ ОЧИТЕ – еве каков човек изгубивме!
-
Македонија3 days agoВО АПРИЛ СНЕГ ДО КОЛЕНА? Македонија пред нов студен бран
-
Република5 days agoНајава за прекин на струја во Тетово на 25 март
-
Република5 days agoНеофицијално: Пукање во Прилеп, има и ранети
-
Црна Хроника1 day agoСлучајот од Радовиш добива пресврт: Втора жена (жртва) сведочи против насилникот!
-
Црна Хроника19 hours agoГазда тепан за изнудени 400 евра месечно – барале да им плаќа за “обезбедување” на објектот!