Спорт

Тајсон поразен од Џејк Пол во осум рунди

Published

4 hours ago

November 16, 2024

Долгоочекуваната боксерска пресметка меѓу легендарниот Мајк Тајсон и инфлуенсерот Џејк Пол заврши со победа на помладиот од двајцата борци. Судиската одлука со резултат 80-72, 79-73 и 79-73 потврди дека Пол бил подобро подготвен и во подобра форма за оваа егзибициска борба.

Борбата, која се одржа во Тексас и ја следеа милиони претплатници на „Нетфликс“, траеше осум рунди. Пол доминираше со 78 прецизни удари, додека 58-годишниот Тајсон успеа да испорача само 18 удари.

Иако Тајсон не успеа да го одржи ритамот од минатото, неговото присуство на рингот остана симбол на боксерската историја. Во меѓувреме, Пол ја зацврсти својата позиција во специфичната боксерска кариера, додавајќи уште една победа против реномирано име.

Спорт

Прекин во Букурешт: Косовците напуштија терен заради „Косово е Србија“

Published

17 hours ago

November 15, 2024

Арлингтон

Прекин во Букурешт: Косовските фудбалери го напуштија теренот по навреди од трибините

Натпреварот меѓу Романија и Косово заврши со инцидент во судиското надополнување, кога домашните навивачи скандираа „Србија, Србија“ и „Косово е Србија“. Ова предизвика тензии на теренот, по што играчите и стручниот штаб на Косово одлучија да го напуштат натпреварот.

Ривалството меѓу двете репрезентации се покажа и во претходниот дуел во Приштина, каде Романците не беа топло пречекани. Според првичните информации, мечот може да биде регистриран со нерешен резултат 0-0, што би значело Б-дивизија за Романија и разигрување за Косово. Сепак, постои можност натпреварот да заврши со службена победа на Романија од 3-0 поради прекинот. Останува одлуката на дисциплинските органи.

https://x.com/kos_data/status/1857558121587105944?s=46&t=vTyGSpkk2_wOQuFz-saisg

Спорт

Србија и Албанија заеднички ќе организираат Европско првенство во фудбал

Published

17 hours ago

November 15, 2024

Арлингтон

Србија и Албанија заеднички ќе го организираат Европското фудбалско првенство за играчи до 21 година, потврди Бранко Радујко, генерален секретар на Фудбалскиот сојуз на Србија.

Ваквата одлука е логична поради повлекувањето на Белгија и Турција како кандидати за домаќини.

Радујко потврди дека УЕФА организацијата на турнирот што ќе се игра во 2027 година ќе им ја додели на Србија и Албанија.

– Најверојатно тоа ќе се случи во најголема мера кај нас. Конечната одлука ќе биде позната во декември. Ние сме оптимисти за тоа – рече Радујко.

Во таа конкуренција српските фудбалери треба да ги предводи Александар Коларов, кој е промовиран во нов селектор на младата репрезентација.

Поранешниот лев бек договори соработка со Фудбалскиот сојуз на Србија до 2027 година.

Спорт

Уште еден спектакл во Битола: Пелистер – Шкендија под рефлектори

Published

20 hours ago

November 15, 2024

Арлингтон

После дербито против Вардар, во Битола се подготвува нов спектакл. Дуелот против Шкендија кој е на програмата на 24 ноември, ќе се игра повторно под рефлектори.

Натпреварот ќе се игра на стадионот „Петар Милошевски“ со почеток во 17:00 часот во вечерен термин.

Дербито Пелистер – Вардар беше историски првиот меч кој во Битола се одигра под рефлектори. Тогаш Пелистер славеше триумф со 1-0 со голот на Мирко Ивановски во последните моменти од натпреварот.