Македонија

Обвинителството се изживуваше врз пријавените во случајот „Делчевски ниви“

Published

1 month ago

December 5, 2024

Случаот „Делчевски ниви” се чини беше уште една распрсната лага на поранешниот премиер Димитар Ковачевски и неговата политичка партија. Случајот заврши без докази за сторено кривично дело, односно истрагата се прекина.

По анализа на кривичната пријава, исказите на сведоците, исказот на осомничените, како и сите обезбедени материјали, во текот на истражната постапка, се констатира дека од конкретната истражна постапка, не произлегоа ниту материјални, ниту вербални докази, кои би го потврдиле основното сомнение, дека делата кои им се ставаат на товар на осомничените, се кривични дела, за кои, се гони по службена должност, односно произлезе дека пријавените не превзеле дејствија, кои ги сочинуваат битијата на пријавените кривични дела“ – стои во обвинителската одлука.

Година дена подоцна сега веќе суспендираниот виш јавен обвинител, Мустафа Хајрулахи го коментира овој предмет. Вели овој предмет бил чист граѓанско-правен предмет, а од страна на јавни обвинители имало изживување врз пријавените.

Имаше изживување врз тие пријавени од страна на јавното обвинителство. Тоа беше чист граѓанско-правен однос и така и заврши. Имаше наредба за запирање заради тоа што е граѓанско-правен однос. Така и заврши тој прдме. Имаше притвори, имаше после тоа за некои луѓе мерки за претпазливост, тие пријавени имаа блокирани сметки, тие пријавени беа шиканирани пред јавноста. Како тоа, му текнало да води предмет против тие од Делчевски ниви, за после не знам колку време да се донесе одлука за запирање на кривичната постапка. Тоа беше изживување – коментира Хајрулахи

Во поткастот Претрес, запрашан дали тој бил директно поврзан со случајот „Делчевски ниви“ тој вели:

Мене како виш јавен обвинител, законот за јавно обвинителства, правилникот за внатрешно работење и задолжителните упатствата ме обврзуваат да барам информации по однос на предмети за конкретни кривично-правни настани, а се со цел, понискиот јавен обвинител да знае дека е под опсервација на повисокиот јавен обвинител за да не злоупотребува мерка притвор, мерка на претпазливост, мерка на блокирање на сметки. Пониските јавни обвинителства се обврзуваат секојдневно да го известуваат непосредно повисокиот јавен обвинител за сите предмети кои се од интерес на јавноста. Мене ме задолжува законот да барам информација. Тоа не е мешање во работата, не му се мешам како да постапува, туку ме интересира зошто се направени одредени чекори, зошто е баран и даден притвор или се блокирани сметки. Барав информации за предметот што е согласно закојот, правилникот и упатствата – коментира Хајрулахи.

Македонија

Спиење во хотелот пред кој Мијалков паркира Ферари чини 70 минимални македонски плати

Published

1 min ago

January 9, 2025

Арлингтон

Една вечер спиење за двајца пред Hotel De Paris Monte Carlo Monako пред кој во видеото на Скопје1 паркирал екс директорот на УБК Сашо Мијалков чини 35 просечни или 70 минимални македонски плати.

Поинаку кажано ако сакате да резервирате едно спиење за двајца утре вечер во луксузниот хотел ќе ве чини колку годишна плата на висок македонски функционер.

Висок македонски функционер на ранг на министер добива околу 2000 евра месечно.
Доколку Мијалков го паркирал своето Ферари кое чини до 700 илјади евра за да преспие во хотелот каде што се упатува тогаш на располагање има различни соби од чии цени просечен Македонец ќе го заболи главата.

Најевтината соба во хотелот е 902 евра.

Најскапата во која што можат да се сместат 6 лица чини неверојатни 25 илјади евра.

Засега нема информации дали Мијалков бил сместен во хотелот или само го посетил ресторанот кој е исто така од светска класа.

Извор: ШилоМагазин

Македонија

МВР со апел до граѓаните, еве на што да внимавате

Published

6 mins ago

January 9, 2025

Арлингтон

Измамниците најчесто се претставуваат како претставници на банки, јавни институции или компании со цел да ги измамат жртвите.

Секторот за компјутерски криминал при Министерството за внатрешни работи активно презема мерки за истрага и справување со телефонските измами кои се вршат преку техники на пренасочување на телефонски броеви и лажирање на Caller ID. Овие измами, кои во последно време се сѐ почести, имаат за цел манипулирање на граѓаните и стекнување на доверливи податоци или финансиски средства.

Измамниците најчесто се претставуваат како претставници на банки, јавни институции или компании со цел да ги измамат жртвите. Секторот за компјутерски криминал изврши проверки во врска со телефонските измами и утврди дека за манипулација со повици можат да се користат повеќе алатки како што се:

1. VoIP Услуги: Услугите за глас преку интернет протокол (VoIP) овозможуваат корисниците да вршат повици преку интернет. Многу провајдери на VoIP нудат функции како пренасочување на повици, маскирање и рутирање преку виртуелни броеви.
2. Апликација за лажирање: Софтвер и апликации, како “SpoofCard” или слични алатки, овозможуваат корисниците да го изменат Caller ID што се прикажува. Овие алатки се често промовирани за приватни или деловни цели, но може да бидат злоупотребени.
3. PBX Системи (Приватни Разменувачки Мрежи): Бизнисите користат PBX системи за управување со дојдовни и излезни повици. Овие системи можат да пренасочуваат повици преку различни броеви и да го изменат Caller ID за професионални цели.
4. SIM Замена: Се однесува на измамнички техники каде што напаѓачите го пренесуваат бројот на жртвата на друга SIM картичка за да пресретнат повици и пораки.

Секторот за компјутерски криминал при МВР апелира до јавноста:

• Да бидете претпазливи при примање на телефонски повици од непознати броеви или од броеви кои се претставуваат како доверливи институции.
• Никогаш да не споделувате лични податоци, банкарски информации или лозинки преку телефон.
• Доколку се сомневате дека сте биле жртва на ваква измама, веднаш да го пријавите случајот во најблиската полициска станица.

Македонија

На Божик искршена црквата „Света Петка и Света Недела“ во Тетово

Published

14 mins ago

January 9, 2025

Арлингтон

Вчера во 14.40 часот во СВР Тетово било пријавено дека во периодот од 17.00 часот на 07.01.2025 до 14.00 часот на 08.01.2025 на улица „Косовска“ во Тетово со тврд предмет било извршено оштетување на влезната врата, два прозорци, помошниот објект и камерата над влезната врата од црквата ,,Света Петка и Света Недела“.

Извршен бил увид и се преземаат мерки за расчистување и документирање на случајот, велат од СВР Тетово.

Извор: Република.мк