Од Основното јавно обвинителство денеска информираат дека специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција ги следи информациите во врска со случувањата во Затворот Скопје.

Како што велат, по добивање на идентитетот на инволвираните лица ќе постапи во рамките на своите надлежности за што јавноста ќе биде навремено информирана.

Ова следува откако во јавноста излегоа фотографии од возачот Васил Јованов, кој на Партизанска ја усмрти 22-годишната Фросина Кулакова, како држи телефон во раката додека е во притвор во затворот „Скопје“.

Директорот на Управата за извршување санкции Александар Пандов вчера порача дека мобилниот телефон веднаш му е одземен, а извршен е претрес во сите ќелии и осомничениот Јованов е преместен во самица.

Ќе следува и истрага и санкции за корумпираните службеници кои што му го дале мобилниот телефон.

Две третини од граѓаните на Македонија (62,6%) сметаат дека не можат да добијат фер судење во земјата, покажува најновата анкета на Детектор. Ова е значителен сигнал за недовербата во правосудниот систем, иако има мало зголемување на оние кои веруваат во фер судење – 23,5% во споредба со 19,3% во 2023 година.

Анкетата покажува дека правдата е селективна, според 73,5% од испитаниците, бројка која останува непроменета во последните две години.

Довербата во институциите – алармантно ниска
• Судството: Само 8,4% од граѓаните целосно му веруваат, а уште 18,4% имаат делумна доверба. Половина од испитаниците (51,6%) изјавиле дека воопшто не му веруваат.
• Обвинителството: Веруваат само 5,8%, а донекаде му веруваат уште 20,5%. Половина од испитаниците (50,5%) воопшто не му веруваат.
• Полицијата има нешто поголема доверба – 19% целосно ѝ веруваат, а 29,8% делумно.

Дополнително, 77,2% од граѓаните сметаат дека правосудството е под надворешни влијанија, а само 10,8% веруваат во неговата независност.

Незадоволство од институциите

Голем број граѓани сметаат дека Судскиот Совет и Советот на јавни обвинители треба да бидат распуштени:
• 57,8% велат дека Судскиот Совет треба целосно да се распушти.
• 54,6% сметаат дека Советот на јавни обвинители треба да се укине.

Методологија на анкетата

Анкетата за Детектор ја спроведе Институтот за политички истражувања – Скопје (ИПИС) телефонски, од 24 до 27 декември 2024 година, на репрезентативен примерок од 1066 испитаници.

Правдата во Македонија – далеку од граѓаните

Овие резултати јасно покажуваат дека македонските граѓани имаат сериозно разочарување од правосудниот систем, што отвора прашања за итни реформи и потребата од враќање на довербата во институциите.

29-то Светско првенство и официјално заврши. И на овој шампионат нема промени на врвот, Данска по четвртти пат во низа се искачи на тронот, што е пак апсолутен рекорд, во финалето ја совлада Хрватска со 26-32.

За Македонија овој Мундијал беше повеќе од успешен. Кирил Лазаров и неговите избраници завршија на 15-место, имаа блескави партии, ги делеа милиметри од пласман во 1/4 финалето. Она што е најважно е дека покажаа дека Македонија има иднина, дека новата генерација која доаѓа игра храбро и борбено.

Покрај пласманот, во вкупната статистика на постигнати голови високо котира капитенот, Филип Кузмановски, кој шампионатот го завршува како петти стрелец во светот. Кузмановски на шест меча постигна 49 гола и долго време беше на врвот.

Прв стрелец е Матијас Гидсел со 74 гола. Рекордот на најмногу постигнати голови останува во сопственост на Кирил Лазаров, кој во 2009 година стигна до бројката 92.

Извор: Спорт спорт