Претседателот на Фудбалската федерација на Македонија (ФФМ), Масар Омерагиќ, се сретна со Министерот за спорт, Борко Ристовски, за да дискутираат за новата иницијатива која има за цел да го унапреди развојот на фудбалот и спортот во земјата.

„Ние сме луѓе од спортот и навистина не радува тоа што заедно со Министерството за спорт започнуваме ново ниво на соработка, професионализам и транспарентност“, изјави Омерагиќ.

Тој ја истакна важноста на поддршката од Владата, која овозможува подобри услови за развој на спортот, како и клучните чекори кои се направени во однос на распределбата на средствата за спортските клубови.

„Еднаквиот третман за сите е наш приоритет и тоа ќе го реализираме. Имаме јасна визија за вложување во фудбалот и спортот воопшто. Кога имате партнер кој точно ги знае потребите, тогаш е многу полесно“, додаде Омерагиќ.

Оваа средба е дел од пошироката стратегија за развој на спортската инфраструктура и подобрување на условите за спортски клубови во Македонија.

Соодветните услови во спортската сала „Боро Чурлевски“, каде е обезбедено греење и можности за одржување на натпревари од репрезентативен карактер, повторно после седум години ќе овозможат Битола да биде домаќин на македонската репрезентација во ракомет.

Во октомври 2018 година, машката селекција играше и победи против Турција во квалификациите за ЕП 2020, а овојпат, Битола ќе ја пречека македонската женска репрезентација на 12 април на реванш средбата од баражот за Светското првенство во Холандија и Германија, меѓу женските репрезентации на Македонија и Полска.

Спортската сала „Боро Чурлевски“ е една од ретките во државата, надвор од Скопје, кои ги исполнуваат условите за репрезентативни дуели, што е резултат и на континуираната заложба на локалната самоуправа за создавање услови за поддршка на спортот и поттикнување на спортските резултати во градот.

Еден од најдобрите македонски репрезентативци на Светското првенство (СП) беше талентираниот Марко Митев, кој со неговите извонредни настапи ја воодушеви публиката, но привлече и интерес од поранешниот европски шампион Магдебург.

Освојувачот на европската круна од 2023 година сака дополнително да го засили својот состав, па поради тоа е подготвен да плати 300.000 евра за веднаш да го купи Митев.

Митев има договор со Алкалоид до 2025 година, но екипата од Автокоманда би можела да го продаде за одлична сума на пари.

Македонскиот репрезентативец беше одличен во текот на целото СП и го покажа својот квалитет, кој очигледно го почитуваат и европските гиганти.