Скопје

Ѓорѓиевски: Отворени врати за граѓаните, решенија за проблемите

Градоначалникот на општина Кисела Вода, Орце Ѓорѓиевски, денеска посвети дел од денот на директни средби и телефонски разговори со сограѓаните, покажувајќи лична посветеност кон решавањето на нивните проблеми.

„Уште од рано утринава сум во мојот кабинет, каде што остварив повеќе од 70 контакти со граѓани кои имале потреба од одредена помош или оставиле свој контакт кај општинските служби,“ изјави Ѓорѓиевски.

Тој нагласи дека барањата на граѓаните се детално забележани и дека веднаш се пристапува кон нивно решавање, во зависност од природата на проблемот. Според него, позитивниот прием од граѓаните е доказ за транспарентноста и достапноста на локалната власт.

„Некои граѓани воопшто немаат проблем, туку сакаат пријателски разговор, споделуваат идеи од кои можат да произлезат нови проекти. Ова е уште еден показател дека нашата посветеност носи резултати,“ додаде тој.

Градоначалникот истакна дека за него најважно е секој граѓанин да биде услушан и да се најде решение за неговиот проблем. Тој најави дека ќе продолжи со ваквата пракса, додавајќи дека „ако треба, ќе бидам тука и утре“.

Со иницијативата за директна комуникација со граѓаните, Ѓорѓиевски потврдува дека отвореноста и достапноста се основни принципи во неговото управување со општината.

Скопје

Николоски: Карпош добива нов урбан лик со реконструкција на над 15 улици

Преку петнаесетина улици ќе се реконструираат во општина Карпош со подршка на Владата. Општината полека ќе го смени урбаниот лик и ќе се развива, истакна вицепремиерот и министер за транспорт Александар Николоски при денешната посета на општина Карпош.

Николоски заедно со градоначалникот Сотир Лукровски извршија увид во реконструкција на ул. Јуриј Гагарин, проект кој се реализира со подршка на Министерството за транспорт, а во заедничка соработка со општината.

“ Ова беше заглавен проект, ова беше проект без разлика што имавме обезбедено средства, не можевме да го реализираме. Откако беше избран за градоначалник, заедно со службите во општината, успееја да ги решат сите предизвици на овој проект, да се решат проблемите и еве веќе се гради и ако се оди добро и не послужи времето до Нова година може да се заврши оваа улица, паркингот зад зградите и да се добие нов урбан лик на овој простор. Сакам да најавам дека дополнително на ова имаме уште еден проект кој се реализира со Светска банка во вредност од над 13 милиони денари, тоа е улицата Петар Чаулев, целосна реконструкција околу 600 метри што дополнително се надевам ќе допринесе за урбаниот развој на општината. На тоа додаваме уште дванаесетина проекти кои што ги резлизираме преку вториот повик на Владата и севкупно имаме значајни проекти за општина Карпош. Тука е и подршката на Владата, мојата лична подршка за дополнителни работи кои треба да ги направиме во Карпош. Со изборот на новиот градоначалник, со неговата напорна работа се гледаат промените и навистина сите имаме желба да помогнеме и да се случуваат убави работи во општина Карпош”-изјави вицепремиерот Николоски.

Скопје

Прекин на електрична енергија денеска во Горно Нерези, Глуво и Мирковци

Регионалниот центар за управување со кризи (РЦУК) информира, повикувајќи се на известување од ЕВН Македонија, дека денес од 9:00 до 15:00 часот ќе има прекин во снабдувањето со електрична енергија за корисниците од неколку населени места.

Прекинот ги опфаќа корисниците од селото Горно Нерези и корисниците од селата Глуво и Мирковци.

Станува збор за планиран прекин, а корисниците се повикуваат на трпение до завршувањето на работите.

Скопје

Жителите на одредени делови од Аеродром денес без вода

Јавното претпријатие „Водовод и канализација“ – Скопје информираше за привремен прекин во водоснабдувањето за дел од корисниците лоцирани на булеварот „АСНОМ“, во населбата Аеродром.

Прекинот, кој започна вечерва во 18:45 часот, е предизвикан од уличен водоводен дефект на цевка со дијаметар Ф100 мм, конкретно кај број 74 на булеварот.

Погодени корисници ќе бидат корисниците лоцирани на булевар „АСНОМ“ од број 70 до број 116.

Екипите на ЈП „Водовод и канализација“ се на терен и работат на отстранување на дефектот. Водоснабдувањето ќе биде нормализирано веднаш по завршувањето на работните активности, за што јавноста ќе биде дополнително известена.