Република

За три дена во Тетово казни и предупредувања за 100 неправилно паркирано возачи

Апелирам до сите сограѓани, до сите тетовчани заедно работиме да имаме почисти и пофреквентни улици.

За три дена над 100 предупредување и казни до граѓаните кои непрописно се паркирале во Тетово. Ова е резултат од засилените контроли на неправилно паркираните возила кој го соопшти градоначалникот Билал Касами по заедничкиот увид во активностите заедно со директорот на ЈП „Градски паркинг“, Мирко Мартиновски и началникот на СВР Тетово, Ријад Али. Засилените контроли следат откако на 1 март, министерот за внатрешни работи Панче Тошковски дојде да договорат со општината како да се намали сообраќајниот метеж.

– Апелирам до сите сограѓани, до сите тетовчани заедно работиме да имаме почисти и пофреквентни улици. Улиците се за да се поминува со возила, тротоарите се за пешаците и поради тоа треба да внимаваме затоа што сите сме корисници на овие улици и тротоари и сите сакаме да тие бидат фреквентни и да бидат проточни. Според информациите кои ги имаме добиено од СВР Тетово само за три дена како се реализира оваа акција имало над 100 предупредување и казни до граѓаните кои непрописно се паркирале, рече Касами.

Засилената присуство на полицијата и соработка со нив дава резултати, оценуваат и од ЈП „Градски паркинг“.

– Најголемиот проблем за нас од Паркинг службата е двојното паркирање по улиците. За двојното паркирање мора да има интервенција од полицијата бидејќи тоа е сообраќаен прекршок, а ние како паркинг служба немаме ингеренции да отстрануваме возила и казнуваме вакви прекршоци. Оваа недела за половина намален е бројот на изречените казни од страна на паркинг службата во делот на пајак службата и поставување блокатори, токму поради зголеменото присуство на полицијата на тетовските улици“, вели Маринковски.

Со овие контроли ќе се продолжи со истиот интензитет и во наредниот период со цел на улиците и тротоарите да нема непрописно паркирани возила.

– Затоа ги замолувам возачите да паркираат на местата каде што е тоа предвидено. А ако се од градот, не мора да излезат со возило, ќе биде добро за нивното здравје ако пешачат малку повеќе, така ќе придонесат и за своето здравје и да се намали метежот во сообраќајот, советува градоначалникот Касами.

Министерот за внатрешни работи Панче Тошковски по посетата Тетово рече дека овој план е ад-хок решение, пред воспоставување на системот „Безбеден град“ каде со камери ќе се откриваат и казнуваат сообраќајни прекршоци, во чија прва фаза е и Тетово.

Извор: Канал5

Република

Битола го одбележа Денот на својот заштитник: Литургија и литија во чест на Св. Нектариј Битолски

Со света архиерејска литургија и свечена литија, денес во Битола беше одбележан Денот на Свети Нектариј Битолски, заштитник на градот. Верници од Битола се собраа во храмот „Свети Великомаченик Димитриј“, каде што се одржа Светата Божествена Литургија во чест на преподобниот Нектариј, кој се упокоил на 5 декември 1500 година.

На литургијата присуствуваа градоначалникот на Битола, Тони Коњановски, како и претседателот на Советот на Општина Битола, Бојан Бојкоски, заедно со бројни верници.

По завршувањето на богослужбата, голем број присутни верници пристапија кон Светата Причест. Потоа, согласно долгогодишната традиција, низ повеќе битолски улици се одржа свечена литија, во која учествуваа бројни граѓани.

По повод празникот, градоначалникот Тони Коњановски упати честитка до битолчани, посакувајќи Свети Нектариј Битолски постојано да биде нивен духовен заштитник и водилка.

„На сите сограѓани им го честитам Денот на Заштитникот на градот – Свети Нектариј Битолски. Неговата заштита нека биде постојано со нас. Секојдневието да го исполнуваме со љубов, меѓусебно почитување и добрина, вредности со кои ќе ја градиме иднината на Битола и на генерациите што доаѓаат“, порача градоначалникот Коњановски.

Република

УТРЕ БЕЗ СТРУЈА ДЕЛ ОД ТЕТОВО И СЕЛОТО ДОБРОШТЕ

Утре, 19 декември 2025 година, поради планирани работи на електродистрибутивната мрежа, без електрична енергија ќе останат дел од град Тетово и едно тетовско село.

Во периодот од 09:00 до 14:00 часот, прекин во снабдувањето со струја ќе имаат корисниците на улица 114 кај СИЗ во Тетово.

Во исто време, од 09:00 до 14:00 часот, без електрична енергија ќе биде и дел од селото Доброште, поточно објектите кои се наоѓаат во близина на старата џамија.

Од надлежните информираат дека прекинот е поради планирани интервенции со цел подобрување на сигурноста на електроснабдувањето.

Република

Три децении пријателство: Македонија слави 30 години дипломатски врски со 14 земји

Во свечена атмосфера во Министерството за надворешни работи и надворешна трговија, денес беа одбележани три децении од воспоставувањето на дипломатските односи на Република Македонија со 14 земји, меѓу кои Соединетите Американски Држави, Грција, Австралија, Саудиска Арабија, Романија, Молдавија, Индија, Естонија, Украина, Казахстан, Монголија, Азербејџан, Литванија и Израел.

Свои обраќања на настанот имаа заменик-министерот за надворешни работи и надворешна трговија, Зоран Димитровски, како и амбасадорката на Романија, Адела Моника Аксинте.

Во своето обраќање, заменик министерот Димитровски истакна дека денес се слави „триесетгодишно патување на просперитет и взаемно почитување“ кое започнало во 1995 година. „Во тие рани години на нашата независност, секое воспоставување на дипломатски односи беше вистински камен-темелник во градењето на нашата државност. Тие први чекори го одбележаа нашиот непоколеблив пат кон западноевропските вредности и нашите аспирации за интеграција во евроатлантското семејство“, нагласи Димитровски.

Свечениот настан беше прилика да се потсети на значењето на долгорочната соработка и пријателството меѓу Република Македонија и земјите партнери, како и на заедничките вредности кои ги градат меѓусебните односи во изминатите три децении.