Општина Битола во соработка со СВР Битола почнувајки од понеделник организира еднонеделна кампања за превентива во сообраќајот

На сите возила кои ќе бидат затекнати паркирани на пешачки, велосипедски површини но и пристапни рампи за лица со попреченост, ќе им се издаваат писмени предупредувања за сообраќајниот прекршок со кој насилно узурпираат површини кои не им се наменети.

Тротоарите се места на кои треба безедно да се движат нашите најмлади, повозрасните но и оние кои заради некаква телесна попреченост не можат да маневрираат на стеснетиот простор.

Впрочем и секој возач кој го паркирал возилото на тротоар во моментот кога го напуштил возилото и самиот е пешак.

Да ги почитуваме сообраќајните правила со тоа се почитуваме едни со други.

Со почит,
ЈППЈЛП Битла

Денес, недела 23 март, 2025 години екипи на ЈКП “Водовод“ – Битола имаа работни активности на објектот “Пумпна станица Довлеџик“. Беше извршена промена на крилест затворач Ф/500 mm. заедно со монтажно-демонтажно парче Ф/500 mm.

Монтирањето се врши на почеток на потисниот цевковод преку кој во летните месеци до “Филтер станица Дихово“ се пумпа сирова вода од од П.С. “Довлеџик“ во должина од скоро 2 km и висинска разлика од 120 м.Значењето на функционалноста на овој “Потисен цевковод“ е премногу важна за редовно водоснабдување на нашите корисници.

ЈКП “Водовод“ уште еднаш сака да им соопшти на граѓаните дека водоводниот систем овозможува питка вода во сите домови, затоа се потребни инвестиции и негова обнова во континуитет и според добро подготвен стратешки план.

Општина Битола е во завршна фаза на реализација на проектот: Реконструкција на коловоз, мешовита канализација и водоводна мрежа на улица „Никола Тесла“. Работните активности се одвиваа на потегот од поврзувањето со улица „Влатко Миленковски“ до спој со „Булевар 1 ви Мај“. Реконструкцијата на комплетната инфраструктура е во вредност од 9.826.756,09 денари, а инфраструктурното уредување во овој дел на градот вклучува и реконструкција на улично осветлување во износ од 2.394.000,59 денари.

Ова е еден од проектите со кои локалната самоуправа, дејствува во насока на подобрување на патната инфраструктура во централното градско подрачје.