Во Русија избила мистериозна зараза поради која пациентите искашлуваат крв и имаат висока температура. Болеста започнува со симптоми слични на COVID, како слабост и болки во мускулите. Меѓутоа, по неколку дена болните добиваат температура од 39 степени, а потоа започнуваат да искашлуваат крв.

Во објави на руски телеграм канали, објавени се неофицијални дека случаите се пријавени во повеќе градови, но властите не потврдиле колку случаи се регистрирани. Покрај тоа, руски здравствени оофицијални лица ги негирале тврдењата за епидемија, изјавувајќи дека не постојат докази за нов или неидентификуван вирус што циркулира во земјата.

Заразените пациенти биле негативни на COVID и грип, а лекарите наводно пишувале дијагноза како „акутна инфекција на горните респираторни патишта со неодредено потекло“, пишува Daily Mail.

Жена која се претставила како Александра објавила на Телеграм дека била заразена со мистериозниот вирус.

„Во Русија се појавил непознат вирус. Заразените веќе со недели страдаат од висока температура и силно искашлување на крв, а тестовите за COVID и грип се негативни. Симптомите на болните се исти: сè започнува со вообичаени болки и слабост, но по неколку дена станува невозможно да станеш од кревет. Температурата оди до 39, а сето ова го придружува кашлицата.“

Таа додала дека по една недела и земање антибиотици, се уште кашла, а на петтиот ден забележала крв. Исто така, напишала дека лекарите ѝ рекле дека имаат многу пациенти заразени со „чуден вирус“. Меѓутоа, некои сметаат дека може да се работи за пневмонија предизвикана од микро плазма.

Американскиот претседател Доналд Трамп се огласи на неговата социјална мрежа Truth Social, објавувајќи:

„Операцијата заврши! Пациентот преживеа и се опоравува. Прогнозата е дека пациентот ќе биде посилен и подобар од сега. Да ја направиме Америка повторно голема!“

Трамп исто така најави воведување царини од 10 отсто на целиот увоз во САД, како и повисоки царини за некои од најголемите трговски партнери на земјата. Овие мерки ќе ја интензивираат трговската војна што започна по неговото враќање во Белата куќа.

„Тоа е наша декларација за независност“, изјави Трамп на настан во градината на Белата куќа, држејќи плакат со реципрочни царини, вклучувајќи ги и оние од 34 отсто за Кина и 20 отсто за Европската унија.

Претходно, Трамп веќе воведе царини од 20 отсто на целиот увоз од Кина, како и 25 отсто на увозот на челик и алуминиум. Покрај тоа, овие мерки беа проширени на производите направени од овие материјали во вредност од скоро 150 милијарди долари.

Потпретседателот на САД, Џеј Ди Венс, откри дека милијардерот Илон Маск ќе продолжи да биде советник и пријател, исто како и на претседателот Доналд Трамп, дури и по истекот на неговата улога како специјален владин вработен по 130 дена поминати во Агенцијата за ефикасност на власта (DOGE).

„DOGE има многу работа, и да, таа работа ќе продолжи и откако Илон ќе си замине“, изјави Венс во интервју за Fox News.

Венс исто така ги нарече извештаите на порталот Politico, кој тврдеше дека Трамп спомнувал во своите внатрешни кругови, вклучувајќи ги членовите на Кабинетот, дека Маск наскоро ќе замине, „тотални лажни вести“.

„Илон дојде и му рековме: ‘Мораме да ја направиме владата поефикасна. Мораме да ја намалиме неверојатната брзина на бирократијата која го кочи духот на американскиот народ, но исто така не чини и премногу пари.’ Му рековм дека тоа ќе бара околу шест месеци, и тоа е она што Илон го потпиша“, рече Венс и додаде: „Но, секако, тој ќе продолжи да биде советник. А, инаку, работата на DOGE не е ни близу завршена. Негоиот ангажман не е ни близу завршен“.

Кога го прашаа за неговите претседателски амбиции, Венс рече дека тој и Трамп ќе размислат за тоа кога ќе дојде време, во 2028 година. Ова следува по изјавата на Трамп дека постојат „методи“ за барање на трет мандат и дека не се шегува во врска со тоа.