Connect with us

Македонија

Меџити: Нема толеранција за загадувачите, казнета рудникот „Тораница“ во Крива Паланка

Published

on

Министерството за животна средина и просторно планирање (МЖСПП) изрече казна од 200.000 денари за компанијата „Булмак“, која управува со рудникот „Тораница“ во Крива Паланка, поради утврдена загадувачка активност. Според извештаите од инспекциските контроли, компанијата направила прекршок од трета категорија.

„Според пријавата од „Булмак“ на 14.03.2025 година, во периодот од 06:30 до 07:00 часот, дошло до инцидент при што пукнал цевководот преку кој технолошката вода од таложното езеро се пренесува до флотациониот погон. Водата не содржи хемикалии, но била заматена поради механички нечистотии. Компанијата пријави дека дефектот е саниран и истекувањето е запрено. Согласно Законот за животна средина, предвидената глоба за големи компании изнесува од 180.000 до 200.000 евра, а за одговорното лице во компанијата до 10.000 евра“, соопштија од Министерството.

Министерот за животна средина и просторно планирање, Изет Меџити, упати јасна порака дека нема да има толеранција за загадувачите:

„Законот мора да се почитува. Секој што го загрозува животната средина ќе се соочи со санкции без исклучок. Инспекциските контроли ќе продолжат со зголемен интензитет, а Министерството ќе инсистира на транспарентност и целосна одговорност. Ова е само еден од многуте чекори што ги преземаме за да обезбедиме чиста и безбедна средина за сите граѓани.“

Од Министерството најавуваат дека засилените контроли ќе продолжат и во наредниот период со цел спречување на загадувачките активности и заштита на животната средина.

Македонија

Мицкоски за средбата со Филипче: Одговорност, мудрост и чесност ѝ се неопходни на Македонија!

Published

on

Премиерот Христијан Мицкоски оствари средба со лидерот на опозицијата, Венко Филипче, при што во фокусот биле актуелните случувања во земјата.

„Средба каде разговараме за актуелните случувања, и од која сакам да се знае дека одговорност, мудрост и чесност ѝ се повеќе од потребни на Македонија!“ – напиша Мицкоски на својот Фејсбук профил, истакнувајќи ја важноста на конструктивниот политички дијалог.

Continue Reading

Македонија

ВРЕДИ: ДУИ има синдром на напуштена љубовница

Published

on

Како пулени на СДСМ, ова изгубено раководство на ДУИ очигледно не може да преболи што и Венко Филипче ги пушта низ вода. Откако секојдневно се координираа како политички да профитираат од колективната трагедија во Кочани, сега Бујар Османи, како лице задолжено за контакт со СДСМ, емоционално изневерен што плановите им се разоткриени, повторно ја заврти истата бајата грамофонска плоча, велат од Коалицијата ВРЕДИ.

– Наместо да ја прозиваат коалицијата ВЛЕН, ние уште еднаш ги повикуваме да престанат да шират лаги и манипулации со цел да ги оправдаат плановите за бојкот на локалните избори како обид да предизвикаат политичка криза. Конечно, треба да разберат дека токму заради нивното криминално владеење ВМРО-ДПМНЕ освои 58 пратеници на ланските парламентарни избори. Не постојат ниту јавни, ниту тајни планови за отстранување на Албанците од било каде. Постои само патолошки страв на ДУИ од правосудна одговорност за нивните поранешни функционери кои со децении се богатеа на грбот на Албанскиот народ, кого јавно го лажеа со големо Албански приказни, а тајно ги полнеа џебовите со криминални дилови со Груевски и Мијалков. Овие анти-Албански политики на ДУИ ќе бидат жестоко казнети, бидејќи нашиот народ нема да дозволи некој да ги држи во заложништво само затоа што разгалените фотељаши не се научени да седат во опозиција, се вели во соопштението.

Continue Reading

Македонија

Метео: Еве кога се враќа снегот и студот во Македонија

Published

on

Денес попладне и во текот на ноќта, во западните делови на земјата, а утре и во источните, се очекуваат повремени врнежи од дожд, а на некои места ќе бидат и пообилни, над 15 литри на квадратен метар.

Во сабота ќе има услови за локални нестабилности, со пороен дожд, грмежи и засилен ветер.

В недела ќе се случи брз продор на студена воздушна маса од север, која ќе донесе врнежи од дожд, додека на планините и на повисоките места ќе биде снег. Во овие денови ќе дува силен северен ветер, а температурите значително ќе опаднат. Снег ќе има и во некои пониски места. Во понеделник ќе има провејување слаб снег на некои места, а утринските температури на повеќе места ќе бидат под нулата.

По ова, ќе следува период на стабилно и постудено време, со утрински температури кои ќе бидат под нулата во цела земја.

Во Скопје, попладне и во текот на ноќта, ќе има врнежи од дожд, а во делови од котлината врнежите ќе бидат понекогаш пообилни (10-15 л/м2). Утре ќе се задржи променливо облачно време со повремен дожд. В сабота ќе има преодно стабилизирање на времето, додека в недела ќе биде претежно облачно, студено и ветровито со повремени врнежи од дожд. Во вечерните часови, во повисоките делови од котлината, ќе има услови за слаб снег.

Continue Reading
Advertisement
Advertisement

Трендинг

Copyright © 2024 Булевар.мк