Научниците откриле дека луѓето стареат на молекуларно ниво во два забрзани напливи – првично во возраста од 44 години, а потоа повторно во 60-тите години. Во истражувањето објавено во магазинот Nature Aging, научниците од Универзитетот Стенфорд и Технолошкиот универзитет Нанианг во Сингапур ги следеле 108 учесници во текот на неколку години за да го истражат старењето на нивните молекули – РНК, протеини и микробиоми.

Научниците откриле дека старењето на луѓето не се случува постепено и линеарно. Наместо тоа, повеќето молекули кои ги проучувале покажале забрзани, нелинеарни промени на возраст од 44 и 60 години. Ксиаотао Шен, доцент по микробиомска медицина на Технолошкиот универзитет Нанианг и прв автор на истражувањето, изјави за CNN дека резултатите покажуваат дека “не старееме постепено”. Некои времески периоди се посебно важни за нашето стареење и здравје, додаде тој.

На пример, способноста на метаболизмот за кофеин значително се намалува – првично околу 40-та година и повторно околу 60-та година. Компонентите вклучени во метаболизмот на алкохол, исто така, се намалуваат, особено околу 40-та година, рече Мајкл Снајдер, претседател на одделот за генетика на Универзитетот Стенфорд и автор на истражувањето.

Снајдер додаде дека, аневдотично, “луѓето често доживуваат повреди на мускулите и забележуваат зголемување на мастите во 40-те години (поврзано со метаболизмот на липидите), а дефинитивно саркопенијата (губење на мускулна маса) ги погодува луѓето во 60-те години – ова е многу голема работа.”

Двете старосни групи доживеале промени во протеините кои ги држат ткивата заедно, што веројатно помага да се објаснат промените на кожата, мускулите и кардиоваскуларниот систем, додаде тој. Ризиците од болести исто така растат побрзо, особено по 60-те години. Истражувањето покажало дека луѓето постари од 60 години се подложни на кардиоваскуларни нарушувања, проблеми со бубрезите и дијабетес тип 2. Пронаоѓањето на ваквите образци може да помогне во дијагностицирањето и превенцијата на болести, се наведува во истражувањето, кое исто така ги идентификува “клинички активните маркери” кои можат да се користат за подобрување на управувањето со здравствената заштита и благосостојбата на постарата популација.

Истражувањето се фокусирало на учесници меѓу 25 и 75 години во просек за речиси две години. Сите учесници живееле во Калифорнија, биле здрави и доаѓале од различни етнички групи. На секои три до шест месеци се земале примероци од крв, столица, кожа и брисеви од носот и усната шуплина.

Откако забрзаното старење кај жените можело да се припише на менопаузата (која обично се случува помеѓу 45 и 55 години), истражувачите направиле анализа на одделни сетови податоци за мажи и жени. За нивно изненадување, откриле дека резултатите се слични – што сугерира дека преодната точка околу 55 години може да биде вообичаена појава за двата пола. Претходното истражување на истражувачи од Германија и САД открило дека постои уште еден “бран” на стареење на околу 75 години, но најновото истражување не можело да ги потврди тие наоди поради ограничениот старосен опсег во истражувањето, изјави Шен за CNN.

Што се однесува до тоа што да се извлече од овие откритија, истражувачите советуваат промена во начинот на живот, како што е намалување на консумирањето алкохол и повеќе вежбање кога се ближат овие клучни години од 40-те и 60-те. Снајдер советува луѓето кои се приближуваат кон своите 60-ти години да внимаваат на внесот на јаглехидрати и да пијат многу вода за да им помогнат на бубрезите. “Поблиску се грижете за себе во одредени временски точки во текот на вашиот животен век”, советува Шен.