Црна Хроника

Вознемирувачко видео: Снимен моментот кога се срушил покривот во дискотеката во Доминиканската Република

Бројот на загинати во рушењето на покривот во клубот во Доминиканската Република се зголемил на 27, изјави директорот на Центарот за итни случаи (COE), Хуан Мануел Мендез.

Трагедијата се случила во моментот кога во клубот настапувал познатиот пејач, кој, како што се стравува, останал под урнатините.

Сè уште не е познато како дошло до рушењето на покривот на познатиот клуб „Џет Сет“. Инцидентот се случил за време на настапот на славниот пејач Руби Перез.

На социјалните мрежи кружи снимка од моментот кога покривот се урнува врз гостите. Во еден момент музиката престанува и само се гледа темнина.

Менаџерот на познатиот пејач соопштил дека Руби Перез сè уште се наоѓа под урнатините.

Локалните власти соопштиле дека повеќе од 100 лица биле пренесени во неколку болници во околината со амбулантни возила.

„Нашиот град се буди по страшната трагедија која се случи во ноќниот клуб ‘Џет Сет’. Моето најдлабоко сочувство до семејствата на жртвите, а нашите мисли се со семејствата кои чекаат вести за своите најблиски“, изјавила градоначалничката на Санто Доминго, Каролина Мехија де Гариго.

Директорот на секторот за вонредни ситуации изјавил дека спасувачките екипи ќе останат на терен се додека постојат шанси да има преживеани под урнатините.

Во овој момент, спасувачите се обидуваат да утврдат колку луѓе се наоѓаат под урнатините, користејќи термални сигнализатори.

Doce personas murieron y múltiples resultaron heridos cuando se desplomó el techo de la famosa discoteca Jet- Set de República Dominicana durante la presentación del famoso merengue Rubby Pérez.

Según varios medios locales, su manejador Fernando Soto reveló que el artista aún… pic.twitter.com/eyIKY3E0KQ

— Molusco (@Moluskein) April 8, 2025

Црна Хроника

Исчезна 30-годишен скопјанец

На 15.12.2025 во 01:50 часот во Полициската станица Гази Баба, И.Т.(51) од с.Инџиково, скопско, пријави дека од домот се оддалечил неговиот син А.Т.(30).

Се преземаат мерки за пронаоѓање на лицето.

Црна Хроника

Примил мито од 50.000 евра за да влијае кај судија – МВР со детали

Полициски службеници по наредба на јавен обвинител од Основното јавно обвинителство за гонење на организиран криминал и корупција го лишија од слобода Ф.С. поради сторено кривично дело – Примање награда за противзаконито влијание.

Во периодот од октомври до 13.12.2025 година осомничениот примил вкупен износ од 50.000 евра за да посредува и да го искористи своето реално влијание за да интервенира кај судија во Апелациониот суд Скопје и за со поткуп кон судијата да влијае за да се изврши службено дејствие што не би смеело да се изврши.

Првично, осомничениот побарал 100.000 евра за да влијае за укинување на мерка притвор определена кон лице кое е недостапно на органите на прогонот и против кого ОЈОГОКК води друга постапка за кривични дела против јавните финансии, платниот промет и стопанството. На 06.10.2025 година примил дел од побараниот износ и тоа 30.000 евра, што му ги предала сестрата на лицето во бегство. На 13.12.2025 година директно побарал и примил уште 20.000 евра како дел од поткупот што го барал за да го даде на судијата.

Непосредно по примањето на паричните средства осомничениот е лишен од слобода и кај него се пронајдени парите.

Црна Хроника

Лажен полицаец измами старица за 23.300 евра, уапсен на граница

Полицијата од Опатија уапси 46-годишен хрватски државјанин кој измами 79-годишна жена за 23.300 евра. Измамникот се претставувал како полицаец и ја убедил старицата дека истражува хакерски напад врз нејзините банкарски сметки. Тој ја натера да ги подигне сите свои пари за наводна проверка на истрагата.

На 12 декември, жртвата му ги предала парите пред својата куќа, по што измамникот се обидел да ја напушти земјата. Благодарение на брза и координирана акција на полицијата, тој бил уапсен на граничниот премин во Брод-Посавина, а целата украдена сума веднаш била вратена на сопственичката.

Против осомничениот е поднесена кривична пријава, тој е предаден на надзорникот на притвор, а истрагата продолжува.