Инфо +

„Ако ви е скапо 160ден. патарина до Штип, одете преку Велес и локални патишта“ – Вели Министерот

На новинарското прашање околу најавената четирикратно повисока цена на поатарините на автопатот Скопје -Штип, Благој Бочварски, министер за транспорт и врски со „соломонско решение“:

„Секој граѓанин одлучува дали ќе патува по автопат каде што се плаќа патарина или преку регионален пат каде нема патарини. Граѓаните од источниот регион имаат можност да патуваат преку Велес, преку друг тарифник за наплата на патарини или преку регионални патишта каде нема патарини“.

Уште две нови патapини: Граѓаните ќе плаќаат дополнителни 160 денapи во правец

Следниот месец почнува изградбата на 2 те нови патарини на автопатот Скопје-Штип. Едната, во Преод, ќе чини 50, во Кадрифаково 70 денари. Ова значи неместо сегашните 40, патувањето од главниот град до Штип, во должина од 47 километри граѓаните ќе ги чини 160 денари во еден правец, објавува Сител.

Ќе се модернизираат и 5 те постоечки наплатни рампи – во Миладиновци, Глумово, Желино, Тетово и Гостивар, но од Државни патишта велат дека за сега, не се предвидени повисоки цени за овие патарини.

Со повеќе од половина година задоцнување, избран е конзорциумот Асeлсан Жикол, кој за 12,5 милиони евра ќе ги реконструира патарините.

Инаку, Koвид пандемијата негативно се одрази и врз приходите на Јавното претпријатие. Според финансиските извештаи, во вториот квартал тие биле за 60% пониски отколку во 2019 та, а во месеците јули, август и септември, поради промашената туристичка сезона и затворените рампи во Грција, падот е скоро 70 отсто. Патишта за цела година очекувале да соберат скоро 49 милиони евра, само од користење на автопатите, но за трите квартали наплатата достигнала едвај 27,8 милиони евра.

Балкан

Силни поплави ја зафатија Атина и Солун – Грција под обилни дождови

Грција се соочува со серија разорни бури и обилни дождови предизвикани од силен циклон кој го зафати поголемиот дел од земјата. Најкритична е ситуацијата во северните, централните и југоисточните региони, како и во областа на Егејското Море, каде што во еден ден наврнале до 100 литри дожд на квадратен метар.

Интензивните врнежи предизвикаа разорни поплави и порои кои уништија возила, поплавија згради и предизвикаа големи материјални штети. Обилните дождови не ги заобиколија ниту главниот град Атина, ниту Солун, каде што штетите се значајни.

Метеоролозите предупредуваат дека серијата бури ќе продолжи до крајот на неделата, со дополнителна закана од разорни поплави и ненадејни водени талози. На некои локации се очекува дополнителни 100 до 200 литри дожд на квадратен метар, што дополнително го влошува ризикот за нови штети.

Граѓаните се советуваат да бидат внимателни, да избегнуваат непотребно движење и да се придржуваат до упатствата на локалните власти.

Балкан

Шекеринска: НАТО внимателно го следи руското хибридно мешање во БиХ и на Балканот

Заменик-генералната секретарка на НАТО, Радмила Шекеринска, изјави дека Алијансата внимателно ги следи обидите на Русија да влијае врз внатрешните процеси во Босна и Херцеговина и на поширокиот Западен Балкан. Таа оцени дека активностите што се забележуваат претставуваат типичен дел од рускиот хибриден арсенал, насочен кон создавање поделби и поттикнување сецесионистичка реторика.

Шекеринска нагласи дека руските обиди за хибридно делување не се ограничени само на регионот, туку се присутни и кај други сојузници и партнери на НАТО. Според неа, Западен Балкан останува од стратешка важност за Алијансата, која во регионот има повеќе членки, како и партнери меѓу кои и БиХ.

Говорејќи за состојбата во одбранбениот сектор на БиХ, таа посочи дека НАТО помага во низа практични области, но дека стабилното финансирање на Оружените сили на БиХ е клучно за нивна модернизација. Потсети и на програмата DCB, преку која БиХ доби опрема и специјализирани возила со поддршка од Словенија, но предупреди дека таквата помош мора да биде проследена со долгорочни национални вложувања.

Во пораката до политичките лидери во БиХ, Шекеринска истакна дека политичките компромиси често се ризични, но носат поголема сигурност и стабилност на долг рок. Таа додаде дека граѓаните очекуваат исчекори напред, наместо повторување на истите политички конфликти што ја следат земјата веќе три децении.

Балкан

Евзони повторно блокиран: Грчките земјоделци го стопираат сообраќајот цел ден

Граничниот премин Евзони денеска повторно е во целосна блокада поради штрајкот на грчките земјоделци, кои со протестите го запираат сообраќајот за сите категории возила.

Според информациите од Авто-мото сојузот на Македонија, преминот ќе биде затворен во два термина: од 10 до 14 часот и повторно од 18 до 22 часот.

Блокадата предизвикува значителни застои и пречки за патниците и превозниците кои патуваат кон Грција, а засега нема најави кога ситуацијата би можела да се нормализира.