Македонија

Мицкоски објави дека сите 80 општини алицирале со пректи, финансирани од унгарскиот кредит

Сите 80 општини во Македонија аплицирале да добијат финансиски средства од унгарскиот заем.

Заклучно со денеска со завршување на вториот јавен повик, бројката на проекти достигнала 1200, што според премиерот Мицкоски и министерот за локална самоуправа Перински е историски успех. Најголемиот дел од парите велат дека се искористени за подобрување на патната инфраструктура, но и за изградби и доградби на училишта и градинки.

„ И можам да кажам дека сега имаме близу 900-тини само од вториот проект. Или кога ќе се соберат од првиот и вториот повик заедно, тогаш ќе имаме вкупно 1.200. Тоа се 1.200 градилишта во Македонија. Тоа е историска, би рекол вековна работа. “Христијан Мицкоски – претседател на Влада.

„ За првиот јавен повик склучивме договори во висина од 4,6 милијарда денари, во вториот јавен повик имаат пристигнато апликации некаде близу 16 милијарди денари, што значи дека вредноста на сите проекти кумулативно ќе надмине 20 милијарди денари и тоа е навистина импозантна бројка. “-Златко Перински – министер за локална самоуправа.

Според премиерот и министерот добар пример за искористеност на финансиската помош од заемот од Унгарија е Кавадарци, општина која аплицирала со 17 проекти вредни околу 400 милиони денари. Токму таму денеска владиниот тим со локалната власт промовираше неколку инвестиции од овој заем.

„ Даваат безрезервна поддршка на Општина Кавадарци, особено оној заем којшто го зема Владата и го инвестира во општините за регионален развој. Денеска ни се сите девет градоначалници, без разлика на политичката опција, присутни, за овие благородни проекти кои се во интерес на нашите сограѓани. “Митко Јанчев – градоначалник на Кавадарци.

Во Кавадарци имаше и политички прашања за премиерот Мицкоски по несогласувањата во Вреди и односите со Таравари. Без да сподели детали и да го каже планот дали ќе побара од Таравари да остане или да ја напушти Владата и кога ќе се одржи состанокот со него, рече само дека ќе се сретнат, а односите во владината коалиција изјави дека се одлични.

Македонија

Ледени утра ни претстојат: Температурите паѓаат до -8 степени

Македонија денеска е под влијание на влажен бран со облачно време и повремени врнежи од дожд, додека на планините врнежите ќе бидат од снег.

Од петок се очекува стабилизирање на времето, но со значителен пад на утринските температури. За време на викендот и во почетокот на следната недела утрата ќе бидат ведри, но многу студени, со температури кои насекаде ќе се спуштат под нулата.

Најниските утрински температури се предвидуваат во недела и понеделник, кога на места ќе достигнат и до -8 степени. Дневните температури кон крајот на периодот ќе бидат во благ пораст, достигнувајќи до 10 степени.

Македонија

Тошковски сооошти дали ќе има толеранцијата на камерите „Сејф Сити“

Министерот за внатрешни работи, Панче Тошковски, за „Топ Тема“ на Телма изјави дека камерите од системот „Сејф Сити“ ќе имаат исти отстапки како што се применуваат кај полициските радари.

Според министерот, за брзини до 100 км/ч ќе важи толеранција од 6 км/ч, за брзини над 100 км/ч – 8 км/ч, а за брзини над 200 км/ч – 12 км/ч.

Тошковски нагласи дека овие толеранции се однесуваат само на сообраќајни прекршоци, додека во случаи на кривични дела поврзани со сообраќајот, толеранција нема да се применува.

Македонија

Сали и Хоџа нови министри: ВЛЕН најавува засилени реформи и европски курс

Со изборот на Беким Сали за прв вицепремиер и министер за европски прашања и Мухамет Хоџа за министер за животна средина и просторно планирање, коалицијата ВЛЕН јасно го поставува правецот на своето делување – кон реформи, кон Европа и кон држава што работи во интерес на граѓаните.

Именувањето на Беким Сали претставува потврда за политички профил со интегритет, искуство и визија. Како пратеник, Сали важеше за еден од најактивните и најконструктивните гласови во Собранието, со иницирање и поддршка на конкретни законски решенија во интерес на граѓаните и унапредување на институционалните стандарди. Во новата улога како прв вицепремиер и министер за европски прашања, тој ја презема одговорноста за една од стратешките определби на ВЛЕН и на Владата – европскиот пат на државата. Со лидерство, професионалност и решителност, Сали ќе работи на интензивирање на реформите и враќање на довербата дека европската интеграција е реален, мерлив и неповратен процес.

Подеднакво значајно е и именувањето на Мухамет Хоџа на чело на Министерството за животна средина и просторно планирање. Во период кога заштитата на животната средина, уредувањето на урбаниот простор и одржливиот развој се меѓу клучните предизвици, овој ресор бара сериозна работа, стручност и храбри одлуки. Од ВЛЕН истакнуваат дека веруваат оти Хоџа ќе го води секторот одговорно, ставајќи го јавниот интерес пред секоја друга сметка и носејќи политики што ќе ја заштитат животната средина, ќе го уредат просторот и ќе го подобрат квалитетот на живот на граѓаните.

Според ВЛЕН, овие именувања јасно покажуваат дека коалицијата промовира кадри кои работат, а не само зборуваат, кои спроведуваат реформи, а не импровизираат, и кои државата ја гледаат како сервис за граѓаните, а не како партиска сопственост. Со Беким Сали и Мухамет Хоџа на овие клучни позиции, Владата добива нова енергија, јасна европска ориентација и капацитет за конкретни резултати.

Во соопштението, ВЛЕН повторува дека останува посветена на длабоки реформи, европска интеграција и градење институции кои работат со чесност, транспарентност и одговорност.

На крај, од коалицијата изразуваат почит и благодарност до досегашните министри Орхан Муртезани и Изет Меџити за нивниот значаен придонес, одговорното раководење и коректната соработка.