Балкан

Бугарското разузнавање ја означува кризата во здравството како закана за националната безбедност

Бугарската контраразузнавачка агенција, Државната агенција за национална безбедност (ДАНС), ја идентификуваше продлабочената криза во здравствениот систем на земјата како „значаен процес што создава ризици“ за националната безбедност.

Според извештајот на ДАНС, во кој увид имал Euractiv, агенцијата истакнува четири клучни сценарија поврзани со здравствената заштита што претставуваат сериозни закани за стабилноста на Бугарија.

Тие вклучуваат потенцијал за нови епидемии олеснети од миграцијата на населението од регионите опфатени со конфликти и ниските стапки на имунизација на бугарското население; ескалацијата на проблемот со антимикробната резистенција поради широката употреба на антибиотици; растечкиот недостиг од медицински персонал, особено во државните и општинските болници; и периодичниот недостиг од основни и скапи лекови.

Оваа невидена проценка го става здравството во центарот на загриженоста за националната безбедност во Бугарија, одразувајќи ја растечката загриженост за способноста на системот да одговори на заканите по јавното здравје.

Четири закани
Порастот на антимикробната резистенција (AMR), во голема мера предизвикан од прекумерната употреба и злоупотреба на антибиотици, е претставен во извештајот. ДАНС забележува дека AMR сериозно ги ограничува опциите за лекување на инфекции, претставувајќи значителна закана за јавното здравје и отпорноста на здравствениот систем.

Во докуменот на кој се повикува Euractiv, безбњедносната агенција натаму укажува на „влошувањето на дефицитот на медицински персонал, особено во јавните и локалните болници“. Овој недостиг ги продлабочува постојните нееднаквости во пристапот до здравствена заштита, особено во помалите градови и руралните региони, и го ослабува целокупниот капацитет на националниот здравствен систем.

Извештајот на ДАНС, исто така, го истакнува периодичниот недостигот од критични и скапи лекови на пазарот. Проблемите со синџирите на снабдување, растечката практика на паралелен увоз и зголемената домашна побарувачка се наведуваат како главни фактори зад овие недостатоци, кои ја загрозуваат грижата за пациентите и би можеле да ја влошат здравствената криза во случај на голема вонредна состојба.

Извештајот ја нагласува потребата од итна и координирана акција низ владините сектори за справување со овие ризици.

Лекарите повикуваат на акција
Бугарското лекарско здружение повика на зголемување на придонесите за здравствено осигурување во земјата, предупредувајќи дека здравствениот систем на Бугарија се соочува со сериозен колапс, бидејќи болниците низ целата земја ги затвораат основните услуги, вклучувајќи ги одделите за мајчинство и педијатрија.

Во соопштението, Бугарското лекарско здружение изјави дека влошувањето на ситуацијата е резултат на долгогодишно занемарување, при што цели региони сега се оставени без основна медицинска нега. Организацијата нагласи дека затворањата не се изолирани инциденти, туку дел од поширока, системска криза што го погодува целото бугарско општество.

„Најранливите болници, особено оние надвор од големите урбани центри, се оставени сами да се справуваат со хроничните проблеми“, вели Бугарското лекарско здружение. „Ова не е неуспех на поединечните институции, туку национално прашање што бара итно внимание“, се додава во соопштенеито.

Хронично недоволно финансирање, стареење на работната сила
Бугарското лекарско здружение го критикуваше постојаното недоволно финансирање на здравствениот сектор, истакнувајќи дека Бугарија издвојува најнизок дел од својот бруто домашен производ (БДП) за здравствена заштита меѓу земјите-членки на Европската унија и одржува најниска стапка на придонес за здравствено осигурување.

Тврдењата дека трошоците за здравствена заштита во Бугарија се прекумерни се неосновани, истакнува здружението, посочувајќи на споредбените податоци низ Европската Унија. „Со години се спротивставуваме на ваквите тврдења, а бројките јасно ја поддржуваат нашата позиција“, забележа Бугарското лекарско здружение.

Здружението, исто така, изрази загриженост во врска со работната сила во здравствената заштита, истакнувајќи дека голем дел од лекарите, медицинските сестри и акушерките се близу или ја поминале возраста за пензионирање, велејќи „потпирањето врз пензионерите за одржување на системот е неодржливо“.

Бугарското лекарско здружение ги повика политичките лидери и јавноста да дадат приоритет на реформата во здравствената заштита, предупредувајќи дека кризата ќе се продлабочи без значителни инвестиции и системски промени.

„Зголемувањето на придонесот за здравствено осигурување и уделот од БДП-то наменет за здравствена заштита се неопходни чекори за да се спречи понатамошен колапс“, соопшти Бугарското лекарско здружение.

Итни реформи во обуката
Меѓу дополнителните мерки предложени од Бугарското лекарско здружение се реформите во образованието и обуката на медицинските сестри и акушерките, со цел да се направат професиите попривлечни, а воедно да им се овозможи на студентите активно да учествуваат во клиничката работа за време на студиите.

Бугарското лекарско здружение, исто така, повикува на натамошен развој на механизми за поддршка на болниците кои се единствени даватели на здравствени услуги во нивните општини, со цел да се намали нивната зависност од обемот на пациенти и да се обезбеди нивната финансиска стабилност.

Со оглед на заканата дека сегашниот бран затворања (на здравствените установи) би можел да стане широко распространет, оставајќи цели региони без основна здравствена заштита, Бугарското лекарско здружение ја повикува владата да спроведе итни мерки за заштита на стабилноста на системот.

„Зголемувањето на придонесот за здравствено осигурување и уделот од БДП-то наменет за здравствена заштита се неопходни чекори за да се спречи понатамошен колапс“, предупредаат од Бугарското лекарско здружение.

Балкан

Дел од обвинетите за трагичниот пад на настрешницата во Србија ослободени

Вишиот суд во Нови Сад одлучи да ја запре кривичната постапка против дел од високите функционери и други обвинети, меѓу кои Горан Весиќ, Јелена Танасковиќ и Анита Димоски, како и уште тројца други лица. Според судските образложенија, нема доволно докази кои би го поткрепиле сомнежот за сторените дела против општата безбедност и неправилно изведување градежни работи.

Одлуката значи дека Јелена Танасковиќ, Милан Спремиќ, Марина Гавриловиќ и Дејан Тодоровиќ повеќе не се ограничени со мерката забрана за напуштање на домот и веднаш ќе бидат пуштени на слобода. Сепак, Анита Димоски и Горан Весиќ остануваат во куќен притвор, поради посебно решение на Вишиот суд во Белград.

И покрај ова, судот ја потврди обвинителната постапка против уште седум лица, меѓу кои Небојша Шурлан, Слободан Наумовиќ и Милан Јелкиќ, како и четири жени – Љиљана Милиќ Марковиќ, Јасна Стојилјковиќ Милиќ, Зорица Славковиќ Марјановиќ и Душан Јанковиќ. Судот утврди дека за овие лица постои доволно оправдан сомнеж дека прекршиле прописи, направиле пропусти во изведбата и одржувањето на објектот, како и во надзорот, што е во директна причинско-последична врска со настанатата штета.

Со оваа одлука, предметот останува отворен, но одговорноста сега се фокусира на групата за која судот смета дека постојат конкретни докази за продолжување на кривичната постапка.

Балкан

Продажбата на рускиот удел во НИС се одолговлекува – САД и дадоа продолжение на Србија

Вашингтон ја продолжи рокот за преговорите за продажба на рускиот удел во Нафтната индустрија на Србија (НИС), но истовремено ѝ забрани на компанијата да продолжи со работа. Канцеларијата за контрола на странски средства (OFAC) при Министерството за финансии на САД издаде нова лиценца која дозволува само преговори до 24 март, без да се овозможи нормално работење на НИС, објави Радио-телевизија Србија (РТС).

Санкциите, кои стапија на сила на 9 октомври, ја запреа доставата на сурова нафта до рафинеријата на НИС и фактички ја замрзнаа работата на компанијата. Американските власти бараат целосно повлекување на рускиот сопственик, кој моментално поседува 56,15% од уделите, но процесот на продажба е одложен поради сложени преговори и обиди за пренос на акции преку ќерки-компании кои не се под санкции. Како резултат на тоа, рафинеријата на НИС беше принудена да запре работа на 25 ноември.

Српските власти, сепак, уверуваат дека снабдувањето со нафтени деривати е обезбедено до најдоцна 25 јануари. Претседателот Александар Вучиќ ја оцени новата лиценца како „малку значајна“ за Србија, нагласувајќи дека проблемот со снабдувањето мора итно да се реши. „Србија забрзано увезува гориво, а резервите се доволни барем до 15 јануари, а можеби и до 25 јануари“, рече тој.

Министерката за рударство и енергетика, Дубравка Ѓедовиќ Хандановиќ, најави продолжување на дипломатските преговори со цел да се постигне прифатливо решение. Американските власти досега повеќепати предупредија дека не прифаќаат руско сопствеништво во НИС и инсистираат уделот на Русија да биде целосно нула.

Балкан

ПАДНА НАЈГОЛЕМИОТ БАЛКАНСКИ НАРКО-КЛАН

Шпанската полиција разби ќелија на балкански нарко-картел во голема меѓународна операција координирана од Европол, во која учествуваа и безбедносните служби од Србија, БиХ и Хрватска. Во акцијата се уапсени 30 лица, а запленети се 2.550 килограми кокаин – една од најголемите државни заплени во Шпанија.

Според шпанските медиуми, операцијата е спроведена во регионот Кампо де Гибралтар, каде што криминалната група ја користела реката Гвадалкивир како главна влезна точка за дрогата. Кокаинот бил префрлан од морето со глисери до повеќе локации долж реката, со што се намалувал ризикот од полициско пресретнување и се олеснувала понатамошната дистрибуција.

Рации биле извршени во Малага, Кадиз и Севиља, при што биле запленети оружје, големи суми пари, компјутери, документација и значителни количини дрога. Истражителите наведуваат дека истрагата продолжува со цел следење на финансиските текови, идентификација на нови ќелии и реконструкција на врските меѓу различните гранки на организацијата. Во акцијата учествувале повеќе од 500 полицајци, а биле претресени 45 куќи и компании.

Шпанските власти соопштија дека меѓу уапсените има и водечки фигури на т.н. балкански картел. Безбедносните служби предупредуваат дека во последните месеци балканските криминални мрежи го прошируваат влијанието и преземаат контрола врз трансконтиненталните кокаински рути, потпирајќи се на директни контакти со производители во Колумбија, Перу и Еквадор и на сложени финансиски шеми за перење пари.

Министерството за внатрешни работи на Србија потврди дека во Шпанија се уапсени српските државјани Б.Б. (62), Б.И. (49), М.Б. (26), М.Н. (28), С.С. (38), Р.М. (21), Д.П. (32) и Н.Т. (32). Според сомнежите, тие обезбедувале логистика и опрема за прием на кокаинот пристигнат од Колумбија, кој потоа бил складиран и дистрибуиран во координација со шпански криминални групи.

Шпанската Национална полиција објави и видео-снимки од претресите, на кои се гледаат дрога, оружје и снопови банкноти, како и обележја поврзани со криминалната мрежа.