Connect with us

Инфо +

„Имам два тона, ништо не можам да заработам, каде да го носам, да го запалам!“

Published

on

Редица тактори и камиони со кутии полни со тутун. Ваква е сликата на речиси сите откупни места во прилепско деновиве. Тутунарите гневни и револтирани од односот на откупувачите и власта. Пред камерата на Алсат се пожалија дека со денови чекаат да го предадат тутунот.

„Имам два тона, ништо нема да заработам. Сто денари, до 120 го плаќаат. А, треба 160 до 200. Ветувања имаше многу ама не се исполнети“ – вели земјоделец.

„Овие сите гледаат да не оштетат.Пред 20 дена што го дадов како прва класа сега ми вика тројка, ако не ти чини земи си го. А, кај да го носам, да го запалам“, реагираат тутунарите.

Просечната цена на тутунот досега е 165 денари за килограм, и во споредба со други години е една од полошите за тутунарите.

Како еден од најголемите проблеми тутунарите ја наведуваат проценката на тутунот.
Тие ја обвинуваат владата дека не стои на зборот, ништо од ветеното не е остварено. Ставот на министерствот за земјоделство е дека сиот тутун што е произведен ќе биде откупен.

„Во моментов откупени се околу 17.000 тони тутун. До петок, 5 февруари, во подрачните единици на МЗШВ, се пријавува вишокот на произведен тутун, кој се очекува да биде откупен до законскиот рок, односно 28 февруари“, велат од Министерство за земјоделство, шумарство и водостопанство.

Проблемот со откуп на тутун се случува секоја година. Тешката работа на поле која на крајот и не е исплатлива ги предомислува младите да ја продолжат вековната семејна традиција во садењето на оваа култута. И оваа година тутунарите на неколку пати својот револт го изразија на улица со протести и блокади, барајќи ги своите тешко заработени пари – пишува Алсат.

Балкан

Македонците во Хрватска и оваа година организираат Рацинов ден во Самобор

Published

on

По повод 85-годишнината од издавањето на збирката поезија од Кочо Рацин „Бели мугри“, денеска во Самобор, заедницата на Македонците во Република Хрватска и МКД „Охридски бисер“ од Загреб, организираат културна манифестација „Рацинов ден – Бели мугри“.

По повод 85-годишнината од издавањето на збирката поезија од Кочо Рацин „Бели мугри“, денеска во Самобор, заедницата на Македонците во Република Хрватска и МКД „Охридски бисер“ од Загреб, организираат културна манифестација „Рацинов ден – Бели мугри“.

Традиционалниот собир и годинава ќе почне со положување венци и цвеќе на бистата на Кочо Рацин во паркот на Музејот, со почеток во 13:30 часот.

Кочо Рацин, нелегално ја отпечатил својата стихозбирка „Бели мугри“ пред 85 години во Самобор. Затоа македонската заедница секоја година се собира на Рациновиот ден, организирајќи културен настан во Самоборскиот музеј.

На настанот, предавање за животот и делото на Кочо Рацин ќе одржат професорите Игор Деспот, Горан Коров и Ивана Брезовец. Учениците кои следат настава по македонски јазик по модел Ц во Хрватска, ќе рецитираат поезија на Рацин.

Покровител на настанот е Советот за националните малцинства на РХ и Самоборскиот музеј.

Continue Reading

Македонија

„Подобра канцеларија од кабина на воздухоплов нема“: Воените пилоти Панче и Дејан за професионалните предизвици и личното остварување

Published

on

Враќањето на двата воени хеликоптери М-8, кои беа на ремонт во Чешкиот ремонтен завод беше причина да го посетиме воздухопловниот ВИНГ и да поразговараме со нашите воени пилоти. Механџиски беше дел од екипата која ремонтираните воздухоплови ги врати во Македонија.

„Како да се стане пилот“ е најпребаруваната реченица на интернет ширум светот годинава, а професијата пилот најпосакувана.

Целиот текст на Курир.мк

Continue Reading

Македонија

НЕМА АПСОЛУТНА ГАРАНЦИЈА ЗА ЧЛЕНСТВО ВО ЕУ Франција целосно ја поддржува Македонија и ќе ѝ помогне на патот кон Унијата

Published

on

Франција е подготвена да ја обезбеди сета своја помош за надминување на сегашните блокади. Сепак, ние не сме индиферентни за чувствителноста на темата, вели амбасадорот на Франција Кристоф Ле Риголер.

Франција ја поддржува евроинтеграцијата на Македонија и е подготвена да ја обезбеди сета своја помош за надминување на сегашните блокади. Преземените обврски мора да се почитуваат, вели амбасадорот на Франција Кристоф Ле Риголер во интервју за МИА.

– Во рамки на својата Стратегија за Западен Балкан, за Франција, интеграцијата на регионот е приоритет. Затоа, Франција целосно го поддржува и ќе продолжи да го поддржува процесот што води до интеграција на Северна Македонија во Европската Унија. Во тој контекст, Франција е подготвена да ја обезбеди сета своја помош за надминување на сегашните блокади. Преземените обврски мора да се почитуваат. Сепак, ние не сме индиферентни за чувствителноста на темата – вели францускиот амбасадор Ле Роголер на прашањето постои ли можност за „француски предлог плус“, за уставни измени со одложено дејство до завршувањето на преговорите, за што се залага македонската Влада

Според францускиот амбасадор, нема апсолутна гаранција за членство во ЕУ, поради сложениот процес на интеграцијата и поради носењето на одлуките со консензус.

– Неопходно е да бидеме реални и да разбереме дека не може да постои апсолутна гаранција за исходот на процесот на интеграција, кој е по својата природа сложен, бидејќи бара согласност од сите држави членки. Сепак, Франција е подготвена да работи и да ја искористи својата моќ на убедување, за да го осигура текот на процесот на интеграција, во корист на Европската Унија и на целиот Југоисточен регион на Европа –  рече Ле Риголер.

Во очекување на новиот состав на ЕК и најавените реформи на ЕУ, тој вели дека нема механизам за одлучување без консензус.

– Европската унија и Европскиот совет секогаш биле многу креативни кога станува збор за наоѓање решение за надминување на ситуациите на блокада. Сепак, не постои формален механизам „27 минус 1“, и затоа тоа не може да биде институционализирано решение за моменталната блокада. Одлуките за проширување на Европската Унија се уредени со принципот на едногласност. Најдобрата гаранција за Северна Македонија е без сомнение да продолжи да работи посветено на своите реформи, со цел да ја зајакне својата кандидатура, чиј квалитет ќе биде препознаен од Европската комисија и државите членки – вели новиот француски амбасадор во Македонија.

Continue Reading
Advertisement
Advertisement

Трендинг

Copyright © 2024 Булевар.мк