Технологија

Пристигнуваат огромни промени на Инстаграм

Instagram воведува низа новитети и унапредувања со цел да го олесни користењето на апликацијата и да понуди поголема флексибилност и креативна слобода на своите корисници.

Меѓу најзначајните промени е интеграцијата со платформата Spotify, која сега е достапна преку функцијата Notes. Корисниците ќе можат во реално време да споделуваат песни што ги слушаат, а функцијата автоматски ќе се синхронизира со нивниот профил. Ова претставува надградба на досегашната можност „Add to Spotify“, овозможувајќи попрецизна и динамична врска меѓу двете платформи.

Новата опција автоматски ја ажурира песната во делот за привремен статус (Stories), елиминирајќи ја потребата за рачно додавање. Со тоа се овозможува побогато и поизразено споделување музика, што, според Instagram, е дел од пошироката кампања „Anyway“, насочена кон намалување на притисокот и анксиозноста поврзани со објавување содржини.

Корисниците ќе можат со допир на зелениот меур над профилната икона во Notes да го видат целосниот наслов на песната и изведувачот.

Дополнително, Instagram најави уште една функција која ќе им овозможи на корисниците да го уредуваат распоредот на објавите на нивниот профил. Наместо да бидат ограничени на обратно хронолошки редослед, сега ќе можат рачно да ја прилагодат позицијата на секоја објава, што е особено корисно за креаторите на содржини и брендовите што сакаат да ја контролираат визуелната презентација.

Се проширува и пристапот до тест-функцијата за Reels видеа, која им овозможува на креаторите да видат како нивните видеа се прифаќаат кај нова публика пред да бидат јавно објавени. Според Instagram, кај раните тест-корисници ова довело до зголемување на фреквенцијата на објавување за 40 отсто.

Сите овие промени се дел од поширока стратегија на Instagram за поддршка на корисниците, намалување на стресот при користење на платформата и поттикнување на креативноста и спонтаноста.

На крајот, од компанијата Meta потврдија дека работат и на Instagram апликација за iPad — функција која одамна ја бараат корисниците на Apple таблетите. Овој чекор треба да го подобри корисничкото искуство и да обезбеди доследна функционалност на сите уреди, вклучително и Android таблетите кои веќе имаат поддршка.

Технологија

Google ја укинува омилената апликација – еве со што ќе биде заменета

Google ќе го укине Google Assistant на повеќето Android уреди почнувајќи од почетокот на следната година, како дел од планот за замена на гласовниот помошник со новата вештачка интелигенција Gemini.

Google Assistant, лансиран во 2016 како конкурент на Apple Siri и Amazon Alexa, ќе биде надграден со Gemini, кој ќе се користи и на таблети, автомобили, слушалки, часовници и паметни куќни уреди. Новиот систем ќе овозможува природно гласовно управување и исти команди како претходниот помошник.

Google исто така претстави Gemini Home AI за паметни куќни уреди, а новиот Google Home Speaker се очекува во пролет 2026. Google Assistant ќе остане активен до март 2026, по што корисниците ќе бидат целосно префрлени на Gemini.

Претходно услугата се викала Bard, но беше ребрендирана во Gemini почетокот на 2024, кој сега покрива и AI модели и домашни уреди.

Технологија

На ChatGPT и требаат 200 милијарди долари да продолжи со операциите

Според најново истражување на HSBC, OpenAI, сопственикот на ChatGPT, би можел до 2030 година да треба да обезбеди околу 207 милијарди долари за продолжување на своето работење, поради растечките трошоци за компјутерска инфраструктура и глобалната трка во областа на вештачка интелигенција.

Приходите се очекува да достигнат околу 129 милијарди долари, додека трошоците за cloud инфраструктура би можеле да достигнат 800 милијарди долари. ChatGPT би можел да достигне три милијарди редовни корисници, споредено со 800 милиони минатиот месец.

OpenAI во последните три години привлече големи инвестиции, а во октомври стана највредната приватна компанија во светот, проценета на околу 500 милијарди долари. Трошоците за раст се зголемуваат побрзо од приходите, што претставува ризик за компанијата и за технолошките партнери како Microsoft, Amazon и Oracle.

Технологија

Еве што најмногу ја троши батеријата на вашиот телефон

И покрај поефикасните процесори, подобрените батерии и напредните системи за управување со енергијата, батеријата на смартфоните и понатаму брзо се празни – најчесто поради начинот на кој ги користиме уредите.

Апликации во позадина

Најголеми „скриени“ потрошувачи се апликациите што работат во позадина – социјални мрежи, фитнес-тракери, па дури и тастатури. Проверете во Поставки > Батерија кои апликации трошат најмногу енергија и ограничете ја нивната позадинска активност. Намалете ја и автоматската синхронизација кај мејлови, календари и облак-сервиси.

Екранoт – најголемиот потрошувач

Осветлувањето и високата стапка на освежување значително го скратуваат траењето на батеријата. Користете адаптивна светлина наместо рачна и ограничете го освежувањето на 60Hz кога не играте игри. Темниот режим е особено ефикасен кај OLED екрани, бидејќи исклучува дел од пикселите и штеди енергија.

Паметно полнење

Современите телефони нудат функции за заштита на батеријата кои го забавуваат полнењето над 80% за да се намали долгорочното оштетување – вклучете ја оваа опција. Користете полнење со кабел кога можете и избегнувајте честo брзо полнење, освен кога сте во итност.

Со внимателни поставки и неколку навики, батеријата може да трае значително подолго без разлика на моделот на телефонот.