Category Archives: Скопје

Скопје

Каков народ, таква елка на плоштад… (Фото)

Елката во Скопје иако крива, но и недокитена – стана популарната во Македонија. Ги засени сите декорации направени во другите делови од Македонија, но и другите општини во Скопје. Никој не знае зошто не е целосно украсена, а ниту која е фирмата која ја поставува за што ќе треба да платат скопјани. За нејзината популарност зборуваат бројните коментари и фотографии со неа.

„Каков народ, таква елка на плоштад: сиромашен, ужасен, грд за гледање“, стои во коментар на „Х“.

Да видиме што велат граѓаните:

Скопје

О.У. Песталоци во тишина: Прости ни Вања, не знаеме како да се поздравиме…

Тага и молк во основното училиште на убиената Вања Ѓорчевска. Во Ј.Х.Песталоци отворена книга на жалост. Се потпишуваат родители, познаници, но и соученици.Наместо детски џагор, тишина низ школскиот двор.

-Наставниците не умеат да ја решат оваа задача, Вања.
Прости ни, не можеме, не знаеме како да се поздравиме…
Нека ти биде светол патот кон вечноста! Твојата насмевка и искрена душа засекогаш ќе останат во нашите срца.
Со неизмерна болка и љубов, твоите наставници и соученици, најмила Вања!- стои во објавата.

Македонија, Скопје

Умре и Флопи – Зоолошка Скопје остана без жирафи

Умре и третата жирафа во скопската Зоолошка градина Флопи. Како што дозна САКАМДАКАЖАМ.МК од  вработени во градината, единствената жирафа која остана во градината починала вчера попладне.

Сега во градината нема ниту една жирафа. Во мај годинава умре Каспер, а во јануари 2021 година Тобого.

Жирафите Тобого, Каспер и Флопи беа омилените жители на посетителите во скопската зоолошка градина.

Скопје

(Видео) ФИЛМСКО АПСЕЊЕ ВО СКОПЈЕ

Полицијата денеска во центарот на Скопје полицијата денеска уапси уште еден нарко дилер кој беше баран со потерница во врска со оперативната акција „Планина“.

Станува збор за лицето Е.С. од скопското село Грчец, барано со потерница.

На 14.11.2023 во 12.20 часот во Скопје полициски службеници од Оперативен тим потраги при СВР Скопје го лишија од слобода С.Е. (23) од с.Грчец, скопско, кој бил баран со потерница по наредба на КПУ Затвор Скопје, а во врска со чл.215 од КЗ на РСМ осуден на казна затвор во траење од три години. С.Е. ќе биде предаден на надлежната казнено поправна установа, објави МВР.

Погледнете како беше уапсено лицето во локал во Скопје. Снимката ја објави порталот 24 Инфо.

https://youtu.be/IMKPhpISGNQ

Македонија, Скопје

Секој понеделник наставата во училиштата во Аеродром ќе започнува со интонирање на државната химна (ВИДЕО)

Наставата во основните училиштa во Аеродром отсега секој понеделник ќе започнува со интонирање на македонската химна, затоа што почитта и љубовта кон татковината се градат од најмала возраст, напиша на својот фејсбук профил градоначалникот на Општина Аеродром Тимчо Муцунски.

-Наставата во основните училиштa во Аеродром отсега секој понеделник ќе започнува со интонирање на македонската химна, затоа што почитта и љубовта кон татковината се градат од најмала возраст.

Станува збор за иницијатива преку која изразуваме искрена почит кон татковината и со која имаме цел да го подигнеме националното чувство и љубовта на дечињата кон Македонија, но и ќе ги охрабриме да учат за македонската култура и традиција – напиша Муцунски.

https://fb.watch/ntsp_oAnRE/?mibextid=Nif5oz

Скопје

Апарати за плаќање сметки за вода на пет локации во Скопје

Јавното претпријатие Водовод и канализација – Скопје со цел доближување на услугите до своите корисници, имплементира активности кои се дел од планот за дигитализација.

-Покрај големиот број дигитализирани услуги, како добивање на електронски фактури, електронска регистрација на корисник, пријавување на дефекти и достапност на различен тип на документи преку e.vodovod-skopje.com.mk, ЈП Водовод и канализација – Скопје, располага и со апарати за плаќање на фактурите на пет локации низ град Скопје: Дирекцијата на ЈП Водовод и канализација – Скопје, Одделението за грижа на корисниците на ЈП „Комунална хигиена“, ГТЦ на приземје, во ТЦ Капитол Мол и во Сити Мол (во делот кај банкоматите), информираат од претпријатието.

Корисниците на услугите на претпријатието на овој тип апарати, како што се посочува во соопштението, имаат можност да направат преглед на сметките и да извршат уплата со користење на картичките „мастер“ и „виза“ од сите банки без провизија.

Покрај оваа можност, корисниците можат да пристапат до електронските услуги на ЈП Водовод и канализација – Скопје и преку мобилната апликација достапна за Андроид и иОС.

Скопје

Голем пожар во Волково, граѓаните во страв за своите домови (Видео)

Video

Страв и паника на населението на скопско Волково во обид да ги спасат своите домови од пожарот кој настана денеска.

Се интервенираше со шест противпожарни возила, а пожарот настанал од запалено ѓубре кај реката Лепенец.

Пожарот е ставен под контрола иако на моменти изгледало страшно, и истиот зафатил површина од неколку километри.

Погледнете го прилогот на Сител ТВ

Скопје

Четворица повредени во вооружена пресметка во Скопје

Две лица се приведени во средата, во врска со пресметка во скопската населба Чаир којашто било користено огнено и студено оружје и притоа се повредени четири лица, информира во четвртокот Министерството за внатрешни работи.

Вчера, како што стои во соопштението, полициски службеници од СВР Скопје ги лишиле од слобода 38-годишниот С.Ф. и седум години помладиот С.Н., и двајцата од Скопје.

Тие се сомничат дека на плац на булеварот „Македонско-косовска бригада“  учествувале во физичка пресметка меѓу две семејства соседи, во која било употребено огнено оружје и остри предмети, при што со повреди од огнено оружје се здобиле М.И.на 51 година и еден малолетник, додека со повреди од остар предмет се здобиле 22 -годишниот Ш.И. и 27-годишниот С.И.

Повредените биле пренесени во Градската општа болница „8-ми Септември“ каде што им била укажана лекарска помош. Увид на местото извршила екипа од СВР Скопје и се преземаат мерки за расчистување на случајот

Скопје

Вандализиран споменик на специјалец на МВР кој загина во ,,Диво Насеље” (Фото)

Gallery

Во доцните вечерни часови на празникот Илинден е вандализиран споменик на специјалец на МВР кој загина во пресметката со терористите од Косово во кумановското ,,Диво Насеље”.

На споменикот во чест на Горан Стојменовиќ во скопската населба Инџиково, општина Гази Баба непознати вандали со спреј го ишкртале неговиот лик и другите делови од споменикот.

Демократската партија на Србите во Македонија бара надлежните органи веднаш да преземат акција за наоѓање на вандалите.

,,Најостро го осудуваме вечерашното сквернавење на споменикот на нашиот брат Горан Стојменовиќ во скопско Инџиково. Горан херојски загина во борбите со албанските терористи во кумановското Диво Насеље во 2015 година”, стои во реакцијата на ДПСМ.

Инцидентот се случува на истиот ден кога српскиот претседател Александар Вучиќ упати порака дека Србите и Македонците се пријатели и братски народи, немаат отворени прашања а Србија целосно го прифаќа македонскиот идентитет и јазик.

Најчитани статии

Вечно е значењето на историските документи кои некој сака да ги помати

Скопје

Умре и третиот коњ во скопската Зоолошка

Во скопската Зоолошка градина угина и третиот коњ. Во саботата угинаа два коња, а вчера пцовисал и третиот. Станува збор за пржевалски коњи кои се ретки и скапи, по потекло се од Монголија, а во Скопје се донесени од национален парк во Австрија како донација на приватна фирма, објави СДК.

Од Министерството за внатрешни работи потврдуваат дека вчера околу 14 часот е пријавено дека угинал уште еден коњ во градината.

В. д. директорот на скопската Зоолошка градина Зоран Попов не кажува што се случило и како е можно трите коња да укинат за два дена. Тој не одговараше на нашите телефонски повици туку само ни напиша порака дека случајот е пријавен во полиција и по добиените резултатите од Факултетот за ветеринарна медицина јавноста ќе биде известена, велат од порталот.

Инаку во Зоолошката градина во мај угина и жирафата Каспер. Според патохистолошката анализа од Факултетот за ветеринарна медицина, беше констатирана инфекција од салмонела.