По положувањето цвеќе на споменикот на бранителите, претседателот на партијата Достоинство, Стојанче Ангелов, синоќа упати повик до државниот и политичкиот врв на државата на 26 март да им оддадат почит на бранителите од 2001 година.
– Го покануваме претседателот на државата Стево Пендаровски, како врховен командант на вооружените сили, претседателот на Собранието Талат Џафери, претседателот на Владата Димитар Ковачевски, другите клучни министри, но воедно и лидерот на најголемата опозициска партија Христијан Мицкоски, лидерот на Левица Димитар Апасиев и претседателите на помалите политички парламентарни и вон парламентарни партии на 26 март во 12 часот, денот кога македонските безбедносни сили извојуваа победа над УЧК, да дојдат овде и да оддадат почит на македонските бранители, рече Ангелов.
Според Ангелов, ова нивно барање до државниот и политичкиот врв не треба да предизвика, како што рече, никакво влошување на меѓуетничките односи.
Голема НАТО вежба за спасување и заштита во урбани средини изминативе три дена се одржува во Охрид и Струга. Вежбата „ Македонија 2021“ e во организација на НАТО Евроатлантскиот Центар за координација на одговор при катастрофи (EADRCC) и македонскиот Центар за управување со кризи (ЦУК).
Ова е прва цивилна НАТО вежба во Македонија, којашто поради состојбата со пандемијата од ковид-19 истовремено ќе се одвива и теренски и штабно.
Сценариото за вежбата се базира на урбани операции за пребарување и спасување, планинска потрага и спасување, одговор на поплави, одговор на хемиски, биолошки или радиолошки инциденти и на кампањи за лажни вести.
Сценариото за вежбата се базира на урбани операции за пребарување и спасување, планинска потрага и спасување, одговор на поплави, одговор на хемиски, биолошки или радиолошки инциденти и кампањи за лажни вести. (Фото: Ѓ. Личовски)
– Станува збор за вежбовна активност од големи размери, настан кој инволвира повеќе од 700 учесници од земјава и странство во којашто покрај Република Северна Македонија учествуваат 27 земји, и е прва НАТО вежба во земјава од ваков размер. Вклученоста во НАТО вежбата претставува одлична можност за поддршка на националните власти и градење на капацитетите преку подобрување на готовноста при природни катастрофи и катастрофи предизивикани од човек, подобрување на планирањето, превенцијата и одговорот, со што би се зајакнале националните капацитети за одговор при итни ситуации, велат од Центарот за управување со кризи.
Во склоп на вежбата ќе биде организиран дводневен научен симпозиум , со дискусија помеѓу високи претставници од НАТО, членките на НАТО, државите – партнери, меѓународни и невладини организации.
Директорот на Центарот за управување со кризи, Стојанче Ангелов вината ќе ја бара кај сите други ама не и кај самиот себе. Не чувствува одговорност за случајот со 63 годишниот Златко Божинов од Емирица во кој системот затаи.
Дисциплинска постапка ќе се покрене кон оперативецот во Кратово кој според Комисијата на ЦУК, тој не ја известил дирекцијата за заштита и спасување и не побарал хеликоптер.
Ангелов се правда дека не бил известен за случајот, оти ако бил, повеќе од сигурно ќе побарал хеликоптер, ако знаел што се случува. За него оставка не е опција туку дезертирање.
Оставка за мене не е опција тоа е дезертирање. Во наредните шест месеци има многу работа која треба да се сработи за да се отстранат слабостите. Доколку Владата побара од мене одговорност јас ќе ја профатам – истакна директорот на Центарот за управување со кризи Стојанче Ангелов.
Комисијата која ја формираше ЦУК ќе истражува кој дел од системот направи пропуст што случајот заврши со смртен исход. Ангелов се пофали дека одговори побарал од сите.
Ги бараме пропустите, бараме одговорност, но крајната цел е истите да ги отстраниме за да не ни се повторат во иднина. Доколку се утврди вина кај некој од учесниците во целата оваа постапка ќе биде покрената дисциплинска мерка. Во овој момент од страна на Комисијата е констатирано дека од оперативецот во Кратово не е побарано хеликоптер и не е известена Дирекцијата за заштита и спасување што претставува кршење на стандардните оперативни процедури за што следи дисциплинска постапка. За целосно расчистување на случајот одговорноста која неспорно постои и кај нас ќе ја бараме и на други места, истакна Ангелов.
Јавноста остро критикува, а дополнително револтира фактот што премиерот заедно со уште неколку министри минатиот петок се возеа со хеликоптер од Скопје до Прилеп, а два дена претходно не можело да се обезбеди за човек кој се борел за живот.
Иако младиот лекар преку директорот на Здравствен дом Кратово побарал хеликоптер, ваквото барање градоначалникот го отфрлил со образложение дека процедурите за летови биле долги, и ќе се изгубело драгоцено време.
Трогателната приказна во која 90годишната мајка 12 часа лежела до синот за да го топли, ја отвори и дилемата каде се двата хеликоптерите кои минатата година ги вети премиерот. Од власта се правдаат дека проектот со кои за 15 минути може да се спаси човек не се реализирал, поради ковид кризата.
Стојанче Ангелов, директор на ЦУК, кој најде дузина причина зошто тој и институцијата што ја води не се одговорни за смртта на овчарот кого екипа на брзата помош пет часа го извлекувала од планината на раце, поинаку беседеше во 2015 година.
Формирана е комисија што ќе го испита случајот со завеаниот овчар во Кратовско вели Ангелов. Скопје, 5 април 2021 (МИА) – Формирана е петчлена комисија која детално ќе го испита случајот со завеаниот овчар во Кратовско и ќе утврди дали постојат пропусти и слабости кај Центарот за управуавње со кризи или во другите институции. Ќе утврдат каде точно се пропустите и слабостите, за тие да бидат надминати во иднина. Не сакаме и нема да дозволиме во иднина, никогаш наш сограѓанин да се најде во ваква ситуација, изјави денеска на прес-конференција Стојачне Ангелов, директорот на Центарот за управување со кризи.
Оперативецот на ЦУК од Кратово, нагласи Ангелов, бил фокусиран на барањето за наоѓање теренско возило – џип, па дури и трактор со кој би можело да се отиде до местото, и во ниту еден момент од лекарскиот тим што бил на лице место од него не било побарано да обезбеди хеликопер. Доколку, според Анеглов, од оперативецот било побарано да обезбеди хеликоптер, тој тоа барање ќе го проследел до него и за кратко време би бил обезбеден хеликоптер.
– Имаме доволно хеликоптери, кои што би учествувале во една ваква спасувачка мисија. Како директор на ЦУК имам директна комуникација со врховниот командат на Армијата, со претседателот Стево Пендаровски од каде што, од порано ми е посочено дека, доколку ни е потребно во секој момент може да сметаме на хеликоптер. Исто, во постојана комуникација сум и со министерот за одбрана, како и со началникот на Генералштабот на Армијата, рече Ангелов.
ЦУК, посочи Ангелов, постои да им служи на граѓаните кога им е најтешко и кога нивниот живот е доведен во опасност и нивното здравје е загрозено.
– Оперативецот на ЦУК од Кратово ги презел сите потребни мерки. Откако бил информиран дека во конкретното село се наоѓа човек на кој му се пружа брза помош и истиот е во животно загрозувачка состојба и треба итно да биде извлечен од селото, тој веднаш се јавил во полиција и го известил надлежното лице. За жал, во полицијата немале соодветно теренско возило со кое можеле да стигнат на лице место, но се понудиле да отидат неколку посилни полицајци да помогнат во извлекувањето. Оперативецот, потоа се јавил и во Противпожарната заштита, од каде го добил истиот одговор. Се јавил и во ЈП „Македонски шуми“, потоа и на директорот на ЕВН во Кратово, а на крај се јавил и на директорот на Јавното комунално претпријатие Кратово, од каде најпрво добил надеж дека ќе биде обезбедено такво возило, но тоа не било обезбедено, појасни Ангелов.
Запрепастувачки е фактот, нагласи тој, дека во цела општина не можело да се најде теренско возило, кое ќе отиде на лице место и ќе помогне во извлекување на животно загрозениот пациент.
– Оперативецот на ЦУК од Кратово бил фокусиран на наоѓање теренско возило, но во ниту еден момент од него не било побарано да обезбеди хеликоптер. Според стандарнди оперативни процедури тој не е обучен во ваква ситуација да носи одлука дали треба или не треба хеликоптер. Сепак, како ЦУК овде пронаоѓам една наша слабост, која во иднина ќе биде променета. Тие стандардни оперативни процедури ќе бидат променети и секогаш, во каква било ситуација, кога ќе имаме загрозен живот или сериозно загрозено здравје на било кој наш граѓанин и на било кое место, како ЦУК ќе се погрижиме да испратиме хеликоптер за извлекување, нагласи Ангелов.
Ангелов, исто така, упати честитки на тимот од Брзата помош за покажаната храброст и пожртвуваност, особено на доктор Павле Зафиров.
– Ќе разгледаме предлагање за одликување на тројцата членови на тимот кој што го извлекоа животно загрозениот болен пациент, изјави Ангелов.
Претходно, Ангелов укажа дека проодноста на патиштата, спаѓа под надлежност на локалната самоуправа и ги повика сите градоначалници повеќе внимание да посветат на проодноста на патиштата до секое населено мести, без разлика во него живеат илјадници луѓе или само еден човек. МИА МК
Имано доктор Зафиров кој ја објави случката со своите колеги на раце го носеле замрзнатиот овчар пет часа затоа што институциите одбиле да помогнат затоаа што биле ненадлежни како што вели тој.
