Tag Archives: апсење

Македонија

ВИДЕО – Внукот на Али Ахмети уапсен со полн гепек експлозиви, однесен во станица – ги повлекуваат тигрите!

Уапсен е Дрин Ахмети, внукот на Али Ахмети, дознава „Скопје1“. Тој е во полициската станица „Беко“. Според првичните неофицијални информации, Ахмети бил фатен со поголема количина на пиротехнички средства.

Скопје1“ го улови возилото пред полициската станица во Центар. Таму имаше и проверки, а Ахмети беше вратен во станица. Тој вози џип „ленд ровер“, со албански регистарски ознаки.

Го запреле полициската екипа „Тигри“. Побарале и направиле претрес во неговиот автомобил. Во него имало пиротехнички средства. Непознато е како Ахмети се однесувал со полициските службеници.

Трговијата со пиротехника е забранета. Поради ова се очекува кривична постапка против Дрин Ахмети.

„Скопје1“ побара детали од МВР, од каде до овој момент немаме никакви информации. Прашања упативме и до Дрин Ахмети, за тоа дали е уапсен поради пиротехника, како и колкава количина поседувал. Од него, нема одговор.

Скопје

(Видео) ФИЛМСКО АПСЕЊЕ ВО СКОПЈЕ

Полицијата денеска во центарот на Скопје полицијата денеска уапси уште еден нарко дилер кој беше баран со потерница во врска со оперативната акција „Планина“.

Станува збор за лицето Е.С. од скопското село Грчец, барано со потерница.

На 14.11.2023 во 12.20 часот во Скопје полициски службеници од Оперативен тим потраги при СВР Скопје го лишија од слобода С.Е. (23) од с.Грчец, скопско, кој бил баран со потерница по наредба на КПУ Затвор Скопје, а во врска со чл.215 од КЗ на РСМ осуден на казна затвор во траење од три години. С.Е. ќе биде предаден на надлежната казнено поправна установа, објави МВР.

Погледнете како беше уапсено лицето во локал во Скопје. Снимката ја објави порталот 24 Инфо.

https://youtu.be/IMKPhpISGNQ

Македонија

МВР соопшти – момчето кое е прободено со нож има 29 години, позната неговата здравствена состојба

Video

29-годишен навивач на Левски бил избоден со нож во нападот кој се случи во Чаир вчера попладнето пред дуелот на бугарскиот тим со Шкупи потврди МВР.

На 27.07.2023 во 18.38 часот во СВР Скопје е пријавено дека на ул.„Цветан Димов“ физички биле нападнати Д.А. (29), Д.Ј.(28), Ф.Д.(31) и М.С.(30), сите од Република Бугарија, при што бил употребен и остар предмет, со кој бил повреден Д.А..

Тој бил пренесен во ГОБ „Св.Наум Охридски“, каде му биле констатирани тешки телесни повреди, но според пријавеното од болницата, лицето е во стабилна состојба.

Се преземаат мерки за расчистување на случајот, се вели во известувањето од Министерството за внатрешни работи.

ВИДЕО: ПРОБОДЕН СО НОЖ навивач на Левски – се бори за живот?!
Македонија

ПРИВЕДЕНИ СЕ БИЗНИСМЕНИ, ИНСПЕКТОРИ меѓу кои и ФУНКЦИОНЕРИ од огнената група

Нови ексклузивни детали пристигнаа до редакцијата на Инфомакс од МВР по однос на денешната голема полициска акција во Скопје.

Како што претходно објави Инфомакс во голема полициска акција се уапсени повеќе лица, меѓу кои има членови на таканаречената огнена група фракција на ДУИ. Покрај овие функционер уапсени се и бизнисмени и инспектори.

Лицата се уапсени за дејствија поврзани со данончни проневери и перење на пари.

-Утринава полицијата врши претреси на повеќе локации во Скопје, при што веќе има приведени повеќе лица – бизнисмени, инспектори, меѓу кои и функционери на ДУИ. Со оглед на професиите на лицата кои се апсат, очигледно станува збор за криминални дејствија поврзани со даночни проневери и перење пари. Од МВР потврдуваат дека во тек се претреси во координација со ОЈО ГОКК, а за детали околу кривичните дела на оваа организирана криминална група и приведените лица ќе информираат во текот на денот.

Инаку „Огнената група“ од ДУИ на чело со Изет Меџити најави почеток на процедурата за основање на нов политички субјект.

„Или ќе си одиме дома или ќе формираме ново политичко движење“, рече Меџити пред неколку дена, посочувајќи дека истото нема да биде класично.

Тројца пратеници на ДУИ од утре одат во опозиција, Меџити формира нова партија
Македонија

73-годишен скопјанец се соблекол пред малолетнички, полицијата го уапси

Полициски службеници од Единицата за интервентна полиција при СВР Скопје вчера после 10 часот на подрачјето на Карпош го лишиле од слобода 73-годишниот В.М. од Скопје.

Постапувајќи по пријава според која претходниот ден околу 17.30 часот на подрачјето на Карпош, додека малолетничка седела во нејзиниот двор со две другарки, тој во соседниот двор од неговата куќа се соблекол и недолично се однесувал пред нив, соопштија од МВР.

По целосно документирање на случајот против него ќе биде поднесен соодветен поднесок.

Свет

Гори Франција ! (Видео)

Video

Полицијата синоќа уапси најмалку 420 луѓе од кои 242 во реонот на Париз.

Во париското предградие Нантер, каде беше застрелано момчето, демонстрантите се судрија со полицијата, при што се уапсени 19 луѓе.

И во Марсеј стотици демонстранти се судрија со полицијата, додека во Лил, Лион и Бордо беа распоредени специјални полициски сили.

Министерот за внатрешни работи Жералд Дарманен претходно изјави дека поради протестите распоредени се 40.000 полицајци ширум Франција.

Македонија

ПРИВЕДЕН сопственикот на „Тинекс“ Владимир Тодоровиќ?

Неофицијално на граница синоќа е приведен Владимир Тодоровиќ, сопственик на ланецот маркети „Тинекс“ и поранешен градоначалник на Општина Центар. Во полициска акција, приведен и поранешниот претседател на Советот на Општина Центар Владимир Здравев – пишува Слободен печат.

Според извори на Слободен шечат, на граница биле приведени уште десет лица, за набавка на опрема на мостот Око. Проект од „Скопје 2014“.

Сè уште нема потврда од Министерството за внатрешни работи, дополнителни информации ќе бидат соопштени во текот на денот.

Свет

За разлика од Скопје, во Истанбул не се одржа Прајд – ги уапсија активистите на ЛГБТ заедницата (Видео)

Video

Турската полиција уапси демонстранти од ЛГБТ+ заедницата во Истанбул кои денеска се обидоа да одржат Парада на гордоста и покрај забраната на властите, објави турското издание „Дувар“, не прецизирајќи го бројот на уапсени.

Во рамките на денешниот 21. Прајд во Истанбул, полициски екипи со бариери ги блокираа сите улици кои водат кон булеварот Истиклал и централниот плоштад Таксим, а запрени се и услугите на метрото и жичницата.

Активисти на ЛГБТ+ заедницата прочитаа соопштение во паркот Мустак, по што планираа марш до Таксим, но полицијата ги спречи, пренесува БТА.

Видео:

Скопје

Големо апсење во Аеродром: Падна бегалец од затвор

На 07.06.2023 околу 22.40 часот на подрачје на Аеродром, полициски службеници од Секторот за меѓународна полициска соработка – Отсек потраги го лишиле од слобода М.П.(34) од с.Мојанци, скопско.

Тој бил осуден на казна затвор од пет години за сторено кривично дело по член 215 од Кривичниот законик, а бил баран по централна потерница врз основа на наредба од Казнено-поправната установа Затвор Идризово заради бегство од затворот во 2015 година.


Лицето било спроведено во казнено-поправната установа за доиздржување на две години и шест месеци од казната.

Македонија

ВИДЕО ОД АПСЕЊАТА: Сузбиена организирана меѓународна група за криумчарење мигранти

Video

Денеска (05.06.2023) од страна на Националната единица за сузбивање на криумчарење мигранти и трговија со луѓе при Сектор за криминалистички истраги во Оддел за сузбивање на организиран и сериозен криминал, во содејство со Одделот за специјални и посебни операции, Секторите за внатрешни работи Куманово, Скопје, Струмица и Регионалните центри за гранични работи Југ и Исток, под раководство на Јавен обвинител од ОЈО за ГОКК, во рамките на криминалистичка истрага која се води под псевдонимот „Исар“, беше спроведена координирана полициска операција со цел сузбивање на организирана криминална група, која го извршувала кривичното дело криумчарење мигранти.

Криминалистичката истрага над организираната 17-члена група, која е дел од меѓународен канал за криумчарење на мигранти, се спроведуваше од јули 2021 година до мај 2023 година. Оваа организирана криминална група врз основа на претходен договор со лица од Србија, Бугарија, Унгарија и РСМ, организирале криумчарење на мигранти од Грција кон Унгарија и од Бугарија кон Србија, со крајна дестинација во земјите на ЕУ.