На Твитер е објавена фотографија на човек кој како што се вели „стои по автобуски станици, влегува во автобуси низ гужва и краде“.
Вакви случки има често низ автобусите во главниот град, заради процедури и времетраење додека да дојде полицијата и да се направи записник, голем број од граѓаните и не ги ни пријавуват ваквите прекршоци.
Тоа не ги обесхрабрува граѓаните да го прават тоа на социјалните мрежи.
Внимавајте на овој човек и на личните работи.
Градоначалничката на Град Скопје, Данела Арсовска најави дека приватните превозници ќе се вратат на скопските улици до крајот на мај при гостување во емисијата „10 минути“ на „ТВ21“.
– Она кое го имавме како постапка, беше прекинато во два наврати. Имаа недостатоци во документацијата, сега им е целосна документацијата, и во рамки на законски, јавниот повик е исполнет, договорот се склучува неделава, и очекувам скоро дека ќе се реши. Од прилика осум дена од потпишувањето на договорот приватните автобуси ќе се вратат на улиците и очекувам тоа да биде кон крајот на овој месец. Мислам дека и пред почетокот на јуни ќе бидат исполнети условите, кажа Арсовска.
Имено по пет месеци откако протестираа приватните превозници Арсовска сеуште нема решение за недостатокот на автобуси во главниот град, граѓаните реагираат секојдневно на невидените гужви и турканици.
На два наврати до сега Советот на Град Скопје не одобри парични средства за набавка на нови автобуси, а нема информација дали до сега е исплатен долгот кон приватните превозници кој беше првична мотивација за протестите при крајот на годината.
Градоначалникот на општина Куманово Максим Димитриевски денеска се возеше со повеќе автобуски линии на неколку релации во општината во рамки на бесплатниот градски превоз за сите граѓани во Куманово.
„Имав можност да разговарам со ученици, работници, пензионери, студенти кои редовно ја користат оваа јавна услуга. Навистина ми е драго што мерката за бесплатен јавен превоз е позитивно прифатена од сите граѓани и претставува вистинско олеснување на семејниот буџет за многу семејства, кои отворено го искажуваа своето задоволство, со многу позитивни коментари и предлози. Разговарав и со возачите и ги слушнав нивните идеи и сугестии за подобрување на квалитетот на услугата кон граѓаните“, рече Димитриевски.
Тој потенцираше дека линиите што ги користел немаат задоцнувања, а ја забележал и инспекциската контрола од Општината како активно ја следи редовноста на линиите.
Подобрување на условите за граѓаните останува главен приоритет на општина Куманово во сите сегменти!
Бесплатниот јавен превоз започна оваа година, во месец јануари.
Пропадна јавниот повик на Град Скопје за избор на приватни превозници кои ќе одржуваат дел од линиите од јавниот превоз бидејќи ЈСП „Скопје“ нема доволен капацитет да ги одржува сите линии. Градоначалничката Данела Арсовска вчера прашана од новинарите дали е пропаднат тендерот и како планира сега Градот да го решава колапсот на јавниот превоз, само кусо одговори дека нема проблем и на улиците има автобуси.
„Беше објавен јавен повик на кој на сите домашни привни лица кои сакаат чесно да ја работат оваа дејност, им беше дадена можност да си се пријават. Доколку не се пријават тоа кажува многу што се однесува за овој оглас. Град Скопје може и без приватни превозници, го организираме јавниот превоз, правиме реформа и ќе набавиме нови автобуси“, рече Арсовска.
Иако граѓаните секојдневно се жалат дека автобусите не се редовни и дека се чека подого време особено во шпицот, градоначалничката смета дека Градот може и без приватни превозници.
Војната меѓу Град Скопје и приватните превозници не завршува, а цената ја плаќаат граѓаните кои не можат да стигнат ниту во болница, ниту на работа, учениците доцнат на часови. Се троши време, нерви и гориво во услови на економска криза, граѓаните превозот ги чини неколкупати поскапо оваа недела.
Приватниците решија утре блокадата да ја насочат само кон Град Скопје и ќе ја блокираат Илинденска. Од долгот не се откажуваат.
Приватните превозници одлучни се дека нема да се пријават на огласот кој утре ќе го објави Град Скопје.
Во просек по 6000 евра по автобус им должат за изминативе неколку месеци. И да сакаат немаат со што да платат гориво за да се вклучат со линии. Тврдат дека ЈСП не може да ја испорача услугата која тие им ја давале на граѓаните.
Град СКопје утре ќе го објави јавниот повик за две линии со број 20 и 22. Според Арсовска за овие две линии градот има потреба од приватни превозници. Дополнително вели на повикот не можат да се пријават ниту „Слобода Превоз“ ниту „Макекспрес“, тие немаат право да конкурираат една година од денот на раскинување на договорот со Град Скопје.
Околу 200 автобуси и 300 возачи и сопственици на автобуси од приватните превозници на „Слобода превоз“ и „Мак-експрес“ во моментов протестираат со блокадата на десната страна од булеварот „Илинден“, поради неисплатениот долг од страна на ЈСП „Скопје“, изјави за МИА, претставникот на превозниците, Кемал Муриќ.
На прашање до кога ќе трае блокадата, тој информираше дека тоа ќе биде до крајот на работното време.
– Бидејќи побаравме повторно официјално прием кај градончалничката, претпоставуваме дека тоа ќе биде до крајот на работното време, рече тој.
Доколку оваа блокада нема исход, директорот на „Слобода превоз“, Ленин Јовановски на вчерашната прес-конференција најави дека в понеделник почнувајќи од 6 часот главниот град ќе биде целосно блокиран, односно приватните превозници ќе ги блокираат крстосниците кај ТЦ „Мавровка“ и кај Црвениот крст и на булеварот „Илинден“.
Од Град Скопје вчера соопштија дека го прекинуваат договорот со приватните превозници од „Слобода превоз“ поради неисполнување на обврски што произлегуваат од договорот. Од Градот апелираа до превозниците да ја ревидираат одлуката за блокада на Скопје, бидејќи, како што велат, со тоа нема да постигнат решение за проблемот.
Исто така, од Градот најавија дека од следна недела ќе биде објавен јавен повик на кој ќе можат да се пријават сите приватни превозници, со цел поголема транспарентност на процесот и полесно разрешување на потенцијални проблеми.
Првата блокада на приватните превозници се одржа на 28 ноември на крстосницата кај ТЦ „Мавровка“, кога околу 30 автобуси на „Слобода превоз“ и „Мак-експрес“ беа паркирани на булеварите „Гоце Делчев“ и „Крсте Петков Мисирков“, со барање „да им бидат исплатени долговите за да можат да почнат повторно со работа
Приватните автобуски превозници „Слобода превоз“ и „Макекспрес“ со блокада од околу 30 автобуси на раскрсницата кај Мавровка, односно булеварите „Гоце Делчев“ и „Крсте Петков Мисирков“, бараат да им бидат исплатени долговите за да можат да почнат повторно со работа.
Кемал Муриќ од „Слобода превоз“, во изјава за МИА, рече дека блокадата е резултат од неправилното работење на Јавното сообраќајно претпријатие којашто, како што кажа, дозволи да се натрупа долг во износ од скоро 2 милиона евра кон нив.
– После неуспешниот обид да оствариме средба со градоначалничката, да и ги изнесеме нашите проблеми и нашите аргументи, затоа што сметаме дека беше погрешно информирана, таа не најде за сходно да не прими, истакна Муриќ кој додаде дека потоа не биле примени ниту од страна на ЈСП – изјави Муриќ.
Тој рече дека денеска се принудени да ја блокираат раскрсницата само за една цел, а тоа е да им бидат исплатени заработените средства и да бидат оставени да работат како што работеле до сега.
Прашан за најавата на градоначалничката Арсовска, дека ќе се отвори повик за поединечно аплицирање за приватни автобуски линии, Муриќ одговори дека тоа се прави за разбивање на приватните превозници и тврдеше дека тоа нема да се случи.
Наводите за злоупотреби за непријавени билети, Муриќ ги оцени како невистинити.
– Тоа е само обид за одвлекување на вниманието од состојбата предизвикана директно со нивното неработење во складот на потпишаните договори и натрупување на долг од скоро два милиона евра – рече Муриќ и најави дека ова прашање ќе има судска завршница.
Исен Халили од приватниот превозник „Макекспрес“, истакна дека раскинувањето на договорот од страна на Град Скопје за нив е и дополнителен проблем.
– Како причина за тоа, како што се наведува, е дека одржувањето на линијата 19 е падната под 80 проценти, а директна причина за тоа е немањето на материјални средства, а не е некое неодговорно однесување – рече Халили.
Халили рече дека нивните барања се исто така да им се исплати долгот, но и да се повлече одлуката за укинување на договорот со „Макекспрес“.
За денеска е најавено дека Советот на Град Скопје ќе одржи вонредна седница за советнички прашање каде што се очекува да се донесе одлука за решавање на проблемот со приватните автобуски превозници.
Скопјани од утре со нови проблеми. „Слобода превоз“ почнува со штрајк и десет линии со кои тие оперираат нема да возат по градските улици – линии кои скопјани често ги користат за да стигнат до своите работни места или домови.
Причина е лошата финансиска состојба на сопствениците на автобусите, бидејќи со месеци се без плата, а ЈСП не го подмирува долгот од околу еден милион евра кон „Слобода превоз“ .
Откако не падна договор, превозниците преку тужба за директорот на ЈСП ќе го решаваат проблемот.
Градот Скопје го раскина договорот со приватните превозници поради нехигиенски и неипсравни автобуси.
Засега ќе се пуштат возила само за приградските населби, бидејќи таму ЈСП нема автобуси, па ако и тие ги укинат овие граѓаните ќе бидат целосно отсечени од градот, што не сакаат да дојде до сообраќаен хаос.
Сопственикот на приватниот автобуски превозник од Скопје, „Слобода превоз“, Ленин Јовановски, соопшти дека нивните автобуси утре нема да сообраќаат на линиите 9, 12, 22, 23 и 45, поради тоа што ЈСП „Скопје“, односно Град Скопје не го исплатил долгот кон компанијата. Нема да има приватни градски автобуси ако Град Скопје не најде решение за долгот од близу милион евра.
Првиот човек на „Слобода превоз“ Ленин Јовановски рече дека со месеци не им се исплаќаат пари и не се почитува динамиката која ја договориле на последниот состанок, а тоа е едно евро по километар, како и месечните аванси за неколку месеци наназад. Во знак на револт наместо на улица, автобусите ќе заминат пред Град Скопје.
На последната средба во Градот се договоривме да има исплати на секои 15 дена, но тоа не се почитува. Пари од продажба на билети и месечни карти секој ден се собираат, но нас не ни се префрлаат пари. Имаме сомневање дека од тие пари кои всушност се наши пари, ние сме ги сработиле, се плаќаат други обврски на претпријатието. Ние треба да возиме и да даваме пари за гориво од наш џеб, а парите што сме ги сработиле да се даваат на друг, вели Ленин Јовановски од превозникот „Слобода превоз“.
Засега ќе се пуштат возила само за приградските населби, бидејќи таму ЈСП нема автобуси, па ако и тие ги укинат овие граѓаните ќе бидат целосно отсечени од градот, што не сакаат да дојде до сообраќаен хаос.
Јовановски додаде дека доколку не се одржи средба со претставници на Град Скопје и градското претпријатие, ќе има протести, а ако и натаму нема резултат, приватните превозници најавуваат штрајк.
Во опција е и поднесување претставка до Антикорупциската комисија, а можеби и тужба на адреса на директорот на ЈСП за злоупотреба на службена должност, затоа што парите наменети за нас се пренасочуваат на друга страна, изјави Јовановски.
Јовановски вели дека со градоначалничката Арсовска, која ја поддржа на локалните избори, не се во блиски односи, па за сите проблеми кои ги има, го упатила да комуницира со градскиот секретар.
Со градоначалничката Арсовска не сме толку блиски за да се слушаме на дневна база. Последниот пат кога ја побарав за проблемите со кои се соочуваме ми рече за сите прашања да комуницирам со секретарот на Градот. Тој е известен за нашата одлука и доколку до крајот на денот не се најде решение, утре дел од автобусите нема да ги има на улиците. Можеби на некој тоа и му е намерата, да престанеме да возиме и како што направија со ‘Макекспрес‘ и со нас да го раскинат договорот. Но, потоа скопјани ќе останат без јавен превоз оти ЈСП немаат плус 200 автобуси за да ги заменат сите линии на кои возиме ние приватниците, вели Јовановски.
Пред еден месец автобусите на ЈСП „Скопје“ не возеа еден ден кога вработените стапија во колективен штрајк зашто немаа земено плата. Потоа, поради долг кој не можеше да го наплати од ЈСП односно од Град Скопје, престанаа да сообраќаат автобусите на приватниот превозник „Макекспрес“.
Советот на Град Скопје на денешната вонредна седница едногласно ја изгласа одлуката за давање субвенции на Јавното сообраќајно претпријатие – Скопје со којашто практично се овозможува исплаќање на платите на вработените во претпријатието .
Советот на Град Скопје на денешната вонредна седница едногласно ја изгласа одлуката за давање субвенции на Јавното сообраќајно претпријатие – Скопје со којашто практично се овозможува исплаќање на платите на вработените во претпријатието и се прекинува протестот на возачите поради кој денеска не функционираше јавниот сообраќај во градот. Градоначалничката Арсовска побара да се подмират долговите на сите институции што должат на претпријатието.
– Советниците ја изгласаа одлуката со полно мнозинство. Она кое што ме радува е дека конечно гледаме консензус по едно прашање. Тоа е дека она што во изминатите 30 години се случувало во едно од јавните претпријатија и кое се руинирало, практично сега имаме консензус дека треба конечно да се помогне, рече во изјава за медиумите градоначалничката на Град Скопје, Данела Арсовска.
Таа додаде дека со одлуката на денешната седница на градскиот Совет ќе се обезбедат средства кои ќе бидат замена за оние планирани средства што кон ЈСП Скопје ги немаат подмирено должат Владата, односно МОН и општините
– Со тоа ќе се обезбеди тие практично до крајот на годината да немаат вакви проблеми каков што е овој што се случи со доцнењето на платата месецов од пет дена, изјави Арсовска.
Градоначалничката исто така рече дека ќе се бара соодветна одговорност, како што кажа, на тешката финансиска состојба во која е доведено ова јавно претпријатие и мултимилионските долгови кои ги има генерирано. Според неа, тоа се долгови што се провлекуваат повеќе од деценија.
– Ние како Град Скопје бараме одговорност и од управните одбори кои верувам дека треба малку поагилно да ја вршат својата работа, да не ги блокираат работите на овие јавни претпријатија, затоа што сепак од граѓаните тие ги земаат своите паушали, рече Арсовска.
Во однос на прашањето кога ќе се исплатат платите на вработените во ЈСП, Арсовска посочи дека Град Скопје ја завршува својата процедура и дека средствата ќе бидат пуштени, како што кажа, или денеска или утре, во зависност од Министерството за финансии.
Таа информираше дека ова се средства кои се неопходни за да се обезбедат плати за вработените до крајот на оваа година.
– Меѓутоа, одговорноста треба да ја побарате кај сите оние кои во оваа држава не си ги плаќаат сметките, односно не го плаќаат она кое што треба да го исплатат кон ЈСП за да тоа може да функционира како што треба. И за долговите и сето она што е правено во овие изминати години наназад, за девастирањето на претпријатието, треба да си побараме одговорност и треба да се побара оној кој си должи да си ги исплати сите оние долгови кои ги има кон ЈСП, додаде Арсовска.
Таа исто така нагласи дека досега имало случаи кога се доцнело не само по пет дена, туку и по многу повеќе денови па никогаш не бил прекинат јавниот превоз за скопјани.
– Она кое што сакам да го кажам е дека ова кое што го гледаме денес е нешто кое што е срамно. Меѓутоа, вината треба да се бара онаму каде што таа треба да си се лоцира и точно треба да знаат граѓаните кој е одговорен. Штом не одговарате на оваа коалиција од СДСМ и од ВМРО-ДПМНЕ во истиот момент веднаш следуваат блокади и следува ова кое што го гледате. Таму долговите постојат повеќе од 10 години, секој еден директор којшто работел и којшто раководел бил поддржуван, биле давани од страна на владата и по 360 милиони денари дотации за да може да се сервисираат долговите, сега првпат се укинуваат прво на 120 милиони па на нула за оваа година, истакна Арсовска.
Во однос на најавеното поднесување кривична пријава против лицата кои го попречуваат редовното функционирање на ЈСП, Арсовска одговори дека тоа што е најавено доследно ќе се почитува.
– Ќе се преземат постапки затоа што заштитата на јавниот интерес е пред се и никој поединец нема право да го наруши јавниот интерес за она кое што го видовме дека се случуваше денеска. Верувам дека она што треба да го направиме сите заедно како општество е да преземеме мерки и да сфатат овие политичари денеска дека јавниот интерес, интересот на граѓаните е пред се, дека треба да престанат да се препукуваат едни меѓу други и да наоѓаат решенија, а не да креираат проблеми, рече градоначалничката Арсовска и побара одговорност од Управниот одбор којшто, како што нагласи, секој месец за едно појавување зема по стотици евра за нивната седница.
Претседателот на Синдикатот за сообраќај и врски при ЈСП, Миќо Стојановски, рече дека со самото излегување од кабинетот на градоначалничката откако е постигнат договорот пред одржување на седницата на Советот, вработените во двете автобази биле известени за одлуката и веќе сите автобуси на ЈСП се пуштени на улиците на Скопје.
– Утре на трансакциските сметки на вработените ќе биде исплатена септемвриската плата и ме радува тоа што се обезбедени средства од буџетот на Град Скопје за наредните три плати што значи дека ќе нема потреба повеќе да чекаме 15-ти за да тие средства бидат доделени на вработените, а уште повеќе ме радува тоа што во ребалансот за буџетот за 2023 година јавниот градски превоз и ЈСП ќе бидат побогати за 360 милиони денари затоа што тоа се пари кои во минатиот период да не речам дека беа скриени, туку беа фантомски, информираше Стојановски.
Градоначалничката на Град Скопје Данела Арсовска не смета дека треба да си поднесе оставка, откако Скопје денеска за првпат во својата историја остана без јавен превоз.
По новинарско прашање од СДК.мк до Арсовска за тоа дали ќе си поднесе оставка од фунцкијата бидејќи граѓаните останаа без автобуси, таа вината ја префрли кон партијата со чија поддршка победи на локалните избори минатата година – ВМРО-ДПМНЕ.
„Оставка треба да си поднесат одговорните за управување со ЈСП, односно Управниот одбор на претпријатието изгласан од ВМРО-ДПМНЕ“, изјави Арсовска.
