Tag Archives: банки

Македонија

ДЕРЕЊЕЕЕ! БАНКИТЕ ГИ ЗГОЛЕМИЈА ПРОВИЗИИТЕ 40% И ПОВЕЌЕ, А СИТЕ СИ ЌУТИМЕ. ДО КОГА?

БАНКИТЕ ГИ ЗГОЛЕМИЈА ПРОВИЗИИТЕ 40% И ПОВЕЌЕ, А СИТЕ СИ ЌУТИМЕ. ДО КОГА? – пишува Венко Глигоров претприемач.

Пишував за тоа дека се зголемува бројот на фирми што не работат со платежни картички. Една од причините е и зголемените провизии на банките. Банките од година во година си ги зголемуваат провизиите и како никого да не го интересира сево ова. Профитите на банките се несразмерно поголеми во однос на профитабилноста на македонската економија, а нивната структура се менува во корист на провизиите.

Наместо да ја кредитираат македонската економија, банките некако се предодредија на „дерење“ на стопанствениците и граѓаните преку неиздржливо големи провизии за платниот промет. Ова посебно е изразено и отжнувачко за малиот бизнис.Ќе илустрирам во девизното работење бидејќи Македонија треба да го бара излезот во извозот. Потребни ни се голем број на извози на помали колични на производи затоа што немаме многу извозни гиганти што може да ја сменат големата разлика меѓу увозот и извозот.

За плаќање во странство.Провизијата беше 600 и 800 денари – вкупно 1400 денари. Сега е 950 и 800 – вкупно 1750 денари. За првата провизија покачувањето е 41,7%, а за другиот износ покачувањето е 12,5%. Зашто е потребно покачување? Зошто е потребна воошто толкава провизија? Се запрашал некој?

За прилив од странство.Провизијата беше 5 евра во валута и 500 денари за банката. Сега е 8 евра, а нема покачување кај 500 денари. Од 5 на 8, покачувањето е фрапантни 60%. Да се прашаме зошто 500 денари зема банката? Што тоа она особено прави при прилив од странство? Замислете, за секој прилив. Ако секојдневно продавам производи по 100 евра во странство, банката зема скоро 16 евра – значи производите на стопанствениците треба да се поскапи за 16 евра.

Примерите беа за илустрација кај една банка. Секоја банка има своја политика за провизии но кога ќе се земе, купчето пари што го земаат на годишно ниво од една фирма, горе долу е иста независно од банка, а сега зголемена со беобразно зголемени провизии, кои ионака не беа ниски.Власта, која е и да е, треба да ги ограничи приливите од провизии на банките и тие да бидат во некаков сооднос со пуштените пари во економијата. Банките треба да имаат стимул (или „стап“) за да не се улежуваат и дембелаат со провизии туку да засукаат ракави и да бидат поткрепа на бизнисот.

ПС Кога се правеше реформа на платниот промет во 2000та година, истиот се префли од ЗПП во банките. Идејата беше банките да имаат конкуренција меѓу себе и да понудат разни услуги во платниот промет. Наводно, тогашниот платен промет преку ЗПП не им беше добар на политичарите. 20 и кусур години после оваа реформа, банките имаат многу послаб платен промет од тогаш, а провизиите се многу поголеми.

Европа

Стоп за банкарската алчност: CE 3AМР3НУВAAТ КAМAТИТE НA KPEДИТИТE

Унгарија од јануари ќе ги замрзне каматните стапки на хипотекарните кредити за населението на шест месеци, најави денеска премиерот Виктор Орбан.

Тоа е најновата во низа мерки за заштита на домаќинствата од зголемените трошоци пред националните избори, кои најверојатно ќе се одржат во април следната година, пишува Ројтерс.

„Инфлацијата има влијание на многу области, на пример, на каматите на претходно земените заеми. Затоа мораме да изградиме нови линии на одбрана. Почнуваме да ги замрзнуваме каматните стапки на кредитите за домаќинствата“, рече Орбан во видео пораката на фејсбук.

Тој прецизираше дека каматните стапки на станбените хипотекарни кредити ќе се фиксираат на ниво од крајот на октомври, а намалувањето на стапката на отплата на кредитите граѓаните ќе го почувствуваат од февруари.

Унгарската централна банка, прва во Европската унија која почна да ги зголемува трошоците за задолжување откако изби пандемијата на коронавирус на почетокот на 2020 година, ја зголеми референтната каматна стапка за 180 базични поени од јуни, на највисоко ниво од мај 2014 година.

Инфлацијата во Унгарија во ноември се искачи на највисоко ниво во последните 14 години од 7,4 отсто, над сите очекувања, поттикната од повисоките цени на горивата, алкохолот и тутунот. Цените на услугите се зголемија за 4,6 отсто.

Централната банка соопшти дека ќе мора да продолжи со зголемувањето на клучните каматни стапки до следната година за да го спречи наглиот раст на цените и зголемените инфлациски очекувања.

Трговците со валути на берзата во Будимпешта велат дека објавата на Орбан ја притиснала форинтата да се тргува околу еден процент под историскиот минимум од 372 за евро, забележан во ноември.

Инфо +, Македонија

Каква држава ! – На над 40,000 граѓани платите, пензиите, социјалната помош им се БЛОКИРАНИ во банките

Истечените лични карти им создадоа голем број проблеми на дел од граѓаните. Некои не можат да ја подигнат пензијата, социјалната помош или да ја направат каква било трансакција.

Премиерот Зоран Заев вели дека причина за ваквата состојба е блокадата на Законот за лични карти, односно последните измени, кои се на предлог на БЕСА со одложено дејство до 2023 година, а се блокирани од Левица.

На вчерашната владина седница како што кажа ги задолжиле економските ресори да се изнајдат начини за да се стави целосно во функција животот на граѓаните на кои им е истечена личната карта или вадат лична карта по првпат.

-Овие денови сме принудени да бараме решение за сите оние граѓани апликанти за нова лична карта заради истечена или за првпат добивање лична карта или слично. Бројката е околу 40.000, рече Заев, одговарајќи на новинарско прашање.

Заев овој проблем, го постави и од аспект на ппретстојните локални избори, односно како ќе гласаат овие граѓани, кога законот е дециден дека се гласа со валиден личен документ.

-Ако имаат пасош ќе гласаат со пасошот како друг дозволен документ за идентификација на изборите, но ако немаат пасош, а немаат валидна лична карта бидејќи истечената не важи не можат да гласаат. За ова решение бара Министерството заедно со Државната изборна комисија, рече Заев.

Инфо +

Тетовчани крадци поставија РЕКОРД: ДВЕ БАНКИ ограбени за 20 МИНУТИ❗

МВР во својот полициски билтен информира дека вчера вечер во периодот од 03:30 часот до 03:50 часот во СВР Тетово било пријавено грабеж во две банки.

Во првиот интервал во експозитура од банка во склоп на трговски центар во Тетово, три лица со употреба на сила влегле внатре и одзеле пари.

Петнаесетина минути подоцна засега непознати сторители исто така со употреба на сила влегле во експозитура на друга банка во Тетово, но овој пат одзеле пари од банкомат.

Увид на местото извршила екипа од СВР Тетово, а од МВР додаваат дека се преземаат мерки за расчистување на случајот.

Инфо +

Утpe иcтeкyвa poкoт зa oдлoжeнaтa oтплaтa нa кpeдититe пopaди кopoнaтa

Утре истекува рокот за одложено плаќање на ратите на кредитите на физичките лица кои ги дадоа банките на одредени категории граѓаните погодени од ковид-кризата. Ново одложување дали ќе има од банките засега немаат наведено на своите веб страници. Она што деновиве е испратено до клиентите од одредени банки е дека се воведува нов начин на утврдување на нефункционалните кредитни изложености на клиентите. Новиот начин на утврдување на нефункционалната изложеност е согласно регулативата од Европската централна банка и важи од 31.12.2020 година.

-Промените во новата регулативa се одразуваат на третманот на клиентите кои користат повеќе различни кредитни продукти. Пред овие измени, уредноста на отплатата кај еден клиент се следеше одделно, по користен продукт. Со измената, ќе се следи вкупниот износ, односно збир на кредитна изложеност од сите користени кредитни продукти на клиентот во Банката, појаснуваат во известувањето.

Согласно новата регулатива, за нефункционална кредитна изложеност ќе се смета доспеан долг повеќе од 90 дена, а вкупниот износ на доспеани обврски треба да е поголем од 100 евра во денарска противвредност и да надминува еден отсто од целокупната искористена кредитна изложеност.

Тоа ќе значи дека доколку граѓанинот има нефункционална кредитна изложеност на еден кредитен продукт, ќе значи дека има нефункционална кредитна изложеност на сите кредитни продукти во банката.

Одложена отплата на кредитите имаше во два наврати од 1 април минатата година до 30 септември 2020 година и вториот од 1 октомври 2020 година заклучно со 31 март 2021 година.

Поради кризата настаната од Ковид 19 беше овозможена одложено плаќање на ратите на кредитите од 1 април 2020 година до 30 септември 2020 година. Понудата важеше за сите физички лица за одложување на отплатата на ратите за кредити, кредитни картички и/или дозволени пречекорувања, а кои на 29 февруари 2020 година беа класифицирани во категорија на ризик буква А, Б или В и немаат статус на нефункционална кредитна изложеност.

Понудата ја одбија една третина од граѓани, но дел од оние што првично ја прифатија, потоа се вратија повторно во редовна отплата на кредитите.

Анализа

Банките не сотреа, сред криза заработиле 180 милиони евра!

Банките во Македонија не ја делат судбината на стопанството и граѓаните, туку заработуваат многу повеќе отколку што се стапките на економска состојба, раст и развој на стопанството.

Причината за тоа е секако регулативата на Народна Банка и постојниите закони и прописи кои на банките им овозможуваат заработка дури и од воздухот во нивните канцеларии и експозитури, без да имаат трошоци од наплатите – како што се наплаќањето за технички услуги од типот проверка на сметка, или увид во состојба преку банкомат или телефонска апликација, како и фантомските заработки од таканаречените “подготовки на документација при барање кредит“, од кој кредит и камати банката веќе заработува.

Банките не се обични комерцијални дејности, за својата работа добиваат лиценци и државна заштита. Освен ова, за разлика од компаниите, го делат ризикот на работата со државата која гарантира за штедните влогови со кои тие работат и заработуваат. Ако банката пропадне, како што е случајот со Еуростандард банка, голем дел од парите на штедачите се наплаќаат од буџетот, од јавните пари на граѓаните. Компаниите ја немаат оваа привилегија, и ако пропаднат штетата оди на сметка на основачите и нивните доверители.

Во година на пандемија, карантини и рестрикции, македонските банки заработиле како никој во државата. Или, првите четири банки имаат заработка повеќе од 10-те најдобри компании во Македонија- заедно. Нивната профитабилност во минатата година била поголема од кога било и достигнала 118 милиони евра.

Конкретно, лани домашните банки оствариле вкупен профит од 118 милиони евра, или прецизно 117,9 милиони евра. Ова го покажуваат податоците на Народна банка на Македонија.

Претходната, 2019 година вкупниот профит на банките бил близу 109 милиони евра, или точно 108,7 милиони евра, што е за повеќе од 9 милиони евра помалку од лани, во време на целосна економска криза со пандемијата.

Банките лани им ги замрзнаа во два наврати ратите на граѓаните и компаниите кои се соочија со тешкотии поради корона кризата, но не им ги опростија долговите за камати, со што тие се распоредуваат за наредните ануитети.

Во 2019 година функционирале вкупно 15 банки, додека во 2020 година нивниот број се намалил на 14 банкарски институции, откако НБМ и ја одзеде дозволата за работа на Еуростандард банка.

Најголемите три банки во Македонија заработуваат 100.000 евра на ден! Секој ден, и во сабота и во недела кога не работат, тие заработуваат по 100.000 евра дневно.

Комерцијална банка ја зацврстила својата позиција на убедливо најголема банка во земјава. Нејзината актива заклучно со крајот на минатата година достигнала 2,157 милијарди евра, со што таа банка останува убедливо на врвот на листата како најмоќна банкарска институција во државава.

За само една година, односно во споредба со крајот на 2019 година, активата на банката пораснала за дури 156 милиони евра. Или, тогаш оваа банка имала актива од нешто малку повеќе од две милијарди евра.

Инаку, според најновите критериуми на НБМ, во групата големи банки влегуваат оние чија актива е поголема од 664 милиони евра, а такви во земјава се пет банки. Средни се шест банки, а нивната актива треба да е поголема од 166 милиони евра и помала од 664 милиони, додека, пак, сите оние банки чија актива е пониска од 166 милиони евра, влегуваат во рангот на мали банки, и такви во земјава се три банкарски институции.

Втората банка после Комерцијална е Стопанска банка Скопје, зборуват податоците на централната банка. Стопанска банка Скопје на крајот на ланската година имала актива од 1,724 милијарди евра, што е за 103 милиони евра повеќе од активта што ја имала на крајот на 2019 година, 1,621 милијарди евра.

Третата банка, НЛБ Банка, е егал со Стоапнска банка Скопје, прикажувајќи актива на крајот на 2020 година од 1,574 милиони евра. Ако се има предвид дека НЛБ Банка една година претходно имала актива од 1,437 милијарди евра, значи дека за една година капиталот на оваа банка е зголемен за 137 милиони евра.

Халк Банка, која во последно време се соочува со финансиски скандали како во случајот со кредитирањето на купопродажбата на Рамстор и контраверзниот бизнисмен Ајдован Адемовски е четврти значаен банкарски играч според големината на македонскиот банкарски пазар, влегува во рангот на банкарски „милијардер“, надминувајќи ја сумата на актива од една милијарда евра.

Или конкретно, на крајот на минатата година Халк Банка веќе достигнала актива од 1,089 милијарди евра, откако една година претходно имала 933 милиони евра. Или, капиталот на таа банка за една година пораснал за дури 156 милиони евра.

Анализа на Vecer.mk.