Банер со лик на премиерот Ковачевски се појави утрово на бензинска пумпа во скопската населба Карпош.
Организаторите на ,,Герила” акцијата со банерот на кој е сликата на премиерот на граѓаните го пренесуваат неговото задоволство од тоа што тие го полнат буџетот со кој располага неговата влада.
Премиерот ,,се појави” на бензинска пумпа откако вчера СДСМ, ДУИ и коалицијата во Собранието го отфрли законскиот предлог за намалување на акцизите и даноците на нафтените деривати поради кои цените на бензинот и дизелот дојдоа до речиси две евра за литар.
По Германија вчера и Хрватска ги намали акцизите и даноците на горивата со што сега Македонците плаќаат поголеми цени на бензините од повеќе европски богати држави.