Tag Archives: БилГејтс

Свет

Бил Гејтс знае што ве очекува во 2024 година

Во минатогодишното писмо минатата година, Гејтс напиша за тоа како можноста да стане дедо го натерала да размислува за светот во кој ќе се роди неговата внука, а сега кога всушност е дедо, вели тој, повеќе размислува за светот што ќе го наследи неговата внука.

„Можам да почнам да замислувам: алатките што ќе ги користи, начините на кои ќе остане во контакт со своите најблиски, проблемите што ќе ги решат овие иновации. Сега имаме подобро чувство за тоа какви работи АИ ќе може да извршува сама и за кои ќе служи како копилот. И појасно е од кога било како вештачката интелигенција може да се користи за да се подобри пристапот до образованието, менталното здравје и многу повеќе. Ме мотивира да се уверам дека оваа технологија помага да се намалат ужасните нееднаквости што ги гледаме ширум светот. Отсекогаш цврсто верував во моќта на иновативноста да му понуди на секое дете еднаква шанса да преживее и да напредува. Вештачката интелигенција не е исклучок“, стои на почетокот на текстот на Гејтс објавен на неговиот блог.

Тој потсети дека раните години на новиот век биле такви што ретко кој имал и знаел да користи компјутер, додека сега речиси сите имаат. Кога станува збор за вештачката интелигенција, ситуацијата сега е слична, смета Гејтс, додавајќи дека човештвото е на крстопат.

„Се разбира, вештачката интелигенција е далеку од единственото нешто што ја дефинира 2023 година. Милиони и понатаму доживуваат неподнослива тага како резултат на руската војна против Украина и последиците од војната во Етиопија. Моето срце е скршено од континуираното страдање на Израелците и Палестинците, како и на народот на Судан. Во исто време, се повеќе луѓе се принудени да страдаат како резултат на почестите екстремни временски настани предизвикани од климатските промени. И семејствата ширум светот и понатаму се тешко погодени од зголемената инфлација и бавниот економски раст“, ​​истакнува Бил Гејтс.

Тој понатаму оценува дека претстојат предизвикувачки времиња, но Гејтс вели дека останува оптимист за иднината.

„Брзината на иновациите никогаш не била поголема. Ние правиме голем напредок во решавањето на тешките проблеми – како што се Алцхајмеровата болест, дебелината и српестата анемија – кои ќе го подобрат животот на милиони луѓе“, продолжи тој.

Тој потоа ги објасни причините за неговиот оптимистички поглед на 2024 година:

Како што изјави, „иновативноста е клучот за напредокот“, поради што, додава Гејтс, го основал Мајкрософт.

Потсети дека иновациите се причината зошто нашите животи толку многу се подобрија во текот на изминатиот век. Од електрична енергија и автомобили до лекови и авиони, иновациите го направија светот подобро место.

„Денес сме далеку попродуктивни поради ИТ револуцијата“, додаде тој. Тој, исто така, потсети како научниците дошле до нови начини да направат вакцини кои се побрзи и поевтини, но исто толку безбедни. Потоа развија нови механизми за испорака кои работеа на најоддалечените места во светот.

Развојот на вакцините ја намали смртноста на децата, а неговата фондација продолжува да ги финансира сите релевантни истражувања. Сега на сцена стапува вештачката интелигенција, чиј напредок и мешање во медицинските откритија допрва треба да се очекува.

„Иновациите се причината поради која нашите животи толку многу се подобрија во текот на минатиот век. Од струја и автомобили до лекови и авиони, иновациите го направија светот подобро место“, напиша Гејтс на својот интернет блог.

Забава

Ќерката на Бил Гејтс: ТЕШКО Е ДА СЕ ИМА ТАТКО МИЛИЈАРДЕР (ВИДЕО)

Video

Фиби вели дека ѝ пречи што луѓето создаваат теории на заговор за нејзиниот татко и избрзуваат до погрешни заклучоци, а убедена е и дека луѓето ја следат на социјалните мрежи само затоа што е ќерка на Бил Гејтс.

„Сигурна сум дека луѓето почнуваат да ме следат поради моето презиме и татко ми. На луѓето веројатно им е смешно да го видат татко ми како си игра со Боксболен. Но, штом ме следат, главно остануваат на мојот профил. И мислам дека остануваат затоа што објавувам многу за жените, здравјето на жените и слични работи“, изјави Фиби за The Information.

Фиби, исто така, рече дека нејзината мајка ѝ е „поддршка“и дека е „љубопитна“ за нејзиниот успех на социјалните мрежи и дека „разбира дека токму тука растат младите луѓе денес“.

„Татко ми објавува многу на социјалните мрежи, но тој самиот не ги следи другите луѓе“, рекла Фиби, истакнувајќи дека ѝ е доста од некои следбеници што ја критикуваат дека е во врска со темен маж. „Луѓе, 2023 година е и ме прашувате како тоа сум во меѓурасна врска“, се пожали Гејтс.

Инаку, Гејтс има повеќе од 64 илјади следбеници на TikTok, а 195 илјади луѓе ја следат на Инстаграм.

Технологија

Kаков телефон користи еден од најбогатите луѓе на планетата?

Со оглед на тоа што Мајкрософт претстави свои телефони кои работат на Андроид, би очекувале Гејтс да користи уреди од компанијата што ја основал и раководел долги години како извршен директор.

Бил Гејтс помина долго време на врвот на листата на најбогати луѓе во светот, и иако веќе некое време им гледа во грбот на таквите како Илон Маск, Џеф Безос и други, тој сè уште се држи прилично добро.

Имено, според листата на милијардери на Блумберг, Гејтс моментално „тежи“ околу 111 милијарди долари, што го става на петтото место на таа листа, веднаш пред Ворен Бафет.

Со толку пари, Гејтс навистина може да има се што ќе посака кога станува збор за материјалните работи, а за време на разговорот со корисниците на Reddit минатата година, луѓето се прашуваа каков модел на паметен телефон користи еден од најбогатите луѓе во светот.

Одговорот на тоа прашање изгледал логичен, но тој изненадил од изборот на телефонот што го користи.

Имено, Гејтс е основач и долгогодишен извршен директор на Microsoft, па не е тешко да се претпостави дека би можел, па дури и треба да го користи Surface Duo, смартфонот на Microsoft со два екрани.

Но, наместо неговите телефони, Гејтс се покажа дека е обожавател на уредите на Samsung.

За време на споменатиот разговор со корисниците на Reddit минатата година, тој рече дека го користи Galaxy Z Fold 3, а минатата недела повторно одговараше на прашања од корисниците на Reddit и тие уште еднаш ги спомнаа телефоните.

Македонија

Фондацијата на Гејтс: НЕМА ДА ПРЕСТАНЕМЕ ДА ГО КОРИСТИМЕ ВЛИЈАНИЕТО И ПАРИТЕ

Фондацијата Гејтс беше критикувана дека е премногу моќна и влијателна во глобалното здравје, вклучително и Светската здравствена организација, без да преземе соодветна одговорност.

Во годишното писмо објавено во вторникот, извршниот директор Марк Сузман одговори на тие критики, истовремено најавувајќи дека фондацијата ќе потроши 8,3 милијарди долари оваа година, што е најмногу досега.

„Не е правилно приватната филантропска организација да е еден од најголемите финансиери на глобалните здравствени напори“, рече Сузман, додавајќи дека државите треба да бидат лидери.

„Но, да нема забуни – каде што има решенија за зачувување и подобрување на животот на луѓето, ние ќе бидеме таму. Нема да престанеме да го користиме нашето влијание и нашите пари за да најдеме решенија“.

Сузман рече дека целта на фондацијата не е да им каже на СЗО и на другите здравствени организации што да прават, туку да им понуди различни опции и податоци за да можат да донесат клучни одлуки.

Гејтс, технолошкиот милијардер кој ја основаше фондацијата, ја бранеше фондацијата од обвинувањата дека големите пари и даваат несоодветно влијание врз светскиот развој.

Со инвестиции насочени кон искоренување на болести како маларија и полио, фондацијата е вториот најголем донатор на СЗО. Ова е едно од прашањата што критичарите редовно го истакнуваат, особено за време на пандемијата на Ковид-19.

„Би сакал да видам уште многу влади да не надминат на таа листа, бидејќи тоа би значело повеќе спасени животи“, напиша Сузман.

СЗО минатата година се согласи дека земјите-членки треба да ги зголемат своите плаќања за да ја намалат улогата на приватните донатори и да и овозможат на организацијата да ги троши парите пофлексибилно.

Забава

Бил Гејтс ќе стане дедо (фото)

Gallery

Бил Гејтс и сопругата Мелинда ќе станат баба и дедо за прв пат. Џенифер Гејтс (26) ја објави среќната вест на „Денот на благодарноста“ со прекрасна фотографија на Инстаграм.

Џенифер го чека своето прво дете со сопругот, египетско-американскиот џокеј Најел Насер.

Познатата наследничка и нејзиниот три години постар сопруг се венчаа минатата година. Како што изјави за „Вог“, било тежок предизвик да се организира прославата поради пандемијата и семејните околности, имајќи предвид дека нејзините родители во тоа време веќе биле разведени, по повеќе од две и пол децении брак.

Прославата траеше два дена, ја организираше експертот за венчавки Марси Блум, сѐ чинеше околу два милиони долари, а меѓу многуте познати гости беа Кевин Бејкон, Леброн Џејмс и Били Џоел.

Да потсетиме, Мелинда и Бил Гејтс беа во брак од 1994 до 2021 година. Покрај Џенифер, тие ја имаат ќерката Фиби и синот Рори.

фото:Инстаграм

Забава

Бил Гејтс пиел вода од септичка јама

Милијардерот Бил Гејтс на својот профил на Linkedin по повод Светскиот ден на тоалетот во саботата напиша дека еднаш пиел прочистена вода направена од фекална тиња, додека бил гостин кај Џими Фалон.

Станува збор за пробна вода од компанијата на Гејтс Омнипроцесор, која канализационата вода ја претвора во чиста и вода за пиење.

Направив чудни ср*ња низ годините, пиев вода од септичка јама со Џими Фалон, делев бина со стаклена цевка полна со човечки измет и мирисав на тоалет…Овие лудории предизвикаа смеа, но мојата цел отсекогаш била да ги натерам луѓето да се грижат за проблемот што погодува 3,6 милијарди луѓе, за лошите санитарни услови, рече Гејтс.

Додава дека благодарение на научниците и инженерите од целиот свет, се доближуваме до нови решенија кои ќе ги спречат болестите.

Забава, Свет

Бил Гејтс по разводот: Сам сум во вила со 18 бањи

Бизнисменот и еден од најбогатите луѓе во светот, Бил Гејтс, зборуваше за приватните детали од бракот и разводот со поранешната сопруга Мелинда.

„Секој брак, како што децата си заминуваат од дома, минува низ транзиција. Мојот, за жал, помина низ оваа транзиција наречена развод. Но од моја гледна точка, тоа беше одличен брак. Јас не би го менувал. Не би се одлучил да се оженам за некоја друга“, изјави Гејтс во интервју за „Сандеј Тајмс“. Тврди дека најтешко му било кога децата си заминале од дома. И најмладата ќерка отишла на факултет и сега нивната вила во Сиетл со 18 бањи е празна.

„Ја имам оваа прекрасна куќа која е погодна за големи дискусии. Но, најчесто ми изгледа преголема. Јас сум само мала личност“, вели Гејтс.

„Ми недостигаат нередот и вревата. Не се занимавам премногу со домашни работи, но во нормални денови секогаш ги миев садовите бидејќи бев добар во тоа, а едно од децата ми помагаше“, додава тој.

Тој раскажа и каков однос има со Мелинда по разводот. Бил вели дека е среќен што сè уште може да работи со неа и понекогаш се гледаат.

„Имаме важна, сложена, блиска врска во која решивме да работиме заедно. И многу сум среќен што почнавме да работиме заедно. Заедно ја изградивме Фондацијата. И имаме три неверојатни деца“, раскажува тој.

„Тагувам на ист начин како и таа. Да. Знаете, растевме заедно. Кога се оженив, ‘Мајкрософт’ беше голема работа. Но, јас бев млад 38-годишник, а таа зрела 28-годишна жена… Тоа е повеќе од половина од мојот возрасен живот. Направивме многу заедно“, додава тој.

Бил признава дека прилично лесно се договорил со Мелинда за распределба на имотот и парите.

„Таа го доби кучето. Ме уби за него. Се шегувам. Светот треба да знае колку сум малтретиран. Не, се шегувам. Не бевме злобни еден кон друг”, вели Гејтс.

За потсетување, Бил и Мелинда Гејтс објавија дека се разведуваат на почетокот на мај минатата година. Во брак беа 27 години. Тие се запознале во доцните 80-ти, кога Мелинда се приклучила во фирмата „Мајкрософт“, а се венчале во 1994 година.

Свет

Бил Гејтс не сака да ве чипува ама… Најави „електронска тетоважа“

Милионерот, инвеститор и филантроп Бил Гејтс со текот на времето стана еден вид „техногуру“ на новата технолошка реалност. Па така, соосновачот на „Мајкрософт“ неодамна предвиде дека наскоро ќе пристигне технологија којашто, меѓу другото, ќе ги замени и паметните телефони.

Станува збор за производ на компанијата „Кејотик мун“ (Chaotic Moon) – биотехнолошки уред кој ќе може да анализира и собира информации од човечкото тело. Станува збор за „електронска тетоважа“ што може да складира здравствени информации со кои ќе можеме да ги спречиме и контролираме заболувањата и, со текот на времето, да ги подобриме работите како што тоа го прават спортистите. Иако оваа „е-тетоважа“ е сè уште во развојна фаза, познато е дека ќе се нанесува на кожата со помош на мали сензори и придружни микроуреди коишто испраќаат и примаат важни податоци со помош на специјално мастило коешто спроведува струја.

Бил Гејтс ја замислил оваа технологија и како делотворен начин за остварување повици, испраќање пораки и проверување електронска пошта. Иако сè уште не знаеме кога ќе пристигне првата ваква „тетоважа“, Гејтс и тимот бараат начин таа да се користи за што повеќе задачи што ги извршуваат денешните паметни телефони.

Свет

Бил Гејтс предупредува: Короната слабее, но светот го чека нова пандемија

Мултимилионерот Бил Гејтс на конференцијата во Минхен предупреди дека светот чека нова пандемија по коронавирусот.

Како што напомена, таа епидемија ќе биде предизвикана од патоген од семејството на коронавирус. Гејтс смета дека ризикот од коронавирус е драстично намален поради фактот што голем број луѓе се имуни и поради тоа што се појавил сојот омикрон, чии симптоми на инфекција се поблаги.

Гејтс процени дека со напредокот на медицинската технологија, светот може полесно да се бори со пандемијата. За да се случи тоа, тој повика на повеќе инвестиции во медицинските истражувања.

Тој додаде дека луѓето во голем број земји стекнале имунитет по природен пат, а не со вакцинација, и заклучи дека во случај на следната пандемија, вакцините ќе треба да се дистрибуираат за шест месеци, а не за две години.

Целта на Светската здравствена организација (СЗО) до средината на оваа година да вакцинира 70 отсто од светското население не е постигната.

Забава

Бил Гејтс: Главен проблем во 2022 ќе биде недовербата кон владите

Американскиот милијардер Бил Гејтс е оптимист за следната година, но изразува и загриженост за одредени прашања.

Гејтс во текстот „Причини за оптимизам по тешка година“ објавен на неговиот блог наведува неколку оптимистички прогнози – од можен крај на пандемијата со Ковид-19 до развој на метавселена.

Додека како главен проблем во следната година ја посочува недовербата на луѓето во владите.

– Тоа е едно од прашањата кои ме вознемируваат најмногу со наближувањето на 2022 година, посочува Гејтс.