Tag Archives: бугарски

Македонија

Денеска во новиот бугарски клуб се пропагираше – Сме биле еден народ, кој говори ист јазик и има заедничко минато

Video

Нема разлика меѓу нас. Бугарија и Македонија се две држави со еден народ, со заедничко минато. Со силно полициски присуство и нови провокации мина отворањето на бугарскиот културно информативен центар во центарот на Скопје. Она што редовно навикнавме да го слушаме од Костадин Костадинов во бугарскиот Парламент сега го слушнавме и на само 10-тина метри од плоштадот Македонија. Бугарскиот пратеник и прв човек на партијата „Преродба“ ни порача дека факт било дека сме биле едно, дека сме имале заедничка историја.

-(Постојат Македонци, постојат Бугари, на кој начин го засновате тоа дека е исто, на кои факти) на историски, на филолошки… (На кои историски факти, ај кажете ми вие.) Нема разлика. (За што се борел Гоце Делчев, за македонска држава или за Бугарија) И за македонска држава и за Бугарија. (За вас тоа е втора македонска држава така).Нема разлика. Бугарија и Македонија се две држави со еден народ, со општо минато. Разлика е во сегашноста, тоа е реалноста, изјави Костадинов.

На прашањето кои се фактите врз кои тој ги темели своите тези, Костадинов реагираше збунето.

-(Значи можеме да кажеме дека вие сте Македонци?) Нема разлика меѓу Македонци и Бугари. (Значи јас да кажам дека Костадин Костадинов од Бугарија е Преродба е Македонец, а не Бугарин) Тоа е едно исто, ако сакате кажете Македонец, ако сакате кажете Бугарин, за мене нема разлика. (Значи Македонец сте можам да кажам дека сте Македонец или не?) А вие можете да кажете дека сте Бугарин? (Не, јас сум Македонец.) Добро, изјави Костадинов.

Зборовите на Костадинов не беа единствена провокација. Тие дојдоа директно и од бугарските историчари, конкретно од вториот човек во заедничката историска комисија, Наум Кајчев, со порака дека бил заеднички светец, ни предаде икона од Свети Климент Охридски. Ни порачаа и дека не било случајно што токму на овој празник бил отворен овој центар.

Министрите за култура од двете држави порачаа дека овој клуб ќе допринел за зближување на културите меѓу двете држави. Но, не одговорија прецизно на новинарските прашања. Македонската министерка, Бисера Костадиновска Стојчевска не сакаше да одговори дали самото присуство на Костадинов во Скопје е провокација.

-Секој политичар треба да сноси одговрност за она што го изјавува, таквите изјави се најмалку европски и таквите изјави воопшто не одат во прилог на еден ваков убав настан каков што е овој денес, изјави Костадиновска Стојчевска.

Бугарскиот министер Велислав Минеков пак не сакаше да одговори дали клубовите „Ванчо Михајлов“ и „Цар Борис Трети“ допринесуваат за зближување меѓу двата народи.

-Среќен сум за денешниот настан, тоа е уште еден мост, уште едно зближување, сепак сме братски народи. (Дали придонесуваат двата клуба „Ванчо Михајлов“ и „Цар Борис Трети“ за зближување на двата народи?) Тоа вие ќе го оцените, ние ги зближуваме двата народи, изјави Минеков.

Отворањето на бугарскиот култрен информативен центар заврши како што почна. Без инциденти, но со големо полициско обезбедување.

Матеја Петровски– Алфа ТВ.

Македонија

Утре во Скопје се отвараат новите простории на Бугарскиот културен – информативен центар

Се прават последните подготовки за утрешното отворање на новите простории на бугарскиот културно-информативен центар во Скопје. Целта е преку промоција на културата да се затоплат  македонско-бугарските односи.

Бугарскиот културно информативен центар се сели на нова адреса. Во овие простории позади мене во строгиот центар на главниот град утре ќе бидат отворени вратите на културниот центар чија цел е продлабочување на односите меѓу двете земји…

Директорката на Центарот, Антониа Велева, во изјава за Канал 5 вели дека ова е државна институција, а официјалното отворање на новите простории се подготвувало подолго време и нема никаква поврзаност со контроверзните бугарски клубови кои се отворија неодмна и се приватни. Од бугарска страна досега присуството го потврдиле министерот за култура Миников, кој како што изјави Велева, тука ќе се сретне со неговата македонска колешка Бисера Костадиновска Стојчевска. Потврда има и од двајца заменик претседатели од бугарското Собрание, а претставник ќе има од кабинетот на бугарската потпретседателка Јотова.

„Всушност, времето за отворање нема никаква врска со какви и да биле околности. Едноставно завршивме со подготовката на нашите простории и галеријата, буквално пред околу 15 дена. Гледате дека се уште имаме мајстори, така што, требаше да започнеме со поактивна дејност и токму заради тоа, сега отвораме. Да се позиционираме навистина на место каде ќе има можност да кажеме дека ние сме видлива институција, изложбите кои ги правиме се достапни за сите, да има повеќе гости и да претставуваме поголем круг од културни претставители од двете држави, изјави Велева.

Од македонската влада не откриваат кој се ќе оди на отворањето. Засега е познато дека ќе присуствува министерката за култура Костадиновска-Стојчевска. Таа за Канал 5 вели дека културната соработка меѓу државни институции е вистинскиот пат за меѓусебно пријателство.

Од бугарскиот културно информативен центар велат дека ова е резултат на Спогодбата од март 2003 година кога и во двете земји се основаа вакви центри.

Македонија

Искршена таблата на бугарскиот клуб во Охрид

Искршена е таблата и оштетени се просториите на бугарскиот клуб во Охрид.

Како што објави порталот „Охрид1“, инцидентот се случил околу пладне.

– Повеќе информации во текот на денешниот ден.

Македонија

Добива ли Прилеп бугарски клуб, со име на бугарски вojник, кој бил yбиен на 11-ти Октомври од партизаните?

Повеќе неофицијални извори од редовите на бугарски активисти во Бугарија и во земјава тврдат дека меѓу клубовите кои што ги финансира Софија а кои треба да бидат отворени во Македонија треба да има и еден во чест на бугарски фашистички војник убиен од партизаните при нападот во Прилеп на 11 октомври – дознава “ЕКСПРЕС.МК”.

За официјалната бугарска историографија нападот на бугарскиот фашистички участок не го сториле Македонци туку Срби. За Бугарија почетокот на востанието во Прилеп е напад од Душко Наумовски кој во Софија се прикажува како Србин иако бил Македонец.

Инфо +

Бугарски универзитет ќе отвори филијала во Македонија!?

Според ректорот на Универзитетот во Велико Трново, проф. Христо Бонџолов, веста во телефонски пред неколку дена ја соопштил премиерот Зоран Заев.

Бугарскиот универзитет од Велико Трново „Св. Кирил и Методиј“ ќе отвори своја филијала во Македонија, јави бугарското Национално радио.

Како што пренесува дописникот на МИА од Софија, преговорите меѓу Универзитетот во Велико Трново и Меѓународниот славјански универзитет „Гаврило Романович Державин“ во Свети Николе се воделе три години.

Разговарав телефонски со премиерот на Република Македонија Зоран Заев и тој ме увери дека следната недела, на седница на Владата на Република Македонија, ќе биде донесена одлуката да се отвори филијала на Универзитетот Велико Трново „Свети Кирил и Методиј“ на територијата на Република Македонија. Ќе се обидеме заедно – Бугарија и Република Македонија, да ги изградиме уништените мостови, објави во видео обраќање, проф. Бонџолов.

Од следната академска година, по програмата на Универзитетот во Македонија, ќе студираат повеќе од 100 магистри и околу 50 докторанти.

Инфо +

„Бугарckи народни пecни од Браќата Миладинови“ cе запленетите kниги кои биле пренеcувани од бугарckиот државјанин Cтојанов

Како што јави дописникот на МИА од Софија, книгите со наслов „Бугарски народни песни од Браќата Миладинови“ биле пренесувани од бугарскиот државјанин Виктор Стојанов, кој, според бугарското МНР, покажал договор за донација, со којшто книгите требале да бидат доставени до културниот центар.

Бугарската Амбасада во Скопје испратила протестна нота до Министерството за надворешни работи на Македонија, поради, како што соопшти бугарското МНР, одлуката на царинските власти на граничниот премин „Деве Баир“ да не дозволат влез во земјава на 920 книги за Бугарскиот културно-информативен центар во земјава.

Со нотата Амбасадата на Бугарија во Скопје бара објаснувања зошто се бара дозвола за влез на литература од земја-членка на ЕУ, и тврдат дека такво нешто не е регулирано никаде и е апсурдно да се случува во 2021 година во држава која сака да се присоедини кон ЕУ. Оттаму, додава дописникот на МИА во Софија, навдуваат и дека за ова ќе бидат запознаени и Европската комисија и амбасадите на државите членки во Скопје.