Пејачката Светлана Ражнатовиќ Цеца за својот јубилеен педесетти роденден ги отвори вратите и го покажа својот дом во Белград. Во новата 38 епизода од нејзиното шоу „Цеца и деца“ на гледачите им откри за нејзините роденденски желби, а потоа во едноделен црвен костим за капење го покажа и својот се уште неодолив сексапил, како ибазенот кој го изгради пред две години.
Покрај делот за пливање рече дека има и сауна и простор за масажа. Во новата епизода зборуваше и за својот телесен изглед и рече дека тоа е резултат на исхраната. Но Цеца практикува и посебни вежби.
Не сака да дава препораки, но сите ги советува да имаат чести оброци без слатки и газирани пијалоци и алкохол.
Фолк дивата вели дека кондицијата ја одржува и заради изгледот, но и за здравјето. Призна дека често јаде месо и салати и тоа е нешто што го препорачува за секој кој практикува некаква диета, но откри дека и за секој пост редовно пости.
Анастасија Ражнатовиќ и Немања Гудељ неодамна со јавноста ја споделиле веста дека наскоро ќе станат родители и дека пејачката чека девојче, но, за жал, бременоста е прекината.
Имено, славниот пар вчеравечер на социјалните мрежи соопштиле дека, за жал, го изгубиле бебето. Фудбалерот, Немања Гудељ на „Инстаграм“ напишал дека ова за нив е болен момент, но веруваат како нивната љубов ќе надмине сè низ што минуваат. „Со вас споделивме среќна вест и бевте со нас со сето срце, честитки и пораки. Ви благодарам за тоа. За жал, сега имаме лоши вести, но знаеме дека ќе ја имаме вашата поддршка и разбирање затоа што не сакаме да зборуваме за тоа. На наша голема тага, Анастасија и јас го загубивме нашето бебе. Ова е болен момент за нас, но нашата љубов и ова ќе го надмине“, стои на објавата на познатиот фудбалер.
Анастасија го деактивирала својот профил на споменатата социјална мрежа и одлучила одредено време да се повлече од јавноста.
Инаку, само неколку месеци претходно, мајката на Анастасија во својот серијал „Ceca Show“ открила интимна приказна која јавноста до тој момент не ја знаела. Имено, и таа го загубила своето бебе непосредно пред венчавката.
„Јас и Жељко очекувавме бебе пред да се венчаме. Свадбата ја закажавме за февруари, а јас претходно останав бремена. Во меѓувреме, за жал, го изгубив моето бебе“, изјавила фолк ѕвездата. И покрај загубата, Цеца и нејзиниот сопруг не сакале да ја откажат венчавката. „Се договоривме да не го поместуваме датумот, па така судбоносното „да“ го кажавме кога и планиравме, на 19 февруари 1995 година.“
Да потсетиме, Анастасија Ражнатовиќ и Немања Гудељ планирале да се венчаат летово, по 50 роденден на Цеца, а потоа следната година да организираат голема свадбена прослава во Белград. Дали новите околности ќе го променат планот, останува да видиме.
Претходната година беше многу плодна и профитабилна за естрадните уметници, покажуваат официјалните документи. Според податоците на Агенцијата за економски регистри, Саша Матиќ заработил најмногу пари во 2022 година.
Неговата фирма „См мјузик“ остварила вкупен бруто промет од 1.050.000 евра. Кога од таа бројка ќе се одбијат деловните трошоци од 315.000 евра, како и државната такса од 75.000 евра, на Саша му остануваат чисти 662.000 евра.
На врвот на листата на најбогати забавувачи е и Цеца Ражнатовиќ. Бруто деловните приходи на нејзината компанија „Цеца мјузик“ во 2022 година изнесувале цели 1.886.000 евра, но пријавени се трошоци од 1.260.000 евра, па пејачката откако платила данок на државата од 94.000 евра, завршила со нето заработка од 532.000 евра.
Со огромни примања може да се пофали и Милица Павловиќ. Имаше најголем скок во однос на 2021 година (двојно повеќе), па така на крајот на 2022 година компанијата „Сењорита мјузик“ имаше бруто приход од 555.000 евра. Кога ќе се одбијат деловните трошоци од 272.000 евра, како и данокот од 31.000 платен на државата, на Павловиќ и останале 252.000 евра.
Пејачката Светлана Цеца Ражнатовиќ денеска се појавила на снимањето на новата емисија на „Ѕвезде Гранда“ во сосема ново издание.
Имено, Цеца ја променила бојата на косата и во прв момент многумина не ја препознале. Ражнатовиќ го освежила својот изглед со посветли тонови на косата, а според мислењето на многумина оваа фризура одлично и прилега.
Оваа недела пејачката реши да облече светкаво кратко фустанче, кое го усогласи со длабоки розови чизми и чанта во иста боја.
Видно расположена таа ги поздравила насобраните медиуми и со насмевка на лицето влегла во студиото „Ѕвезде Гранда“.
Не е пријатно кога не се ефикасни институциите. Ми беше задоволство Советот да функционира како часовник. Единствен проблем што морав да го менаџирам беше што постојано градоначалничката Арсовска постојано ја навредуваше и се караше со координаторката на советничката група на СДСМ. Сега малку се сврти работата, јас сум на мета, рече претседателот на Советот на град скопје, Трајко Славески за ситуацијата во градското собрание.
Според него, „се започна од одлуката на Арсовска да се лиши од мнозинството во градот Скопје“.
-Арсовска не може да испорача она што го има добиено како налог од налогодавателите. Не е лесно да се биде градоначалник без поддршка во Советот, рече Славески во емисијата „Студио 10“ на Телевизија 24.
Тој вели дека не употребил никаква квалификација кон градоначалничката, ниту погрден збор.
-Јас што излегов пред неа беше единствен начин да се замолчи, затоа што таа имаше прикачено мобилен микрофон како Цеца Величковиќ на концертите. Во неколку наврати некои советници изразиле незадоволство во тоа каде седи градоначалникот. Сега таа седи на задната клупа каде нема микрофон или слушалки. Немам такво сознание дека разбира албански. Таа неколку пати кажа за мене Таљат. Очекувам ова да се реши со интервенција на инспекторатот на локална самоуправа. Во просториите на Советот на град Скопје не може да се помести ништо без знаење на претседателот на Совет, додаде Славески.
Светлана Цеца Ражнатовиќ во неколку наврати најавуваше дека ќе ја реновира својата вила во Аја Напи, а сега се појавија фотографии кои покажуваат како ќе изгледа нејзината куќа.
Фолк ѕвездата реши да ја промени и надворешноста и внатрешноста на својата вила во Аја Напи, која ја купи во 2006 година и каде што секое лето го поминува со семејството и пријателите.
– Цеца наскоро ќе започне со целосно реновирање на вилата, а еден дел од куќата ќе треба целосно да се урне. Таа не сака да прави само внатрешни преправки, туку ќе ја прошири вилата од постоечките 400 квадрати на дури 600! Ќе додадат уште еден кат, па ќе имаат вкупно три. Тоа е голема работа, ќе бидат потребни месеци за да се заврши се – изјавил за српски „Информер“ добро информиран извор.
Судејќи по фотографиите до кои ексклузивно дојде Информер, во куќата ќе доминираат белата и кафената боја.
– Цеца сака нов и модерен дизајн, па нејзината вила ќе биде како оние од Мајами, каде живеат светски ѕвезди. Во централниот дел на куќата ќе има огромна дневна соба со камин и уметнички слики, а во кујната и бањата ќе има најквалитетен мермер. Во куќата ќе се постави лифт, ќе има сауна и теретана, а во дворот, до базенот, ќе има џакузи – вели изворот.
Целиот проект го водат кумата на Цеци Вики Миљковиќ и нејзиниот сопруг Драган Ташковиќ Ташкет, а ангажирале архитекти од Белград и Истанбул.
– Се што смислила нејзината кума Вики многу и се допадна на Цеци, едвај чека да почне со реновирање – додава изворот.
Вики вели дека е возбудена што на својата кума ќе и ја подари куќата од соништата.
– Целиот преден дел на вилата на Цеца ќе биде од стакло, со поглед на големиот базен. Цеца покрај базенот ќе има и свое место за одмор во дворот до големото џакузи, вели фолк пејачката.
Сето тоа ќе биде прикажано во емисијата „Цеца шоу“ што се емитува вечерва на ТВ Блиц.
Пејачката Цеца Ражнатовиќ беше уапсена во 2003 година по убиството на Зоран Ѓинѓиќ, одведена во Централниот затвор и ставена во самица во рамките на полициската акција „Сабја“. Таму поминала три месеци, постојано грижејќи се за децата. Таа откри низ какви искушенија поминувало нејзиното семејство во тие денови и со што се соочувала.
Во мојата куќа упаднаа дури 150 полицајци. Немаше потреба од тоа, можеа да ме поканат да дојдам во станица! Тие потпреа четири долги цевки на слепоочница на Анастасија. Таа имаше само четири години. Додека се случуваше сето ова мислев само на неа и на Вељко. За среќа, моите родители успеаја да ги спречат да слушаат лаги за мене. Таса и Вељко со години веруваа дека сум била на турнеја низ Америка 121 ден – изјави Цеца која се сеќава на првата вечер во затвор.
– Беше страшно, не можев да ги затворам очите, само плачев. Триесет дена бев во самица, без право на посета, менза, адвокати и сонце. Друштво ми правеа бубашвабите. Во ќелијата имаше кревет, маса и клупа, а на ѕидовите беа испишани стихови од моите песни. Се сеќавам кога го видов тоа, си помислив: „Боже, каква иронија!“ После еден месец добив цимер, па имав со кого да разговарам и да плачам.
Таа раскажува и дека децата и преживеаја голгота поради акцијата.
-После излегувањето од затвор, секој ден ги запираше интервентна полиција и ги вадеше од автомобилот. Синот не можеше да се запише во училиште затоа што имаше документ дека не бил подобен да се врати меѓу другарите во забавиште затоа што мајка му била апсена во „Сабја“. Тоа е дискриминација – заклучи Цеца.
Таа беше ослободена без да и биде покренато обвинение.
Пејачката Цеца Рарнатовиќ ќе одржи концерт во Виена. Во стаклената пирамида во јужниот дел на градот ќе биде организиран вистински спектакл…
Од пред неколку дена во Австрија важи правилото за луѓето кои се вакцинирани со една доза и кој има ПРЦ ќе можат да посетуваат објекти од затворен карактер.
Како правилата се строги и мора да се почитуваат, организаторот на своите канали за комуникација почнал да апелира на сите посетители кои ќе доаѓаат ќе мора да ги исполнуваат овие две правила.
Поради ова посетители кои не се вакцинирани одлучиле да се вакцинираат како би можеле да присуствуваат на концертот на Цеца.
Засега има голем интерес. Просторот собира повеќе од 4 илјади луѓе, меѓутоа од градот е дадено одобрение за 2.500 луѓе кои сите мора да бидат вакцинирани и да носат негативен тест бидејќи тоа се единствените услови за да присуствуваат на концертот.
– Во вторникот дибивме информација дека во Виена ваккцинирани се преку 20.000 лица поради правилата кои стапуваа на сила. Тоа на луѓето им дава можност да се движат без проблеми и да одат на концертот – рекол менаџер кој долги години организира концерти на музичките ѕвезди.
– Се радувам на концертот, тоа е она што мене ми дава сила и енергија. Важно е да бидат исполнети сите услови кои се однесуваат на мерките, и ветувам на публиката дека одлично ќе се забавуваме и уште подобро ќе си поминеме – порачала Цеца во пораката.
Светлана Цеца Ражнатовиќ во црна мини сукња со сребрени чизми дошла на снимање во Ѕвездите на Гранд.
Пејачката зборувала за ќерката Анастасија, го спомнала и покојниот маж Жељко Ражнатовиќ Аркан, а потоа следело прашање и за Карлеуша.
– Кај мајками морав се да знам, одржување и готвење, се, но кога се омажив за Жељко ми се раздени, неморав ништо – насмеана рекла Цеца.
На прашање дали и се пожалила Анастасија на некоја домашна работа која не и оди, Цеца одговорила:
– Да ви кажам нешто, јас не сум ПР на Анастасија Ражнатовиќ, повикајте ја, таа е љубезна кон медиумите, па нејзе поставете и ги сите можни прашања, рекла Цеца.
Едно прашање останало неодговорено, а се однесувало на Јелена Карлеуша.
Кога била прашана коко ќе реагира Јелена да се појави како специјален гостин во жири, таа рекла:
– На тоа прашање нема воопшто да одговорм, бидејќи тоа воопшто е невозможно.
На инсистирање да одговри, порачала:
– Ве молам, не правете проблем таму каде што го нема.
Светлана Цеца Ражнатовиќ ги урива сите рекорди кога станува збор за заработката од прегледи на Јутјуб, со што од 2012 до денес комотно може да купи осум големи стана во Белград.
Кога е во прашање естрадата во соседството, Цеца е прва на оваа платформа надминувајќи милион следбеници, со што дополнително и е зголемена заработувачката, па на Јутјуб може да вметне и реклама. На годишно ниво Цеца инкасира околу 100.000 евра, притоа може да заработува и кога одмора дома.
– Кога се во прашање пејачите, Цеца прва собрала милион следбеници. Тоа дополнително влијае врз приливот на заработка, па заедно со прегледите на годишно ниво зема сериозна сума пари. Јутјуб на крај на секоја годината ги исплаќа изведувачите бидејќи полесно е така отколку да се префрлаат пари секој месец. Цеца на песните има во просек од 10 до 40 милини прегледи, поради што го држи рекордот на овие простори.
Фолк дивата од Јутјуб каналот има чиста заработка бидејќи со никого не ги дели приходите, одредена сума дава на луѓето кои ги водат нејзините социјални мрежи.
– Цеца нема потпишано договори со ниедна продукција за разлика од повеќето пејачи, и со никого не мора да го дели приходот. Јутјуб на неспонзорирани канали како што е на Цеца, заработувачката ја исплаќа во целост еднаш годишно. Поради големата популарност пејачката добила дополнителна понуда за работа, со што на својот канал пушта реклами бидејќи е најмногу посетен. Цеца во јавноста не сакала да зборува на оваа тема, но во едно интервју истакнала дека за сечија работат зборуваат бројките кога е во прашање публиката на концертите, како и прегледите на песните, заклучил соговорникот за Ало.ср
