Tag Archives: дете

Свет

Татко го фрли детето од прозорецот на зградата, а потоа сам скокна (Видео)

Во Казахстан дошло до пожар во повеќекатница, во која, како што јавија локалните медиуми, се евакуирани повеќе од 300 луѓе, а посебно внимание привлече едно видео кое се појави на социјалните мрежи.

Со оглед на тоа што многумина останале заробени во зградата поради пожарот, еден татко немал многу избор, па решил да го фрли своето дете од петти кат, додека луѓето на земја ширеле чаршафи.

На видео кое кружи на социјалните мрежи може да се види како таткото го фрла малото дете од висина од 20 метри, а долу сепак го фаќаат безбедно неколку луѓе.

На драмата и немало крај, бидејќи родителот во паника веднаш скокнал. За среќа, некој донесе душек за да го ублажи падот, бидејќи чаршафите тешко ќе ја издржат тежината на возрасен човек. Останува нејасно зошто станарите не ја напуштиле зградата користејќи ги пожарните скали, а постои можност да биле блокирани.

На видеото се гледа како некои од нив стојат покрај прозорецот за да не се задушат од чадот.

Локалните медиуми јавуваат дека нема жртви, а во болницата се згрижени 31 лице, меѓу кои 16 деца. Пожарот по извесно време бил локализиран, а во акцијата учествувале 50 пожарникари кои донеле големи скали и на тој начин ги извлекле заробените луѓе, пренесува Сан.

Забава

11-годишно девојче кое стана милионерка поради Ковид-19 најави забава за нејзиното „пензионирање“

Пикси Кертис, 11-годишна австралиска милионерка, ќе организира забава по повод нејзиното „пензионирање“, откако нејзината мајка Рокси Јаченко ѝ укажала на важноста да се воспостави рамнотежа меѓу образованието и претприемништвото, пишува „Њујорк пост“.

Пикси почна да продава тн. „фиџет-спинери“ за време на корона-пандемијата, по што заработи неколку милиони долари.

Младата претприемачка од Австралија ќе приреди забава за нејзиното (веројатно привремено) повлекување од бизнисот, на денот на нејзиниот 12. роденден за да се сосредоточи на образованието.

Македонија, Хуманост

ИТНО: Потребни се нулта позитив крвни единици за 5 годишно детенце

Итно се потребни нулта позитив крвни единици (тромбоцити) за петгодишно детенце коешто боледува од леукемија.

Ве молиме сите кои можете да дарувате, да одите во Трансфузиологија во Клиничкиот центар во Скопје, со напомена дека е за детенцето Мартин Здравковски, стои во апелот на Фејсбук страната на Бигорски Манастир Св. Јован Крстител.

Балкан

Во Србија зголемен е додатокот за родено прво дете на 3.122 евра, за трето- 16.600 евра

Во Србија од 1 јули родителскиот додаток за раѓање прво дете ќе изнесува 366.122 динари (3.122 евра), соопшти денеска Министерството за семејна грижа и демографија.

Родителскиот додаток за второ дете, што се плаќа на 24 рати, сега изнесува 324.772 динари, за трето дете што се плаќа на 120 рати е 1.948.632 динари (16.600 евра), а за четврто дете е 2.922.948 динари на 120 рати, се наведува во соопштението на српското министерство.

Еднократната помош за раѓање на второ и трето дете за деца родени на 1 јули годинава и подоцна изнесува 122.040 динари (1.000 евра), додека паушалот за набавка на опрема за детето е 6.766 динари, се наведува во соопштението

Балкан

Мајка и дете се удавија во поплавите во Косово (Видео)

Video

Мајка и нејзиниот петгодишен син ги загубија животите во поплавите што вчера го зафатија градот Пеќ во Косово.

Околу 23 часот петгодишното детето било пренесено во подрачната болница во Пеќ, но таму само било констатирано дека нема знаци на живот, додека пак неговата мајка била пронајдена по полноќ без знаци на живот.

Според косовската полиција, трагедијата се случила во населбата Аслан Чешме.

„Регионалната полициска управа Пеќ соопштува дека на 24.6.2023 година, како последица на поплавите во градот Пеќ, во населбата Аслан Чешме, едно дете го загубило животот, додека неговата мајка е исчезната. По извршени претреси од полициски единици во 1:20 часот, на 25.6.2023 година, пронајдено е исчезнатото женско тело, а од страна на лекарска екипа е констатирана смрт“

се наведува во полициското соопштение.

Видео од поплавата:

https://fb.watch/lnYgfFaA8N/?mibextid=Nif5oz

Во друга населба во Пеќ, пак, пријавено е дека двајца жители биле повредени.

Освен жртвите и повредените, во градот има и многу оштетени возила и други материјални штети.

Македонија

Колку треба да си нарцисоиден за да мислиш дека имаш право да воспитуваш туѓо дете

Колку треба да си нарцисоиден за да мислиш дека имаш право да воспитуваш туѓо дете, не само без дозвола, ами и против волјата и убедувањата на родителите на тоа дете! И тоа пазете, не за било што, туку за сексуалност и родови идентитети!

Деновиве читам и слушам како повеќемина активисти од разните лгбти невладини организации и неколкумина пратеници отворено кажуваат дека целта им е „од најрана возраст“ да ги запознаваат и „образуваат“ децата со различни поединости од она што е нивниот светоглед по прашање на човечката сексуалност и т.н. родови улоги и идентитети.

Кој им дал такво право? Или од каде им е дрскоста дека тие можат да си го земат тоа право на себе?

Ако човек решил да нема деца или да живее одреден животен стил кој не може да резултира со раѓање на деца, што е сосема легитимен личен избор, тогаш зошто би сакал да има збор во (сексуалното) воспитување на туѓи деца?

Еве ја кулминацијата на нарцисоидноста кај дел од нив – тие веруваат дека знаат подобро од родителите на децата, та затоа се дрзнуваат да прават такви (дури морничави) испади!

Затоа велам, суверено и неотуѓиво родителско право е секој родител да го воспитува своето дете по сопствени убедувања по прашања на вероисповед, националност, човечката сексуалност, семејни улоги итн., па затоа никој не смее да помисли да се допре до децата и да ја злоупотреби позицијата на авторитет која ја ужива образованието во животот на детето, та на таков перфиден начин да се пренебрегне родителот по овие прашања.

По некои прашања едноставно не постои компромис, а колку побрзо се разбере тоа, толку побрзо ќе има мир и секој ќе може да си го живее животот како што сака…

Линк од објавата: h

ttps://m.facebook.com/story.php?story_fbid=6567773759941763&id=100001276120769&mibextid=Nif5oz

Свет

Двогодишно дете ја застрела бремената мајка

Инцидентот се случил на 16 јуни кога Лора Илг побарала брза помош пријавувајќи дека двогодишниот син го пронашол нејзиниот пиштол и ја застрелал.

Илг била однесена во болница, каде и бил извршен итен царски рез, бидејќи била во 34 недела од бременоста. Но, лекарите не можеле да ги спасат детето, а подоцна починала и мајката.

Полицијата го пронашла пиштолот СИГ Сауер П365, со која беше застрелана Илг. Но, во нејзиниот дом биле пронајдени и една сач, арка и друга пушка.

Сè уште никој не е обвинет за убиството, а полицијата соопшти дека наодите од истрагата ќе бидат проследени до локалното Обвинителство. 

Спорт

Ноле го прекина тренингот и му помогна на дете на кое му се слоши (Видео)

Српскиот ас по којзнае кој пат покажа какoв голем човек е..Сцената од тренингот на Новак Ѓоковиќ на стадионот Сузан Ленглен ја обиколи цела планета.

Новак имаше отворен тренинг со Карен Хачанов пред почетокот на Ролан Гарос и трибините на стадионот беа исполнети речиси до последното столче.

Од силното сонце на трибините му се слоши на едно дете. Новак го забележа тоа,  веднаш престана да тренира и истрча да помогне.

Балкан

Момчето убиец на лекарите им поставило застрашувачко прашање, не знаеле што да му кажат

Момчето убиец кое со пиштолот на татко му уби осум врсници и чувар во ОУ „Владислав Рибникар“, ниту денеска, шест дена по монструозниот чин, не се кае. Тој е во изолација на Клиниката за неврологија и психијатрија за деца и млади кај д-р Суботиќ, сосема мирен и има само две прашања: „Кога ќе излезам одовде?“ и „Какви се реакциите на она што го направив?“.

Според „Блиц“, момчето убиец не побарало никаков контакт, ниту пак побарало да се види со родителите.

-Нема барања, не ни праша за родителите. Единствените интереси му се кога излегува и какви се реакциите на неговиот чин – вели изворот на српски „Блиц“.

Опишувајќи ја моменталната состојба на момчето, изворот на „Блиц“ наведува дека момчето убиец размислува и се однесува како да е во прашање моментот кога ќе ја напушти Клиниката, односно кога ќе биде на слобода.

Тој го чека тој момент и очигледно е убеден дека треба да биде деновиве.

– Второто прашање што го поставува е каков импакт остави, какви реакции. Што се случува надвор и тој очекува да биде популарен. Неговите очекувања се буквално дека ќе се соберат под неговиот прозорец и ќе му скандираат – објаснува соговорникот.

Како што објави Блиц, на седмоодделенецот не му даваат ниту седативи, бидејќи е „сосема мирен“. Не му требаат.

Лекарскиот тим работи на утврдување на фактите и состојбата на момчето, што му претходело на монструозниот чин, но и за време на егзекуцијата.

Престанал да ги убива пријателите иако имал уште две куршуми, односно 34 куршуми.

Како што пишува Блиц, тој го прекинал својот крвав поход бидејќи почувствувал дека останува без здив.

Во сета своја свирепост, децата кои преживеале биле спасени од напад на паника што го имало ова момче во еден момент. Влегол во дворот, го испразнил пиштолот и повикал полиција.

Невидена трагедија во Србија се случи на 3 мај во белградското основно училиште во Врачар, кога ученик од седмо одделение влегол во училиштето со оружјето на неговиот татко. Прво го убил училишниот чувар Драган Влаховиќ и дежурните ученици, а потоа дивеењето го продолжил низ училишната сала до кабинетот за историја. Таму уби пет свои врсници, рани еден наставник по историја и уште шест ученици.

Балкан

Не е системот крив, криви се родителите: Карлеуша се огласи по страшниот масакр во Белград

Јелена Карлеуша го коментираше настанот кој се случи во основното училиште „Владислав Рибникар“, во кој тринаесетгодишно момче пукало во своите соученици и наставници и убило 9 луѓе, 8 негови соученици и еден чувар. Две деца и една наставничка се повредени.

Карлеуша рече дека не е проблем во системот, туку родителите кои го испуштиле детето од раце.

„Ужасната трагедија и злосторот кој го стори едно 13 годишно дете, натера многу да бараат вина за состојбата во кое како општество се наоѓаме. Криви се сега сите, од институции, држава, самото школо, до влијанието на западот, медиумите. Но, никој не дојде до сржта на проблемот. А проблемот сме ние самите. За нашите деца сме исклучиво и само виновни ние, родителите. Родителите кои го испуштија детето и не го учат на виситнските вредности. Кога родителот нема контрола и авторитет, кога нема време за детето, тогаш децата учат од улицата и социјалните мрежи, Тик ток, ликовите од реалните шоуа кои стануваат ѕвезди, криминалците“, рече Карлеуша.

„Детето се учи да има емпатија, да има милост, да сака, да дели со друарите, да прави разлика меѓу доброто и злото. Децата се учат како папгали, го присвојуваат и повторуваат она што им се повторува како мантра. Кога тоа ќе изостане во самото срце на семејството, а тоа е нивната куќа, сè се руши како кула од карти. Добро воспитано дете може да слуша и гледа насилство, но ќе го осуди и ќе се побуни и нема да го присвои. За жал гледаме како малолетници на социјалните мрежи слават убиство, наставници и убивање на врсници. Не е системот виновен, виновни се родителите. Државата не го воспитува детето, го воспитуваат родителите. Родители, дали знаете што детето ви пишува по социјалните мрежи? Проверете и запрашајте се. Дете не се носи на стрелање и лов, детето се учи дека убивањето на нешто живо е страшно и лошо. Децата не се учат дека жените се проститутки, а криминалците, фаци, децата се учат да ги почитуваат постарите и да го осудат сето она што е нечовечно и противзаконско. Ако кажете дека тоа го виделе од нивното опкружување, прашајте се зошто вашето влијание е помало и дали воопшто го имате. Не е општеството тоа кое потфрлило, потфрлиле родителите“, рече Карлеуша.