Tag Archives: девојче

Македонија

18 години ЗАТВОР за ПИЈАНИОТ ВОЗАЧ кој во ВЕЛЕС УСМРТИ 11-ГОДИШНО ДЕВОЈЧЕ И ИЗБЕГА

Велешанецот Ангелче Николов доби затворска казна во висна од 18 години за две кривични дела, „Тешки дела против безбедноста на луѓето“ и за „Неукажување помош на лице повредено во сообраќајна незгода“ за сообраќајката во Велес во која почина 11-годишната Магдалена Иванова. За првото дело доби 17 години и шест месеци, а за второто една година или во една единствена казна 18 години. Тој двете дела ги сторил со умисла. Максималната казна која обвинетиот можеше да ја добие е 20 години затвор.

Николов возел под дејство на алкохол, двојно побрзо од дозволеното и го усмрти девојчето на пешачки премин. Наместо да застане и да им помогне на жртвите, Иванова и мајка ѝ, тој со несмалена брзина продолжил да вози во правец кон населбата Превалец.

„Обвинетиот по сторувањето на делото безобѕирно го напуштил местото на настанот, и не се обидел да ги поправи штетните последици предизвикани од негови дејствија. Се криел повеќе од 30 часа, не се интересирал што се случило со оштетените, а што се предал по толку време судот не го цени како олеснителна околност. Претходно, два пати е осудуван за сообраќаен прекршок при што му се изрекувани забрани за управување на возило, што укажува дека се работи за лице со ниско ниво на сообраќајна култура, не почитува сообраќајни пропусти и изречените казни не влијаеле на него. Изреченото признание судот го зема како придонес за побрзо завршување на постапката. Судот не се стекна со впечаток дека кај обвинетиот има искрено каење и жалење за стореното. Олеснителни околности се дека не е кривично осудуван и дека е безимотен“, кажа во образложението судијката Габриела Гајдова, претседател на петчлениот Судски совет.

Обвинителството и адвокатот на обвинетиот не дадоа изјави по изрекувањето на пресудата, која не е правосилна.

Николов доби и забрана за управување на возило во висина од пет години, казна која ќе се реализира по одлежувањето на затворската казна. Мерката притвор му е продолжена до правосилноста на пресудата.

Вештачењата на ОЈО Велес покажале дека Николов на 17 декември лани во моментот кога се случила несреќата во 22,15 часот возел под дејство на алкохол и со брзина двојно поголема од дозволената на тоа место. Згора на тоа, сообраќајкатаа се случила на обележан пешачки премин, а потоа побегнал во населба Превалец, каде се криел 36 часа, по што сам се предал на полицијата. Во моментите кога го возел автомобилот „мерцедес“ тој имал забрана за управување на возило.

Sdk.mk

Македонија

Девојчето кое синоќа загина на цистерна во Илинден, се качило да снима Тик-Ток видео

Портпаролот на МВР, Тони Ангеловски, за Телма потврди дека се работи за смрт од струен удар, а дека на местото биле присутни три другарки, тинејџерки, кои дошле околу 21 часот. Девојчето починало на самото место. Интервенцијата на пожарникарите траела до 21 часот и 45 минути, а потоа симнатото тело било дадено на обдукција.

– Сите мора да внимаваме на нашите деца, особено на малолетниците каде се движат и што прават затоа што за жал ова не е прв случај и за да ги заштитиме нашите деца мора да преземеме соодветни мерки за да се укаже дека не смее да се движат во тие делови и особено да се качуваат на вагоните затоа што се многу опасни и може да настане последица од струен удар – изјави Ангеловски.

Слична трагедија со Тик-Ток видео се случи пред неколку месеци во скопско Маџари, кога 17-годишна девојка на идентичен начин доби тешки изгореници по телото.

Македонија

Морбидни резултати од обдукцијата на двегодишното девојче од Србија, претепано до смрт од очувот-монструм

Јавноста во Србија е шокирана од бруталното убиство на двегодишното девојче од Зајечар, Србија, откако очув монструм го претепа до смрт пред очите на мајката. Сега на површина излегоа нови, уште пострашни детали, пишува Новости.

Обдукцијата на телото е завршена. Таа покажала дека детето има повеќе повреди на главата, од кои едната била фатална.

Констатиран е и расцеп на црниот дроб, а повредите не можеле да бидат предизвикани од пад, како што изјавил очувот, кој е осомничен за ова брутално злосторство.

Полицијата во Зајечар го уапси Милош Н. (25) поради сомнение дека го претепал двегодишното дете на неговата партнерка, односно за кривично дело семејно насилство со смртен исход. Уапсена е и мајката на девојчето, Јелена Т.

Милош Н. е осомничен дека вчера во изнајмен стан во Зајечар неколку пати по главата и телото ја удрил двегодишната ќерка на својата невенчана сопруга, при што тешко ја повредил, а детето е пренесено во Здравствен дом во Зајечар, каде што починало.

Мајката со повреди го донела детето во болница. Само еден час по приемот, детето починало.

Според неофицијални информации, осомничениот Милош и претходно се однесувал насилнички. Но, она што е сигурно е дека во споменатото семејство нема пријави за насилство.

„Во досегашното работење со семејството немало пријави за занемарување и злоупотреба на деца, ниту пак некој од родителите бил пријавен за семејно насилство врз децата“, соопштија претходно од Центарот за социјална работа.

Балкан

Спасувачите преживеаја НАПАД од МЕЧКА за УСПЕШНО ПРОНАОЃАЊЕ НА 15 ГОДИШНОТО ИЗЧЕЗНАТО ДЕВОЈЧЕ ВО БИХ

Членови на Планинарската спасувачка служба Горњи Вакуф – ловџии и мештани ДВА ДЕНА трагаа по 15-годишната Е.Р. која исчезна завчера во попладневните часови во областа Бистричка Рика во Босна и Херцеговина.

Потрагата траела до доцна вечерта првиот ден, а вчера наутро продолжила пришто влучени биле 30-тина лица.

Потрагата продолжила со вклучување на дронови и пребарување на теренот.

Според информациите на локалниот портал GornjiVakuf.com, групата била нападната од мечка додека го пребарувала теренот, но за среќа нема повредени.

Девојчето последен пат било видено завчера околу 14:30 часот на патот Горњи Вакуф – Нови Травник, а претходно влегло во продавница од каде купило сок. Таа носела црна јакна, црвен ранец, црни панталони и бели патики. Станува збор за девоче со тешкотии во развојот.

За вчера во вечерните часови да го пронајдат девојчето на локалитетот Ланишта.

Семејството изгрази благодарност до 30-та луѓе кои беа вклучени во потрагата за 15 годишното девојче која резултираше со среќен крај.

Македонија

(Фото) Нова надеж: Момче и девојче спасени по 150 часи под урнатините

Gallery

Девојче е спасено од урнатините на зграда во провинцијата Хатај, дури 150 часа по земјотресот што во понеделникот го погоди јужниот дел на Турција, јавува Анадолија.

Турскиот министер за здравство Фахредин Коџа објави видео од девојче кое е извлечено живо од урнатините во спасувачка операција со порака: „Секогаш има надеж“.

Членовите на спасувачкиот тим го спасија девојчето од урнатините на зградата во Хатај, една од десетте провинции погодени од разорните земјотреси.

Спасувачите славеле откако девојчето било извлечено и спасено.

Djevojčica je spašena iz ruševina zgrade u provinciji Hatay, čak 150 sati nakon zemljotresa koji su pogodili jug Turkiye u ponedjeljak ( Aytuğ Can Sencar – Anadolu Agency )

Добри вести доаѓаат и од градот Адијаман, во Кахраманарас, Турција, каде седумгодишно момче и 22-годишна девојка беа извлечени од урнатините во одделни спасувачки операции, дури 152 часа по земјотресот.

Момчето било спасено откако рано утрово спасувачките екипи откриле дека под урнатините на осумкатницата има живо лице. Потоа го слушнале гласот на детето и ја забрзале спасувачката операција.

По операцијата која траела околу седум часа, од под урнатините успеале да го спасат седумгодишното момче Хачи Ахмет.

Спасувачите славеа со голем ентузијазам откако момчето беше извлечено и спасено. Момчето по укажаната прва помош било пренесено во болница.

Sedmogodišnji dječak spašen je iz ruševina zgrade u gradu Adiyamanu u turskom Kahramanmarasu, čak 152 sata nakon zemljotresa koji su pogodili jug Turkiye u ponedjeljak. Spasilačke ekipe su rano jutros otkrile da se ispod ruševine osmospratnice nalazi živa osoba. Potom su čuli dječiji glas i ubrzali su akciju spašavanja. Nakon akcije koja je trajala oko sedam sati ispod ruševine su uspjeli spasiti sedmogodišnjeg dječaka Hacija Ahmeta. ( Aytaç Ünal – Anadolu Agency )

Девојката по име Рабија (22) била извлечена од под урнатините по осумчасовна спасувачка работа, по што била пренесена во болница.

Бројот на загинати во земјотресите на југот на Турција се искачи на 24.617, соопшти турскиот потпретседател Фуад Октај.

Повеќе од 86.000 луѓе беа евакуирани од подрачјата погодени од земјотресите во други делови на земјата.

Свет

Малата Зехра е ХЕРОЈ: По неколку часа под урнатините излезе ЖИВА (ВИДЕО)

Video

Малата Зехра е херој на денот во трагичниот ден во Турција. Таа неколку часа поминати под урнатините излезе жива со помош на спасувачките екипи. Ова е снимено во провинцијата Кахраманмараш која е најпогодена од силниот земјотрес во Турција.

Турција прогласи 12 дневна жалост поради големата катастрофа, која ја погоди и Сирија. Во двете држави жртвите и повредените се бројат во илјадници, а нивната бројка за жал расте од час во час.

Македонија

Грозоморен настан во Велес – 14 годишно девојче силувано од пет лица

Четворица мажи од Велес и еден од Тетово завршија во притвор бидејќи со месеци сексуално злоупотребувале 14-годишно девојче.

Голготата, според наводите на истражните органи, започнала кон крајот на 2021 година.

Првоосомничениот, 25-годишен велешанец, ја запознал малолетничката на Инстаграм. По неколкунеделна интензивна комуникација ја довел во заблуда дека ќе започнат љубовна врска. На првата средба направиле снимка од интимниот однос, со која осомничениот ја присилувал жртвата повторно да се среќаваат ако не сака видеото да се објави на социјалните мрежи. Изнајмувал станови на различни локации во Велес, каде доаѓале останатите четворица осомничени кои прво пиеле и користеле дрога па потоа вршеле полови дејствија врз жртвата и ги снимале.

„С.Д.(25) од Велес во временскиот период од 09.12.2021 година и во текот на 2022 година вршел продолжени кривични дела трговија со дете, користејќи закани, принуда за користење дрога и алкохол, и со уцена дека јавно ќе објави експлицитен материјал, овозможил малолетничката да биде злоупотребена за сексуални услуги и изготвување на порнографски материјал,“ истакна Тони Ангеловски, портпарол на МВР.

Од анксиозност до страв од социјализација – психолозите децидни дека при ваква тешка форма на насилство последиците се огромни. Според Елена Димушевска, сега е најважно жртвата да ја добие потребната психолошка грижа.

На осомничените им се става на товар кривичното дело Трговија со деца. За него е предвидена казна затвор од осум години.

Забава

Браво златно девојче! Михаела од Прилеп освои второ место на светски фестивал, а беше најмлада учесничка (Фото)

Gallery

Ученичката од петто оддление во ООУ “Климент Охридски” Прилп, Михаела Пурдеска вечерва во Македонската опера и балет зеде учество на WAF АWARDS 2022 и WAF CONTEST 2023 во покровителство на Светска асоцијација на фестивали. Михаела ја претставуваше Македонија, а настапи со Евровизиската композиција ,,Fire” од Мила Москов.

Натпреварувачите беа поделени во 5 категории, а Михаела во силна конкуренција на натреварувачи од над 20држави, во категорија од 11 до 15 години го освои второто место од стручното жири.

На сцената учество зедоја напреварувачи од сите Балкански земји, како и Словачка, Украина Казахстан, Чешка, Полска, Австрија и др. Инаку, Михаела бешее најмалиот учесник на овој фестивал, а покрај ученичка во ООУ “Климент Охридски”, таа посетува и настава во Музичкото училиште ,, Ордан Михајлоски Оцка.

Честитки за големиот успех и желби за уште поголеми достигнувања во иднина!

Македонија

Велешанецот кој прегази девојче бил пијан, еве за КОИ ДЕЛА ќе одговара!

Јавен обвинител од Основното јавно обвинителство Велес донесе Наредба за спроведување истражна постапка против 29-годишен велешанец за кого постои основано сомнение дека сторил кривично дело – Тешки дела против безбедноста на луѓето и имотот во сообраќајот согласно член 300 став 2 во врска со член 297 став 1, како и кривично дело – Неукажување помош на лице повредено во сообраќајна незгода од член 301 став 2 од Кривичниот законик, соопшти вечерва Јавното обвинителство на Македонија.

Осомниченото лице денеска беше лишено од слобода, а надлежниот јавен обвинител вечерва до Основниот суд во Велес доставил предлог за определување мерка притвор со цел да се обезбеди неговото присуство и непреченото одвивање на кривичната постапка.​

-Како учесник во сообраќајот, осомничениот на 17 декември под дејство на алкохол управувал автомобил „мерцедес“ со велешки регистарски ознаки. На улицата „Борис Трајковски“ во Велес, приоѓајќи на обележан пешачки премин, тој не го управувал возилото со соодветна брзина која дозволува да запре во случај на потреба и не обрнал внимание на пешаците – мајка и ќерка кои во тој момент поминувале на пешачкиот премин. Со автомобилот тој удрил во мајката која паднала на земја и се здобила со телесна повреда – отворена рана на челото и во 11-годишното девојче кое од ударот било исфрлено десетина метри напред кон следниот пешачки премин, паднало и се здобило со тешки телесни повреди од кои починало на лице место. По несреќата, осомничениот не застанал да им укаже помош, туку продолжил со несмалена брзина да се движи кон населбата Превалец, стои во соопштението од Јавното обвинителство.