Tag Archives: Димитров

Македонија

Димитров: Оваа антимакедонска и непријателска изјава на Радев е врвен скандал!!!

Поранешниот шеф на македонската дипломатија, Никола Димитров, смета дека денешната изјава на бугарскиот претседател Румен Радев за македонскиот идентитет е е дрска, безобразна и непристојна.

Да се тврди дека нечиј идентитет е вештачки, фалсификат, е неписмено. Сите нации на светот се општествени творби, општествени конструкции. Резултат на конкретен и сложен сплет на историски настани и процеси. Бидејќи тука не се работи за гените, тука се работи за чувство на заедништво. Поделбата на природни и вештачки од природните науки оттука е неприменлива во овој контекст, вели Димитров.

За поранешниот министер, изјавата на Радев е навреда и говор на омраза.

-Тоа што оваа изјава доаѓа од државниот врв во Софија е врвен скандал. Изјавата очигледно е антимакедонска и непријателска. За да зборуваме за некаква антибугарска политика кај нас, треба да зборуваме за Бугарите. Ние немаме ама баш никакво барање кон Бугарија, освен да не’ почитува. Овде се работи за нас, ние сме предмет на изјавата, како што впрочем ние сме предмет и на антиевропскиот спор. Таа се бави со македонскиот идентитет, го нарекува фалсификат на комунистичката интернационала. Ова е крајно опасен наратив, незамислив во демократска Европа. За жал, идентичен на наративот на Путин кон соседна Украина. Замислете комшии, претседател на соседна земја да ви каже дека бугарскиот идентитет ви е нечиј фалсификат. Ставете се на наше место, макар за миг, колку и тоа да ви е незамисливо. Исто толку ни е незамисливо и нам, потенцира Димитров.

Македонија

,,Ме носеа на митинзи како рок-ѕвезда, а сега со дрва и камења по мене”

Никола Димитров во вечерашното гостување во “Само вистина” изјави дека, оркестрираните напади кон него биле диригирани од еден или два партиски центри.

-Луѓето кои што носеа по митинзи, небаре бев рок-ѕвезда, истите тие сега со дрва и камења ме напаѓаат. Јас сум истиот човек, ги имам истите гледања и ставови. Ништо не е сменето. Јас сум на правиот пат. Логично е да кажам кога не се согласувам со нешто, коментира Димитров.

-Тоа што луѓето многу малку се занимаваат со тоа што го зборував, а многу со мене, потврдува дека моите предупредувања и стравување во однос на маката со Бугарија се оправдани. Кога удирате по човекот што го зборува, а игнорирате што се зборува е проблем, вели поранешниот министер и вицепремиер Никола Димитров во гостувањето на емисијата „Само вистина“ за критиките кон него.

Македонија

Димитров: Филипче дрско лаже

Вицепремиерот за евроинтеграции Никола Димитров на Алсат-М одговори на обвинувањето на министерот за здравство Филипче кој тврди дека потписникот на Преспанскиот договор не само што немал контра ставови на антиковид мерките туку дека воопшто не доаѓал во телото каде се разговарало за темата.

,,Така дрско да се лаже. Не може да се прави политика со една лага наспроти друга лага. Филипче дрско лаже. Нека ги проверат стенограмите од 97 седница на влада од август”, вели Димитров кој вели дека молчел додека бил во владата затоа што требало да се решаваат работите одвнатре.

Димитров вели дека владата се мачела со него и сакал да ги наметне своите ставови во владата.

Тој тврди дека и додека бил во владата не молчел иако досега нема случај во кој тој јавно ја критикувал власта пред да не добие место во новата влада на Ковачевски.

Македонија

„Ми падна паричето, мислете му ја“

Вицепремиерот за евроинтеграции во заминување, Никола Димитров, вечерва на својата страница на Фејсбук напиша дека му паднало паричката за Василица.

-Ми падна паричето! Мислете му ја, напиша Димитров, споделувајќи фотографија од василичарската погача.

Македонија

Димитров на заминување обвинува: Ме тргаат за да ме замолчат за Бугарија

Не си заминувам сам, туку сум сменет за да ме замолчат. Вицепремиерот за европски прашања се сомнева дека преговорите со Бугарија одат во погрешна насока и дека Владата е подготвена да попушти пред непринципиелните бугарски барања.

“Имав сериозна битка внатре особено во последната година во однос на дефинирањето на националните позиции, за суштината на самата мака, ама и за стратегијата односно за текот на самите преговори. Таа битка не беше тајна, разликите беа евидентни. Во два наврата таа битка кулминираше, јавноста тоа не го знае. Еднаш во Брисел, еднаш во Скопје. Тогаш јасно кажав дека за преку поставените граници нема да дозволам да се помине по каква било цена”, рече Димитров.

На последната прес конференција како владин функционер, Димитров посочи дека разликите меѓу неговите и ставовите на Владата, се во бугарските барања за македонскиот јазик и ветувањето за конкретни чекори, без контра отстапки од Софија.

Недовербата во постигнување на европско решение со Бугарија му ја засилува и министерот Османи.

“Да. Немам целосна доверба во Османи во однос на ова прашање… Имам чувство дека таму има еден драјв за успех по секоја цена, што мислам дека е непродуктивно и опасно”, вели Димитров.

Со цел да биде тргнат од преговарачката сцена, како што тврди Димитров, му било понудено амбасадорско место во Вашингтон кое тој го одбил. На предлог на меѓународната заедница бил и едно од имињата за наследник на Заев, но коалиционите партнери не се согласиле, со изговор дека не бил способен за партиски пазар, обелодени Димитров.

Прашан како ќе дејствува во иднина, вели дека нема намера да оформи движење или партија и дека во иднина се гледа себеси како пречка за лош договор со Бугарија.

Нарекувајќи ја Декларацијата од Софија нецивилизиран документ, Димитров вели дека има уште нешто со што не се согласува со Владата – решавањето на спорот да се ограничи со временска рамка, а смета и дека за секое конечно решение, Собранието треба да има последен збор.

Никола Димитров ја напушта владата по четири години и седум месеци. Во последните година и половина беше вицепремиер за европски прашања, а над три години претходно беше шеф на македонската дипломатија.

Тој е потписник на Преспанскиот договор, со кој во јуни 2018-та Македонија го реши спорот со Грција, што подоцна овозможи полноправно членство во НАТО.

Македонија

Димитров и Османи се спукаа, Бујар одговори: Да бидеме фер

Министерот за надворешни работи, Бујар Османи преку статус на Фејсбук му одговори на вицепремиерот за интеграции во заминување, Никола Димитров на прозивките дека тој по секоја цена сака да се реши спорот со Бугарија.

-Пред нас во формирање е еден нов политички моментум создаден преку новите мандати на Владите во двете земји. Граѓаните очекуваат од нас да ја искористиме оваа нова политичка иницијатива за да ја зајакнеме довербата меѓу двете Влади и меѓу двете држави. За оваа и јас лично, но и Министерството за надворешни работи, е во постојана комуникација и со Работната група во Владата, и со актуелниот Премиер, а консултациите правиме и со новиот Мандатар кој очекуваме наскоро да ја преземе функцијата.


Резултат на оваа активност е веќе договорената посета на високата владина делегација предводена од Премиерот Петков на Скопје на 18 јануари, а во постојана комуникација со нашите колеги од Бугарија, веќе работиме да постигнеме согласност за одржување и на заедничка седница на двете Влади само една недела подоцна, или на 25 јануари, вели Османи.

Ги повикувам јавно сите колеги, сегашни и поранешни, да покажеме доблест и фер однос едни кон други, да го задржиме нивото и довербата кои долги години и меѓусебно ги градевме, напиша на социјалните мрежи министерот за надворешни работи, Бујар Османи, како реакција на денешната изјава на Никола Димитров кој рече дека нема доверба во министерот зошто тој сака спорот со Бугарија да го реши по секоја цена.

„Моите лични позиции, како Министер за надворешни работи и како човек апсолутно соодветствуваат со државните позиции кои како Влада активно ги застапуваме, и тоа: и кога заеднички ги градевме државните интереси при создавањето на Договорот од Преспа; и кога заеднички го создававме Договорот за пријателство со Бугарија; а и сега, кога повторно разговараме за надминување на разликите со нашите соседи“, се наведува во реакцијата на Османи.

Македонија

Димитров: Нема историски доказ за постоење македонски народ, македонска држава и дека Самоил бил македонски цар

Политичарите се секогаш на потег кога во прашање билатералните односи. Историјата влијае насекаде, историјата дава аргументи, им помага на политичарите да ги разберат корените на современите проблеми, но тие не се оние коишто ги одредуваат односите. Целата одговорност е на политичарите, вели претседателот на бугарскиот тим во заедничката македонско-бугарска комисија, Ангел Димитров.

Во изјава за БНТ, тој вели дека бугарската позиција е совршено јасна, а друго е прашањето колку добро е претставена и кој како сака да ја разбере.

Запрашан дали комуницираат со новите политички субјекти, Димитров посочува дека „со политичарите, сега не, особено со новите, бидејќи тие се зафатени со своја работа со цел да се формираат како идни одговорни фигури во државата“.

„Република Северна Македонија не покажува подготвеност да работи врз база на историски принципи, на наука и историја. За нив тоа е лизгав терен. Нема ниту еден историски доказ којшто говори за постоење на македонски народ, македонска држава и дека Самоил бил македонски цар“, изјавил Димитров.

Говорејќи за македонско-бугарските односи, тој вели дека „едвај имало држава која повеќе од Бугарија сакала Северна Македонија да влезе во ЕУ“.

„Но, секогаш има едно големо ‘но‘ кое што зависи од подготвеноста на земјата кандидата. Би сакал да кажам дека Северна Македонија е подготвена да ги започне преговорите, но не гледам основа за тоа“, објаснува Димитров.

Запрашан за иднината на заедничката македонско-бугарска комисија дека колку и да изгледа непродуктивна, го привлекува вниманието на јавноста и во двете држави.

„Прашањето ги интересира граѓаните, а комисијата е показател за состојбата во билатералните односи“, изјави Димитров.

Тој најави дека в четврток и в петок ќе се одржи следната седница на заедничката историска комисија.

„Ќе разговараме за тоа за што разговараме веќе пет седници по ред. Заглавивме во 10-11 век, крајот на Првото бугарско царство, времето на Цар Самоил и неговите наследници. Не остана време за зборуваме за заедничкото чествување на двете држави на Гоце Делчев“, изјавил Димитров.

МКД.мк

Македонија

Ковачев за Димитров: Бесрамно ЛАЖЕТЕ! Браните дискриминација на СТОТИЦИ ИЛЈАДИ Бугари во Македонија!

Бугарскиот европратеник Андреј Ковачев остро го критикуваше однесувањето на македонскиот вицепремиер и министер за европски прашања Никола Димитров, кој вчера ја обвини Бугарија за непријателска политика кон неговата земја.

Во обраќањето вчера на есенската сесија на Парламентарното собрание на Советот на Европа (ПССЕ) во Стразбур, Димитров го рече дека „бугарската политика кон Македонија не е во корист на пријателство, туку на антагонизмот … Немаме поплаки за дискриминација …, ниту жалба до Европскиот суд за човекови права … Не знам кои се овие обвинувања, за кои во бугарското општество зборуваат бугарските политичари”, рече Димитров, цитира БГНЕС.

ННикола Димитров, очигледно ги браните оние што го уништуваат мајчиниот јазик на стотици илјади Бугари од Македонија! Ја продолжувате политиката на културен етноцид што започна во 1945 година”, рече Ковачев.

Лажете најбезобразно и бесрамно дека немало дискриминација кон оние кои отворено се декларираа како Бугари. Тие се предмет на закани, навреди и малтретирање.

Тоа се стотици илјади граѓани! Колку Бугари (кои отврорено се декларираат) има во државната администрација? НУЛА !!!

Колку Срби има? Не ви прави чест да лажете најбесрамно! “, вели Андреј Ковачев.

Македонија

Дpaма во Брисел: Димитров МОЛЧЕЛ дури 16 секунди во знак на peволт

Со 16 секунди молк за 16-те години потрошени како земја кандидат за членство во ЕУ, вицепремиерот Никола Димитров го почна својот говор пред Парламентарното собрание на Советот на Европа, каде се обрати како специјален гостин на есенската сесија.

„Не си ја заборавив мислата, ова беа 16 секунди, што се видоа долги, па можете да доловите колку долги изгледаат 16-те години за мојата земја што од 2005-та е кандидат за членство. Во 21-от век во Европа, прашањето на мојот мајчин јазик не смее да биде во судир со напредокот на државата кон членство. Не, ако Европа е континент каде се почитува културната и јазична шареноликост, како што стои во Лисабонскиот договор. Кој сум јас и каков јазик зборувам не се прашања на кои може да се дозволи кој било друг да има право на збор. Тоа е лично мое прашање. Во една демократија, твојата држава не може да ти каже како се чувствуваш, а камоли некоја друга земја или организација.” – порача Димитров.

Вицепремиерот истакна дека секој компромис доаѓа со политичка цена што се плаќа дома, но оти мислата – водилка на вистинските лидери не се идните избори, туку идните генерации. Токму затоа, истакна Димитров, компромисите направени од страна на Северна Македонија, значат заземање на вистинското место во историјата, но газење врз правото на самоопределување во ниеден случај не може да биде дел од компромис, оти е спротивно на самата европска идеја:

„Западниот Балкан е составен дел на Европа, без европската перспектива е како соба во куќата што е отсечена од домаќинството и затоа пристапувањето во ЕУ е задача на регионот, но и задача на ЕУ и подразбира заемна одговорност. Европското неисполнување на ветувањата кон регионот го урива кредибилитетот на Унијата, а со тоа удира кон прогресивните сили, се дава сила на националистите, а довербата на граѓаните опаѓа. Европа не смее да си дозволи да го изгуби регионот бидејќи единствената одржлива визија за иднината на овие земји е европската. Војните од деведесеттите години на Балканот се цивилизациски пораз за нашиот континент. Живееме во време кога темелите на светскиот поредок се разнишани и непредвидливи, регионот е место на судир на различни геополитички сили. Европа треба да размисли дали повеќе ќе ја чини инвестицијата во интеграција на Западниот Балкан или цената што ќе се плати со изоставување на регионот”, истакна Димитров.

Инфо +, Македонија

На денот на РАМковниот договор, Димитров си го скршил РАМото – 48 години не се исти како 20

Вицепремиерот за европски прашања Никола Димитров на денот на Рамковниот договор го скршил рамото. па нашиша дека 48 години сепак не биле исто што и 20.

„Огромна благодарност до хирурзите, анестезиолозите, медицинските сестри, болничарите и целиот прекрасен и посветен тим на ортопедија, ургентен, траума и карил (Тоарилуц) што се погрижија скршеницата на моето рамо да биде само една голема лекција за во иднина. 48 години сепак не биле исто што и 20“, вели Димитров.