Навидум Несекојдневна случка на скијачката патека во Маврово, не се случила таму како што е на објавата од Професорот 🙂
Но, на видеото вистина е дека наместо рекреација забава и уживање во снегот, двајца бордери доживеале голема непријатност на стазата за скијање и бордање.
Бордери неочекувано биле нападнати од дива свиња.За среќа момчињата успеале да се одбранат од нападот на дивата свиња користејќи ги даските за бордање како штит.
Жител на село Долни Дисан починал денеска од повреди од дива свиња кон која пукал, а не ја погодил, потврдија за МИА од Министерството за внатрешни работи.
– Во СВР Велес е пријавено дека околу 8 часот во близина на селото Вешје-Неготино, при лов на дива свиња, Т. Т. (1971) од село Долни Дисан, испукал еден куршум кон дива свиња, но не успеал да ја погоди, пo што таа го нападнала нанесувајќи му повреди, по што тој починал на лице место, појаснуваат од МВР.
Млада дива свиња денеска ги растревожи посетителите во делчевскиот Детски парк во населбата Ново Делчево. Свињата прва ја забележала делчевката Розета Сугарева која случајот го пријавила во полиција, од каде поради ненадлежност за случајот добила насока да се обрати до шинтерска служба или Ловно друштво.
Случката ја потврдија и родители кои со своите деца го посетија Детскиот парк во Ново Делчево.
-Само што стасавме и се паркиравме прасето беше овде кај лулашките. Кога ги виде децата избега некој од присутните рече најверојатно кон реката. Имаше околу 40-50 килограми, не правеше проблеми изгледаше повеќе уплашено, истакна родител на едно од децата кои си играа во паркот.
Ваквата појава според родителот е невообичаена, бидејки порано немало вакви случаи во градот да се шетаат диви свињи.
-Чудно во последно време ја имаа таа појава. Мислам дека тоа е така бидејки ги има во поголем број во шумите и затоа се спуштаат во градските подрачја, додава родителот од Делчево.
Постарите жители кои ги затекнавме во паркот се осврнаа и на неодамнешниот случај за присуството на мечка која била забележана во атарот на неколку села.
-Тоа со мечката е така, бидејки тие диви животни се движат онаму каде нема луѓе, а бидејки во повеќето наши села веќе нема жители, се случува да се симнат од повисоките места и да уништат пчеларници како што тоа беше случај во селото Киселица и на неколку други места, истакна Драган Димитровски од Делчево.
Велат дека ваквите појави и понатаму ќе бидат забележливи во селските средини особено во селата каде повеќе не живеат луѓе.
