Tag Archives: Хаг

Свет

Поранешен советник на Путин: Хашкиот трибунал е глупав

Сергеј Марков, поранешен советник и портпарол на рускиот претседател Владимир Путин, ја коментираше хашката потерница за апсење на Путин поради, како што соопшти Меѓународниот кривичен суд, илегалната депортација на деца од Украина.

„Меѓународниот кривичен суд е неодговорен и глупав“, рече Марков. „Политиката на руската влада е да ги спасува децата, а не да ги краде децата“, додаде тој.

Марков тврди дека децата не биле депортирани, туку се преселиле внатре во Русија бидејќи Украина е дел од руска територија.

„На родителите им е дозволено да ги посетуваат своите деца секоја недела“, додаде тој.

Тој рече дека очекува повеќе обвинувања од судот во Хаг „бидејќи е под целосна контрола на Европската унија, која ќе продолжи да шири лажни вести“.

Инаку, поранешниот советник на Путин го обвини Киев за воени злосторства без притоа да обезбеди никакви докази за тоа.

Свет

ЗАХАРОВА ЗА АПСЕЊЕТО НА ПУТИН: Одлуката на судот во Хаг нема никакво значење за Русија!

Портпаролката на Министерството за надворешни работи на Русија, Марија Захарова, на својот Телеграм канал веднаш ја коментираше веста за издавање налог за апсење на рускиот претседател Владимир Путин и детскиот правобранител Марија Лвова-Белова.

Таа изјави дека наредбата на Меѓународниот кривичен суд нема правно значење за Руската Федерација.

„Одлуките на Меѓународниот кривичен суд немаат никакво значење за нашата земја, вклучително и од правен аспект“, напиша таа на нејзиниот канал Телеграм.

„Русија не е потписник на Римскиот статут на Меѓународниот кривичен суд и не сноси никакви обврски според него. Русија не соработува со ова тело, а можните „рецепти“ за апсење кои доаѓаат од Меѓународниот суд ќе бидат правно ништовни за нас. “, нагласи таа.

Македонија

Ахмети: НЕ ОТИДОВ ВО ХАГ затоа што борбата ми беше ПРАВЕДНА

Ајде вечерва да разговараме и да видиме што сме направиле, што сè уште не сме направиле и што треба да направиме. Вечерва сме тука по речиси тринеделни средби. Ајде да докажеме дека стоиме зад мирот и младите, нема да го напуштам бродот без да ја ставам ДУИ на реформскиот пат, изјави во Желино лидерот на ДУИ Али Ахмети.

Јас сум за младината, да ја поддржиме и да останеме силни затоа што само со поддршка од заслужените луѓе може да ги водиме процесите напред. Помина времето на квантитетот, денес ни треба квалитет. Денеска треба да видиме како треба да постапиме, бидејќи Европа не не прифаќа без стандарди. ДУИ е добро организирана и  етаблирана партија, така што оваа партија е наше национално богатство. ДУИ е крвта на затворените, мртвите Албанци, тоа е дело на интелектуалците, затоа сите идеалисти и мисионери  застанаа покрај нас, инвестираа и инвестираат, а секако да не ја заборавиме и жртвата на нашиот народ. Посветени сме на мирот, стабилноста, развиената економија, борбата против криминалот и корупцијата како и  ефикасната администрација. Албанеците денес се одлучувачки фактор во државата.  Бујар не претставува во ОБСЕ, Фатмир не прави горди со Светска банка, Насер, Крешник и Артан… колку повеќе инсталираме вредности, толку повеќе непријатели се создаваат. Ова не му се допаѓа на Мицкоски и знам зошто, не отидов во Хаг затоа што борбата ми беше праведна, па нека не ми одговара со калаш. Тој ја гледал војната само на телевизија, додека јас сум потпишал меѓународни договори.

Тој праша зошто инвестирале во стабилност?

Придонесовме за решавање на спорот со името, преговораме  со ЕУ со единствена цел на овој регион да му ја загарантираме мирот и стабилноста. Времињата се променети, не треба да ги повторуваме трагедиите, туку треба да размислуваме за нови можности. Имаме рани кои не зараснуваат така лесно, многу луѓе загинаа за оваа земја, но одмаздата не е решение. Косово мора да најде решение со Србија, бидејќи во овие времиња Русија е заинтересирана за крвопролевање и конфликти. Градејќи го проеропскиот фронт се приклучуваме кон прогресивни процеси, кон нови стандарди, така што ниту Мицкоски ниту Албанците кои работат покрај Мицкоски не можат да го спречат ова затоа што ние сме за напредок, а не за уназадување. Членството во ЕУ ја запира имиграцијата, ја зајакнува економијата, платите и животниот стандард, така што членството во ЕУ дефинитивно мора да се случи, бидејќи ова е наша заедничка жртва за да постигнеме успех, изјави Ахмети

Македонија

Ахмети бара слобода за Хашим Тачи и другите членови на УЧК обвинети во Хаг

Лидерот на ДУИ, Али Ахмети, на социјалните мрежи побара слобода за Хашим Тачи и останати борци од УЧК кои се во притвор во Хаг.

Како што порачува Ахмети, поранешниот лидер на ОВК, Хашим Тачи и борците, Реџеп Селими, Кадри Весели и Јакуп Красниќи неправедно се оддалечени од нивните домови.

Длабоко сум убеден дека правдата ќе триумфира и овој пат со сите аргументи и дека ќе се докаже невиноста на лидерите на УЧК и чистата војна на албанскиот народ кој е автохтон во своите земји, се вели во објавата на Ахмети.

Инфо +

Живо сведоштво на апсењето на Младиќ: „Кој сте вие?“ „Јас сум тој што го барате! Каде е Американецот?“

Сведок од апсењето на Ратко Младиќ Ненад Јовчиќ (72) за Новости раскажува како изгледале последните минути на слобода на генералот.

Непосредно пред апсењето генералот Младиќ престојувал во куќата на неговиот роднина Бранислав Младиќ во Лазарево, а Јовчиќ утрото случајно се затекнал во овоштарникот и живо ги следел последните мигови на слобода на Младиќ.

Каде е Американецот?

Во еден момент по влегувањето на полицијата, генералот му се обратил на еден полицаец:

РМ: А кај ти е АМериканецот, поради кого морате сево ова да го правите?

П: Нема овде Американци, одговорил тој.

РМ: Има, има, без нив овде ништо не се случува, искоментирал генералот.

Било пет часот наутро. Од прозорецот од својата соба генералот мирно гледал како доаѓа полицијата, а на масаа покрај него имало два наполнети пиштоли. Полицијата влегла во куќата рано изутрина, во пет часот. Прв влегол вооружен полицаец во цивил. Ја отворил вратата од собата во која бил генералот.

Кој сте вие, прашал полицаецот малку збунето.

Јас сум тој што го барате, одговорил Младиќ смирено.

Младиќ не се обидел да го сокрие идентитетот. Му покажал лична карта со истечена важност. Имал паричник со фотографии од семејството, околу 1.500 динари и неколку долари. Сакал паричникот да му го остави на роднината, но не му било дозволено. Тогаш извадил прстен, им го дал на полицајците за да ѝ го дадат на неговата жена.

Додека траел претресот во куќата, тој бил во дворот, кој почнал да се полни со народ од Лазарево. Разговарал со полицајците, за неговата ќерќа, неговото детство и за неговата мајка. Младиќ зборувал мирно и течно за патриотизмот, за Косово и Метохија, за Србија, раскажува Јочовиќ.

Кажал дека размислувал и да се самоубие.

Можев и да се самоубијам, но не го сторив тоа а знам и поради кого, рекол Младиќ, мислејќи на страдањата на своето семејство и дека не заслужиле да им направи таков нешто.

Сведокот Јочовиќ жали што има вакви спомени, кои ги чувствува како товар што ќе го носи до грбот.

Целиот текст и фотографии на Новисти