Tag Archives: хомосексуалност

Македонија

Демократска партија на Турците: Со промена на пол кај нотар, ќе може да склучуваат хомосексуални бракови

Како Демократска Партија на Турците на Македонија (ТДП), уште еднаш чувствуваме потреба да ја информираме јавноста околу предлог измената на законот за матична евиденција која е во собраниска процедура. Законот за измени и дополнување на законот за матична евиденција, кој две години по ред беше на дневен ред во собранието и беше симнат од дневен ред по интервенцијата на нашиот Претседател и Пратеник Др. Бејџан Илјас, дефинитивно е неприфатлив предлог за нашата партија и за нашите членови, велат преку соопштение од паеријата.Добивај вести на вибер

Со промената на законот се дава право на граѓаните да го сменат својот пол само со изјава заверена на нотар, што во иднина ќе им овозможи и со промена на полот во личната карта да склучуваат и хомосексуални бракови.

Поради овие причини јасно и недвосмислено им пренесуваме на тие кои го предлагаат овој предлог на закон и на оние кои ги поддржуваат овој и слични законски измени, дека како ТДП и како Турци кои живеат во нашата земја, категорично ќе се спротивставиме кон истите.

Ние сме длабоко убедени дека манипулацијата со биолошкиот пол, кој е создаден природно, со цел да се поддржи традиционалната семејна структура на нашето општество, е многу опасен предизвик за нашите идни генерации.

Како граѓани Турци на Република Северна Македонија, со голема почит ја информираме јавноста и објавуваме дека секогаш ќе стоиме против вакви и слични иницијативи кои се во спротивност со нашата традиционална семејна структура и нашите духовни вредности, пишува во соопштението од Демократската партија на Турците.

Свет

ПАПАТА: Хомосексуалноста не е криминална, но е грев ….

Папата Фрањо ги критикуваше законите кои ја забрануваат хомосексуалноста, додавајќи дека Господ ги сака сите свои деца такви какви што се. Тој исто така ги повика католичките свештеници кои ги поддржуваат ваквите закони да примаат ЛГБТ луѓето во црквата – пренесува ЕлЏезеира.

„Да се биде хомосексуалец не е злосторство“, кажа папата во интервјуто за агенцијата АП.

Тој призна дека католичките свештеници во некои делови од светот ги поддржуваат законите кои ја криминализираат хомосексуалноста или ја дискриминираат ЛГБТ заедницата. Таквите ставови ги припиша на културните средини и рече дека свештениците треба да поминат низ процес на промена за да се признае сечие достоинство.

„Тие свештеници треба да поминат низ процес на преобраќање. Треба да применуваат нежност, каков што е Господ кон сите нас“, кажа папата.

Истополовите сексуални активности се сметаат за кривично дело во 67 држави низ светот, а во 11 се казнуваат со смртна казна.

„Таквите закони се неправедни и Католичката црква може и би требала да работи на нивното укинување. Тоа мора да се направи. Сите сме деца на Господ и Господ сите ги сака такви какви што се“, кажа Фрањо.

Тој додаде дека мора да се направи разлика помеѓу злосторство и грев кога се зборува за хомосексуалноста.

„Таа не е злосторство, но е грев. Добро, но прво мора да направиме разлика помеѓу злосторство и грев. Грев е и да немате милосрдие еден со друг“.

Свет

Амбасадорот на СП во Катар ГО ШОКИРАШЕ СВЕТОТ: „ХОМОСЕКСУАЛЦИТЕ имаат ПСИХИЧКИ ПРОБЛЕМ, тоа е ГРЕВ“

Амбасадорот на Светското првенство во Катар, Калид Салман, две недели пред почетокот, во изјава за германскиот јавен сервис ЗДФ ја окарактеризирал хомосексуалноста како грев – пренесуваат CNN И The Guardian.

Во интервјуто за документарниот филм наречен „Тајниот Катар“ тој рекол дека „многу работи ќе дојдат во неговата земја“ и почнал да зборува за хомосексуалците. Поранешниот фудбалер додал дека сите ќе можат да дојдат во Катар, но дека ќе мора да ги почитуваат правилата на земјата.

„Имам проблем, пред сè, што децата ќе гледаат хомосексуалци. Ќе научат нешто што не е добро. Хомосексуалноста е харам (грев) и е забранета“, потенцира Салман.

Тој смета дека хомосексуалците имаат „ментален проблем“. Потоа, портпаролот на СП го прекинал интервјуто, велат од ЗДФ пред денешното емитување на таа изјава.

Хомосексуалноста во Катар е забранета и може да биде казнета со седум години затвор.

Инфо +

Од 1-ви септември основците ќе учат дека е нормално да фантазираат за лица од ист пол и дека хомосексуалноста не е болест?

Прирачник стар 8 години, направен од невладината „ХЕРА“ од каде доаѓа министерката за образование Мила Царовска, е водичот за наставниците од кој тие ќе треба да предаваат сексуално образование од септември, дознава Алфа. Темите се мастурбација, хомосексуалност, бисексуалност и многу други за кои нема поширока дискусија во јавноста меѓу експертите и родителите. Напишан е на 200 страници а издаден е во 2014 година.

-Дали хомосексуалноста е болест?

Хомосексуалноста не е болест. Несигурноста или непријатноста за сопствените сексуални чувства може да предизвика анксиозност и стрес, па дури да дојде и до физички проблеми, како, на пример, несоница, гадење и главоболка. Од 1990 година хомосексуалноста не е на листата на ментални нарушувања, стои на страна 179 од прирачникот.

И не само тоа, внатре се одговара на прашања, за што е нормално да размислуваат основците. -Дали е нормално понекогаш во мислите, соништата или фантазиите на хетеросексуалец/ хетеросексуалка да се појавува лице од ист пол и обратно – кај хомосексуалец/хомосексуалка да се појавува лице од спротивен пол?

Да, нормално е да се мечтае за лице од ист или од различен пол и тоа не значи дека некој е дефинитивно хомосексуалец/ хомосексуалка или хетеросексуалец/хетеросексуалка. Кога се има и сексуална и емоционална привлечност кон ист пол, тогаш станува збор за хомосексуалност, а имање само фантазии или сексуален однос со ист пол не значи дека лицето мора да е дефинитивно хомосексуалец/хомосексуалка, се вели на страна 182.

ТВ Алфа побарала одговор зошто ќе се учи од овој прирачник од „ХЕРА“ но без да образложат, топката ја префрлија во Бирото за развој на образованието. Од таму одговор нема.

Инфо +

Унгарија усвои Закон со кој се забpaнyвa на децата да им се промовира xoмоceкcyалност

Унгарските пратеници усвоија закон кој забранува на децата да им се промовираат хомосексуалност или промена на пол, за што поддржувачите велат дека ќе помогне во борбата против педофилија, додека противниците сметаат дека е дискриминација на ЛГБТ заедницата.

Фидес, конзервативната партија на премиерот Виктор Орбан, го предложи законот, кој е последен начин за ускратување на правата на припадниците на ЛГБТ заедницата во оваа земја.

Парламентот го усвои законот со само еден глас против, но опозициските партии го бојкотираа гласањето. Мерката ја осудија и групите за човекови права, при што некои го споредија со законот против таканаречената геј пропаганда во Русија, усвоен во 2013.

Илјадници ЛГБТ активисти и други одржаа протест во Будимпешта вчера, што беше неуспешен обид да се спречи донесувањето на законот.

Инфо +

„Не ни ги чепкајте децата!“ -Oрбан сака во училиштата да забрани промовирање на промена на полот и хомосексуалност

Унгарската владејачка партија Фидес предложи закон за забрана на ширење на содржина, за која вели дека промовира промена на полот или сексуалноста во училиштата, што критичарите го сметаат за потег што потсетува на рускиот закон за „геј пропаганда“ од 2013 година. Со изборите на почетокот на 2022 година и промовирање на силнa христијанскo-конзервативна агенда, од минатата година се сврте посилно против ЛГБТ + заедницата.

Полската владејачка партија ПиС, главниот сојузник на Фидес во Европската унија, зазема сличен став со години.

Неодамнешниот амандман на пратениците на Фидес во предложениот закон за казнување на педофилијата вели дека на децата под 18 години не треба да им се покажува порнографска содржина или каква било содржина што промовира промена на полот или хомосексуалност. Ова исто така важи и за рекламирање, се наведува во законот.

Исто така се предлага да се направи список на организации кои ќе бидат единствените што ќе имаат право да одржуваат предавања за сексуално образование во училиштата.

– Новиот закон предложен од Фидес сериозно ќе ги ограничи слободата на говорот и правата на децата, рече Хетер, ЛГБТК група, во изјавата споредувајќи го предлогот со рускиот закон за геј пропаганда. Хетер и шест други здруженија го повикаа Фидес да го повлече законот од постапката, за кој ќе се гласа следната недела. Во Унгарија, бракот се дефинира како заедница на маж и жена, а само хетеросексуалните парови можат законски да посвојуваат деца.

Минатата година, Унгарија забрани регистрација на промена на полот во матичните канцеларии и го укина законското признавање на родовиот идентитет на трансродовите лица. Одлуката важеше и ретроактивно за лица кои веќе го смениле полот, што годинава беше прогласено за неуставно од Уставниот суд.

Тој вчера на обраќањето во однос на новиот закон порача „да не се чепкаат децата во училиштата“ од разните пропаганди кои доаѓаат за промена на полот и хомосексуалноста.

Забава

Гapванлиев пак се пoжaли: Teшко било да си хомосексуалец во Македонија

Во интервју за британскиот магазин „Attitude“ македонскиот претставник на „Евровизија“ Васил Гарванлиев вели дека да се биде хомосексуалец е веројатно најмалку интересната работа за него, но и дека му е тешко да се зборува на таа тема.

Роден сум и пораснат во Македонија каде што дефинитивно не е во ред да се биде геј или било што од тоа, вели тој.

Според Гарванлиев, мнозинството од модерните ЛГБТИ сцени во земјата остануваат скриени или тајни.

Секогаш кога ќе се вратев дома, на Балканот, во Македонија, чувствував потреба да ставам маска. Сочувствувам толку многу со сите кои живеат во страв од пресуда, дискриминација, неправда, малтретирање, изјавил Гарванлиев за „Attitude“.

Целото интервју тука