Tag Archives: Клиника

Македонија

СП: Зелени банкноти, скапоцен накит и канти сирење: Што плаќале Пациенти на Онкологија?

подароци, се! И тоа да се обелодени, дека на Онкологија се зема мито“, изјави М.М за „Слободен печат“.

Нејзината мајка починала од канцер на белите дробови, но според кажувања на ќерката, вечерта пред смртта во болницата немало дежурен доктор и немало кој да ѝ препише лек за намалување на болките на жената.

-Имаше мајка ми многу болки вечерта пред да почине. Отиде сестра ми на Онкологија и таму немаше дежурен доктор. Не можеа да ѝ препишат лек за болки. Немаше доктор, отидовме во аптека и ни рекоа нема шанса да ни го дадат тој лек без рецепт од доктор. Како може таму да нема дежурен доктор и мајка ми да умира во најтешки болки?, прашува ќерката на пациентката.

Таа додава дека пред канцеларијата на директорот имало редица пациенти кои чекале и молеле за неговиот потпис, бидејќи од него зависело дали ќе добијат биолошка терапија. Тоа го констатира и извештајот на државниот ревизор според кој немало критериум за делење на оваа терапија. Кога доктор Виолета Клисаровска стана директорка на Онкологија, првото нешто што го направи беше воведување на стручен конзилиум при што 12 специјалисти, раководители на одделенија заеднички реферираат и одлучуваат кој пациент ќе ја добие оваа скапа терапија.

Цел текhttps://www.slobodenpecat.mk/zeleni-banknoti-skapocen-nakit-i-kanti-sirenje-pacienti-na-onkologija-plakjale-za-poslednata-nadezh/?fbclid=IwAR2oPd3TOyP2gg_OTbIqyZ6NKkwdjs-YkmSnBhVsIJqQ1OhDA2U9eHtNHuYст

Македонија

(Видео) Пациент кој боледува од рак со солзи во очите пред Онкологија: „Греота е ова што го прават на народот“

Video

Велешанецот Ване, кој првично имал дијагноза рак на дебело црево кој се проширил и на белите дробови и црниот дроб, пред камерите на „Канал 5 ТВ“ раскажа што чувствува откако дознал дека полицијата влезе на Онкологија и собира документи за да може да се потврдат сомнежите и наводите дека дел од лековите за болните се краделе и се препродавале на црно.

„Верувам дека знаат, тоа е гребење, по коските, по нервите, не го доживеале, греота е ова што го прават на народот“, раскажал Ване со солзи во очите.

Тој, иако има само пофални зборови за неговата докторка онколог, вели дека одамна е загубена довербата во здравството.

Со Ване денеска пред Онкологија имаше редица пациенти и нивни блиски, кои велат дека ако се даваат раствори наместо лек, зошто да чекаат со часови и да молат за лек.

Помладите пак, велат дека не знаат што да очекуваат кога не се сигурни дали се тие терапии оние кои ги примале.

https://youtu.be/RP4T5-Ycprk

Македонија

„Како само можевте да ги гледате в очи знаејќи дека ги убивате“, „Овој срам никогаш нема да си го испереме!“

Поради случувањата на Клиниката за онкологија по објавите на неделникот „Фокус“ дека на пациентите им биле давани физиолошки раствори, а скапите лекови против канцерогените заболувања завршувале на црниот пазар, на социјалните мрежи со свој став излегоа доктори згрозени од целиот случај.

Македонија

Медицинските сестри биле клучни: Зошто Клиниката за Онкологија ѝ даде втора шанса на сестрата која крадеше цитостатици?

Mедицинска сестра од Клиниката за радиотерапија и онкологија пред шест месеци беше фатена во кражба на цитостатици, но не ѝ било првпат. После дисциплинската постапка во минатиот случај кога била фатена во кражба на скапите и животоспасувачки медикаменти, не само што не и била одземена лиценцата за работа, туку таа била вратена на работа.

За овој случај пред шест месеци пишуваше „Слободен печат“, според чии извори од Клиниката, неколку месеци во 2020 година медицинската сестра поминала надвор од болницата, затоа што против неа поведена била дисциплинска постапка за украдени ампули, но во екот на ковид пандемијата била вратена на работа и тоа во истиот оддел, во дневната болница каде ги вршела кражбите. Првиот пат, кај неа пронајдени биле ампули Доксорубицин, а вториот пат различни типови на ампули цитостатици, околу 20 на број.

Здравје

Малата Дуа – бебе родено во Скопје тешко само 520 грама, си замина дома по 131 ден поминат на Гинекологија

По 131 ден поминат на ЈЗУ Клиника за гинекологија и акушерство – Скопје, малата Дуа со солзи радосници е испратена дома, објавија од државната Клиника.

Како што информираат, Дуа се родила на 12 март во 24-та гестациска недела, со само 520 грама и по повеќе од 4 месеци престој на Одделението за интензивна нега и терапија (ОИНТ), ектремното прематурче си замина како здраво бебе со тежина од 1890 грама.

„Дуа како вистинска мала дама си замина во фустан од нашата клиника и си отиде со мама и тато во Кичево, кои се пресреќни што конечно нивното прво бебе ќе си го гушкаат во својот дом. Малата Дуа, еден од нашите најголеми борци, овие 4 месеци и 11 дена секојдневно ја добиваше медицинската нега и безграничната љубов од педијатрите, медицинските сестри и од целиот персонал на ОИНТ, кои посветено се бореа заедно со неа“, соопштија од Клиниката, посакувајќи и многу здравје и среќно и безгрижно детство.

Македонија, Скопје

Трагедија на скопска Гинекологија, родилка се фрлила од прозорец

Синоќа 39-годишна тукушто породена мајка, според досегашните созанија, се фрлила од први кат на Клиниката за Гинекологија во Клиничкиот центар Мајка Тереза во Скопје.

Според сознанијата на Фактор, кои ги потврди и директорката на Клилниката за гинекологија, Викторија Јовановска, повредената пациентка била итно пренесена на КАРИЛ, на Одделот за неврохирургија, каде што ѝ била извршена операција, бидејќи имала тешки повреди на цервикалниот ‘рбет.

Инаку, 39-годишната пациентка, своето бебе го добила преку оплодување со инвитро методата, што покажува дека станувало збор за долгоочекувано и посакувано бебе.

„Во средата била донесена на итно породување, во 36 недела од бремениоста, а од приемот до породувањето поминале само 12 минути, што практично значи дека имала многу лесно породување“, вели за Фактор директорката на Клиниката за Гинекологија, Викторија Јовановска.

Таа родила живо и здраво новороденче од околу 2.400 грама, кое и сега е во добра здравствена состојба.

Со оглед што и мајката и бебето биле добри, за денеска се подготвувале документите за испис од болницата на пациентката и нејзиното бебе, но за жал, пациентката вчера во доцните часови скокнала од првиот кат на клиниката.

Иинформации говорат дека пациентката била сместена во соба со прозорци кои не се отвораат, но таа успеала да скокне од прозорецот во ходникот на клиниката.

Според лекарите, нејзината состојба, по итната операција, сега е тешка, и сѐ уште е рано да се каже каков ќе биде исходот од лекувањето.

Нема информации што ја натерало оваа мајка да скокне од клиниката, а според нашите консултации со лекарскиот тим, точно е дека се појавуваат извесни постпородилни депресии кај одредени мајки, но тие досега биле во многу поблага форма и никогаш немале за последица вака драматичен исход.

Македонија

ВИДЕО: Малата Ангела ја победи болеста

Video

Нека грми се од смеа и ѕвончето нека се слушне до крајот на светот, со овие зборови малата Ангела која ја победи тешката болест ја напушти Клиниката за детски болести.

Нејзината најголема поддршка беше помалото братче Дамјан, кој заедно со неа заѕвони на ѕвончето.

Бравооо, те сакаме херојке наша, пишува на видеото објавено на социјалните мрежи.

Видео:

https://fb.watch/ltloXZ0ETn/?mibextid=Nif5oz

Македонија

Д-р Јовев: Нема да се спакувам и да си заминам, затоа што цел тим ќе дојде со мене

Кардиохирургот Сашко Јовев, кој беше разрешен од функцијата директор на Клиниката за кардиологија, изјави дека веројатно има некое недоразбирање и грешка во изјавата на министерот за здравство Фатмир Меџити. Министерот рече дека Јовев е разрешен по извештајот на инспекцијата на Државниот санитарен и здравствен инспекторат (ДСЗИ). Меѓутоа, д-р Јовев во интервју за Слободен печат вели дека воопшто немало таква инспекција.

-Комисија од ДСЗИ воопшто не се појави, туку беше комисија од Министерството о за здравство. Со комисијата разгледавме 17 точки од кои постапуваме, бевме подготвени, бидејќи по тие точки секојдневно постапуваме. Едноставно да ја сфативме како редовна контрола од Министерството за здравство, не беше од ДСЗИ. Беше директно назначена од кабинетот на министерот, рече д-р Јовев.

На прашањето дали ќе си замине од Клиниката, Јовев беше дециден:

-Нема да се спакувам и да си заминам, затоа што цел тим ќе дојде со мене. Грев е да се затвори клиниката. По пресот добив многу поддршка. Добив поддршка од СДСМ, чие место е ова во Клиниката, од друга страна имам поддршка од сите колеги од ДУИ, и опозициските партии влегоа во моја одбрана, затоа што јас влегувам како професионалец, кажа д-р Јовев.

Тој најави дека ќе остане и ќе продолжи да оперира со својот тим, останал во државата и не заминал и покрај тоа што 7 години бил надвор од државата. Очекува да се разбере со министерот и ова да се исправи. Слушнал дека на повеќе колеги им било понудено директорското место во Клиниката, но сите одбиле.

Македонија

Доктор Јовев вели дека минатата недела ПО 35 ГОДИНИ ПРВ ПАТ ЗЕМАЛ БОЛЕДУВАЊЕ

Професорот д-р Сашо Јовев, кој е сменет од директорската позиција во Клиниката за кардиохирургија, посочува дека министерот за здравство Фатмир Меџити одлучил да го разреши од функцијата поради некаква протоколарна грешка за настан кој го организирала Клиниката. Тој кажа дека не излегол само тој жртва, туку и Клиниката за кардиохирургија. Според Јовев, Меџити се налутил оти доцна бил поканет.

– Во 35 години немав еден ден боледување земено. Минатата недела имав такви притисоци, што морав да се тргнам малку и да земам боледување кое денеска го прекинав поради ова. Имав притисоци дека сум направил грешка, дека грешката е во самиот протокол, при еден прекрасен настан во саботата, кога отворивме нова хибридна сала, единствена во регионот. Кога пуштивме во употреба апарат кој одржува во живот човек без срце и без бели дробови цели три месеци. Тогаш се случи, уредно да бидат поканети сите, министерот за здравство не дојде оти смета дека доцна му била дадена поканата, дека нешто порано ја добил премиерот. Јас тука не можев да се мешам, па се најдов во средината за на крајот да излезам жртва. Не излегов само јас жртва, излезе жртва Кардиохирургијата – рече докторот.

За поддршката пред Клиниката, Јовев рече дека сакале да дојдат околу 1.300 пациенти.

– Ова е само дел од поддршката, бидејќи не сакавме да ја правиме поголема и да прерасне во нешто друго и да се исполитизира ова. Ова е мојот тим кој чуда прави и кој работи 24/7, а не спие на чело со мене. Овде се некои од пациентите на кои им се направени големи операции и многу други се јавија – пациенти, колеги, пензионирани доктори, пензионери. Околу 1.300 сакаа да дојдат, им рековме да не доаѓаат. Конечно мора да победи правдината. Не сакаме да се работи по политика туку по професионалност. За она што го работиме 24/7 и за она што се жртвуваме – рече д-р Јовев.

Тој порача дека на Клиниката нема работно време, туку се работи секојдневно 24/7.

– Поддржан сум од СДСМ, но не сум партиски кадар. Заменик-министерката ме поддржа, а од премиерот не сум добил известување и сметаше дека не треба да се меша во нашата работа со министерот. Самата партија и нивните структури сериозно ми дадоа поддршка и застанаа на моја страна. Почитувани граѓани само успехот во нашата земја не се простува, па каква порака ние ќе им оставиме на младите кои ќе дојдат по нас. Универзитетската клиника за кардиохирургија под мое водство, заедно со овој едуциран, мотивиран, пожртвуван и мултиетнички тим, во последните осум години создаде ултрамодерна клиника која ги работи сите модерни процедури во кардиохирургијата, секаде во светот. Создадовме извонредна единица за интензивна нега, специјализација по кардиохирургија, усовршувања во регионот и по светот и како резултат на тоа излекувавме многу најтешки пациенти – рече д-р Сашко Јовев на прес-конференцијата која ја одржа пред Клиниката за кардиохирургија.

Адвокатот Мите Михајловски кој ја предводи групата од седум адвокати на доктор Сашо Јовев пред медиумите го коментираше решението за разрешување на неговиот клиент.

– Решението е навистина навреда за здравиот разум на сите нас. Во него стои дека за 2022 година има исплатни листи за дежурства, а дежурството не го одобрил министерот за здравство. Само тоа е причината поради која се разрешува д-р Јовев. Вчера слушнавме на телевизија дека станува збор за којзнае какви злоупотреби, а повторувам дека единствената причина се дежурствата. Јас како правник поставувам прашање, како може една ваква клиника да нема дежурства, нормално дека не може да функционира, а единствена злоупотреба е доколку министерот на дал согласност. Од далеку се гледа дека нема никаква повреда, туку нешто друго е во заднина за ова разрешување – рече адвокатот Михајловски.

Тој додаде дека ќе биде поднесена тужба против министерот, затоа што според тимот, нема никаков основ за разрешување на доктор Јовев.

Во меѓувреме и пациенти се појавија пред Клиниката за кардиохирургија и изразија поддршка за докторот. Тие посочија дека благодарение на интервенциите од Јовев, сега се живи и здрави. На протестот излегоа и вработени од Клиниката. Дел од нив, сметаат дека ваквото постапување е бркање од дома на разрешениот директор.

Македонија

Отишла на операција во комплекс клиники „Мајка Тереза“ и останала без бурма

На 19.04.2023 во 12.45 часот во СВР Скопје, А.О.(48) од Скопје пријавила дека и бил одземен накит во една од клиниките во Комплексот клиники „Мајка Тереза“, каде претходно и била извршена операција.

Се преземаат мерки за расчистување на случајот.