Tag Archives: клуб

Македонија

Нови спонзори и амбициозни цели за повраток на врвот во ракометниот свет

Повеќекратниот македонски ракометен првак Вардар веќе почна да ја добива поддршката од бизнис заедницата во Македонија, и со задоволство потврдуваме дека компанијата Бествеј Солушнс ќе биде дел од спонзорскиот тим на „црвено-црните“ во иднина.

Со тоа почнува најавениот процес на финансиска стабилизација на тимот и создавање на спонзорски тим кој во иднина треба да му помогне на Вардар да се врати на врвот, во Македонија и во Европа.

Извршниот директор на Вардар, Борко Ристовски и сопственикот на Бествеј Солушнс, Ненад Стојкоски ја офицализираа соработката, и ги најавија новите ветришта кои треба да дуваат во Вардар во иднина.

„Ни претставува огромна чест и задоволство да бидеме дел од спонзорскиот тим на двократниот европски шампион РК Вардар. Ја поздравувам идејата на клубот да ги вклучи легендите на македонскиот ракомет Борко Ристовски и Стојанче Стоилов во раководната структура на клубот. Верувам дека со оваа наша поддршка, ќе придонесеме РК Вардар да се врати каде што му е местото, а тоа е на врвот, изјави Ненад Стојкоски, сопственикот на компанијата.

Бествеј Солушнс е партнер од доверба на водечка светска платформа за iGaming. Како нивен надворешен соработник, нуди беспрекорен микс на експертиза, иновации и силна поддршка. Заедно ги редефинираат границите на успехот на динамичната iGaming индустрија. Нивниот тим на високо обучени професионалци има богато знаење и искуство во корисничка поддршка, техничка поддршка и комплексноста на оваа индустрија, што им овозможува да постигнуваат извондредни резултати за клиентите и успешно да се справат со сите предизвици кои ги носи индустријата.

Извршниот директор во клубот, Борко Ристовски најави уште нови спонзори кои треба да му помогнат на тимот во остварување на зацртаните цели.

„Благодарност до Бествеј Солушнс што ќе биде наш партнер во иднина и го препозна она што во клубот го правиме за враќање на Вардар на патот на успехот. Промените што почнаа во Вардар, и играчки и организациски, сега ги прошируваме и на другите полиња. Сигурен сум дека нашиот спонзорски тим што веќе почнавме да го создаваме ќе ни овозможи не само нормално функционирање, туку и исполнување на плановите во иднина. А тие се враќање на трофеите, враќање во европскиот ракометен крем и создавање на нови играчи. Секој почеток е тежок, но ќе ни биде многу полесно со поддршката што ја имаме од Бествеј Солушнс, и од другите спонзори што ќе додат во семејството на Вардар, изјави Борко Ристовски, извршниот директор на „црвено-црните“.

Екипата во моментов се подготвува во Маврово, по што ќе следуваат неколку контролни средби, изаминување за Струга на меѓународниот турнир „Струга 2023“. Потоа следува двомечот со Рајн Некар во квалификациите за Лига Европа.

Македонија, Спорт

Борко Ристовски нов извршен директор на Вардар

РК Вардар од денеска започнува нова ера, две ракометни легенди ја завршија кариерата, Борко Ристовски и Стојанче Стоилов, но и двајцата остануваат во клубот.

Ристовски од денеска е нов извршен директор на Црвено-црните.

„Благодарам на довербата од Михајловски. Вардар е европски бренд, најдобар македонски клуб и наша задача и цел е да го вратиме клубот на старите патеки. Јас ќе се обидам да работам најдобро што можам, подготвен сум за овој предизвик. Прва цел за новата сезона е да го стабилизираме клубот како на финансиски така и на играчки план.

До овој момент имаме потпишано со шест играчи кои тренерите сметаат дека им се потребни. Нови играчи се Стефан Петриќ, левото крило Марко Сердаровиќ, Матија Николиќ од Словенија, Косуки Јасахира, Милтон Мело и Хансен Родригез. Сите овие ќе треба да ги вклопиме во екипата. Ја возобновуваме академијата Вардар, формиравме екипи во сите младински категории и цел ни е да произведуваме млади играчи, а не само да купуваме странци, е првата изјава на Ристовски како извршен директор на Вардар.

Балкан

БУГАРИЈА ОДБИ ДА ГО РЕГИСТРИРА МАКЕДОНСКИОТ КЛУБ „НИКОЛА ВАПЦАРОВ“ ВО БЛАГОЕВГРАД

Бугарските власти одбија да го регистрираат македонското здружение „Никола Вапцаров“ кое го отвори истоимениот културен клуб во Благоевград во октомври минатата година, соопштија од клубот. Бугарската Агенција за регистрација завчера ги известила основачите на здружението дека нивното барање за регистрација е одбиено со образложение дека е неуставно.

Оваа постапка на бугарските власти е спротивна на 15-те пресуди на Европскиот суд за човекови права во Стразбур против забраната за здружување на Македонците, како и на препораката на Комитетот на министри на Советот, кој во декември ја повика Бугарија да дозволи регистрација на здруженија кои имаат за цел признавање на македонското малцинство во Бугарија.

„Македонскиот културен клуб ‘Никола Вапцаров – Благоевград’ беше отворен по приватна иницијатива на крајот на октомври годинава, а неодамна беше скршен излогот на клубот и приведени четири лица во врска со инцидентот. Целите на здружението, декларирани од клубот, се: ‘културна комуникација меѓу народите и земјите од Балканот за мир и добрососедство, како и поддршка на универзалните човекови права, вклучително и правата на лицата кои припаѓаат на малцинствата’. На 10 февруари добивме решение за одбивање на регистрацијата, што значи дека на нашето здружение му е ускратена легитимноста и е забранета“, велат од клубот „Никола Вапцаров“ во пораката до медиумите.

Забава, Спорт

Шеикот: „Дадов 200 милиони евра за Роналдо, а тој знае само Сиуууу“! (ВИДЕО)

Video

Кристијано Роналдо се уште нема постигнато гол за Ал Наср на официјален меч, па дел од сопствениците на клубот почнаа да изразуваат незадоволство од неговите настапи.

Роналдо доби историски договор од клубот од Саудиска Арабија, 200 милиони евра по сезона. Па нивните очекувања веројатно се дека Португалецот треба да прави чуда на теренот.

Но, на првите два официјални меча, Роналдо не успеа да постигне гол. Ал Наср беше елиминиран во полуфиналето од Суперкупот на Саудиска Арабија.

Разочаран од настапот на Роналдо на тој меч беше и тренерот Руди Гарсија кој рече дека се ќе било поинаку доколку Португалецот ја искористел големата шанса која ја промаши.

Но, многу поинтересна е реакцијата на еден од газдите на клубот, кој револтирано по мечот рече: „Дадов 200 милиони за Роналдо, а тој знае само суиии“.

Ваквата изјава на шеикот наиде на смеја кај останатите присутни, но се чини дека на него не му е до смеа.

Македонија

Тројца охриѓани го претепале секретарот на бугарскиот клуб ,,Цар Борис Трети”

Секретарот на бугарскиот културен клуб „Цар Борис Трети“ во Охрид бил претепан, јавија бугарските медиуми, а случајот го потврди и македонското МВР.

Тројца напаѓачи почнале да го удираат секретарот на бугарскиот културен клуб, го навредувале и му се заканувале дека ќе го убијат бидејќи е Бугарин и работи во културниот центар. Веднаш ги известив бугарското и македонското МНР. Контактирав со министерот за надворешни работи на РСМ, Бујар Османи и го повикав веднаш да се позанимава со случајот, а по половина час тој ми напиша дека сите тројца напаѓачи се идентификувани, изјави бугарскиот европратеник Андреј Ковачев за емисијата BulgariaOnAir.

Според него, состојбата на претепаниoт не е добра.

„Мислам дека неговите физички повреди се сериозни, но и психичките“, истакна тој.

Ковачев потсети дека пред само неколку дена во медиумите на РСМ беа дистрибуирани фотографии од оние кои учествуваа во прославата на Мара Бунева со повик „да им се згорчи животот“.

„Османи ми рече дека сите тројца напаѓачи се идентификувани. Тие не можат да останат неказнети. Предметните млади ги учеле на училиште дека Бугарите се фашистички окупатори и асимилатори. Дознав дека едно од момчињата е спортист кој освоил некоја титула. Знаеме и кои се тие формации – противници на клубот“, резимира Ковачев, додавајќи дека синоќа тој се обидел да разговара со истепаното момче, но не успеал, бидејќи жртвата е скршена вилицата.

Случајот со нападот на секретарот на бугарскиот клуб во Охрид го потврди и македонското МВР, од каде излегоа со соопштение за настанот:

 Дваесет и едно годишниот Х.П. од Охрид синоќа бил нападнат од тројца охриѓани во угостителски објект на кеј „Македонија“, соопшти утрово СВР Охрид.

Лицето, како што е наведено, било физички нападнато од С.К., С.К. и И.С., сите од Охрид, по што му била укажана лекарска помош во Општа болница Охрид.

– Според пријавеното од Х.П., во угостителски објект лоциран на кеј „Македонија“ во Охрид, а потоа и надвор од објектот, физички бил нападнат од С.К., С.К. и И.С., сите од Охрид и притоа се здобил со тешки телесни повреди, констатирани во Општата болница во Охрид, појасни за МИА портпаролот на СВР Охрид Стефан Димоски.

Нападот во полиција бил пријавен околу 22 часот и 30 минути. Известен бил јавен обвинител и СВР Охрид презема мерки за расчистување на случајот, по што ќе следува соодветна пријава.

Македонија

Денеска во новиот бугарски клуб се пропагираше – Сме биле еден народ, кој говори ист јазик и има заедничко минато

Video

Нема разлика меѓу нас. Бугарија и Македонија се две држави со еден народ, со заедничко минато. Со силно полициски присуство и нови провокации мина отворањето на бугарскиот културно информативен центар во центарот на Скопје. Она што редовно навикнавме да го слушаме од Костадин Костадинов во бугарскиот Парламент сега го слушнавме и на само 10-тина метри од плоштадот Македонија. Бугарскиот пратеник и прв човек на партијата „Преродба“ ни порача дека факт било дека сме биле едно, дека сме имале заедничка историја.

-(Постојат Македонци, постојат Бугари, на кој начин го засновате тоа дека е исто, на кои факти) на историски, на филолошки… (На кои историски факти, ај кажете ми вие.) Нема разлика. (За што се борел Гоце Делчев, за македонска држава или за Бугарија) И за македонска држава и за Бугарија. (За вас тоа е втора македонска држава така).Нема разлика. Бугарија и Македонија се две држави со еден народ, со општо минато. Разлика е во сегашноста, тоа е реалноста, изјави Костадинов.

На прашањето кои се фактите врз кои тој ги темели своите тези, Костадинов реагираше збунето.

-(Значи можеме да кажеме дека вие сте Македонци?) Нема разлика меѓу Македонци и Бугари. (Значи јас да кажам дека Костадин Костадинов од Бугарија е Преродба е Македонец, а не Бугарин) Тоа е едно исто, ако сакате кажете Македонец, ако сакате кажете Бугарин, за мене нема разлика. (Значи Македонец сте можам да кажам дека сте Македонец или не?) А вие можете да кажете дека сте Бугарин? (Не, јас сум Македонец.) Добро, изјави Костадинов.

Зборовите на Костадинов не беа единствена провокација. Тие дојдоа директно и од бугарските историчари, конкретно од вториот човек во заедничката историска комисија, Наум Кајчев, со порака дека бил заеднички светец, ни предаде икона од Свети Климент Охридски. Ни порачаа и дека не било случајно што токму на овој празник бил отворен овој центар.

Министрите за култура од двете држави порачаа дека овој клуб ќе допринел за зближување на културите меѓу двете држави. Но, не одговорија прецизно на новинарските прашања. Македонската министерка, Бисера Костадиновска Стојчевска не сакаше да одговори дали самото присуство на Костадинов во Скопје е провокација.

-Секој политичар треба да сноси одговрност за она што го изјавува, таквите изјави се најмалку европски и таквите изјави воопшто не одат во прилог на еден ваков убав настан каков што е овој денес, изјави Костадиновска Стојчевска.

Бугарскиот министер Велислав Минеков пак не сакаше да одговори дали клубовите „Ванчо Михајлов“ и „Цар Борис Трети“ допринесуваат за зближување меѓу двата народи.

-Среќен сум за денешниот настан, тоа е уште еден мост, уште едно зближување, сепак сме братски народи. (Дали придонесуваат двата клуба „Ванчо Михајлов“ и „Цар Борис Трети“ за зближување на двата народи?) Тоа вие ќе го оцените, ние ги зближуваме двата народи, изјави Минеков.

Отворањето на бугарскиот култрен информативен центар заврши како што почна. Без инциденти, но со големо полициско обезбедување.

Матеја Петровски– Алфа ТВ.

Македонија

Помпезно – Во живо од отворање на бугарскиот културно-информативен центар во Скопје

Video

Следете го во живо отварањето на новиот културно-инфрмативен центар на Бугарија во Скопје.

На настанот се присутни ко-претседателот на македонско-бугарската историска комисија, бугарскиот пратеник Костадин Костадинов, бугарскиот министер за култура и останати државници од Бугарија.

ЛИНК од видеото во живо

Македонија

Утре во Скопје се отвараат новите простории на Бугарскиот културен – информативен центар

Се прават последните подготовки за утрешното отворање на новите простории на бугарскиот културно-информативен центар во Скопје. Целта е преку промоција на културата да се затоплат  македонско-бугарските односи.

Бугарскиот културно информативен центар се сели на нова адреса. Во овие простории позади мене во строгиот центар на главниот град утре ќе бидат отворени вратите на културниот центар чија цел е продлабочување на односите меѓу двете земји…

Директорката на Центарот, Антониа Велева, во изјава за Канал 5 вели дека ова е државна институција, а официјалното отворање на новите простории се подготвувало подолго време и нема никаква поврзаност со контроверзните бугарски клубови кои се отворија неодмна и се приватни. Од бугарска страна досега присуството го потврдиле министерот за култура Миников, кој како што изјави Велева, тука ќе се сретне со неговата македонска колешка Бисера Костадиновска Стојчевска. Потврда има и од двајца заменик претседатели од бугарското Собрание, а претставник ќе има од кабинетот на бугарската потпретседателка Јотова.

„Всушност, времето за отворање нема никаква врска со какви и да биле околности. Едноставно завршивме со подготовката на нашите простории и галеријата, буквално пред околу 15 дена. Гледате дека се уште имаме мајстори, така што, требаше да започнеме со поактивна дејност и токму заради тоа, сега отвораме. Да се позиционираме навистина на место каде ќе има можност да кажеме дека ние сме видлива институција, изложбите кои ги правиме се достапни за сите, да има повеќе гости и да претставуваме поголем круг од културни претставители од двете држави, изјави Велева.

Од македонската влада не откриваат кој се ќе оди на отворањето. Засега е познато дека ќе присуствува министерката за култура Костадиновска-Стојчевска. Таа за Канал 5 вели дека културната соработка меѓу државни институции е вистинскиот пат за меѓусебно пријателство.

Од бугарскиот културно информативен центар велат дека ова е резултат на Спогодбата од март 2003 година кога и во двете земји се основаа вакви центри.

Македонија

Градоначалникот на Благоевград не може да се помири со отворањето на македонскиот клуб

Градоначалникот на Благоевград Илко Стојанов во врска со вчерашните случувања околу отворањето на клубот „Никола Вапцаров“, за БНТ изјави дека е важно што се поминало мирно и без нарушување на јавниот ред во градот, јавува дописникот на МИА од Софија.

Стојанов не очекува нови тензии. Според него, Благоевград е многунационален град во кој живеат и живеат луѓе од различни националности како една заедница меѓу себе. Така да не очекува никакви нарушувања на состојбата во таа насока.

Илко Стојанов коментира дека македонскиот клуб е нелегитимен бидејќи не е во согласност со Законот за организација на територијата на Бугарија и додаде дека тој повеќе е канцеларија во која се собираат луѓе на приватна основа. Според Стојанов, клубот не треба да го носи името на Никола Вапцаров.

Балкан

Отворен македонскиот културен клуб во Благоевград

Отворен е македонскиот културен клуб „Никола Вапцаров“ во Благоевград. Отворањето на клубот, според основачите, е со цел да ги зближи двата народа и да ги надмине разликите.

– Ова е клуб којшто ќе помогне во Бугарија да ја препознаат македонската култура, а со неа и македонскиот народ. Културниот момент е тој којшто навистина може да ги зближи народите и да ги надмине разликите, беше речено на отворањето на клубот.

Отворањето на клубот го следат голем број новинарски екипи, а има и засилено полициско обезбедување.

Наспроти македонскиот клуб, во организација на ВМРО – Бугарско национално движење отворена е изложба со бугарското знаме и слика од цар Борис Трети и дел од македонските револуционери меѓу кои Гоце Делчев и Јане Сандански проследена со гласна музика. ВМРО-Бугарско национално движење најави и протест. (МИА)