Tag Archives: конкурс

Балкан

Ученички конкурс во Бугарија -„Моите корени се од Македонија или Одринско“

Во Бугарија по втор пат ќе се одржи државниот ученички конкурс за документарен расказ, интервју или есеј на тема „Моите прадедовски корени од Македонија и Одринска Тракија“.

Натпреварот е во орган изација на Бугарското здружение на македонски род во партнерство со Историскиот факултет на Универзитетот Св. Климент Охридски“ и Македонскиот научен институт, објави БГНЕС. .

Агенцијата пренесува дека учениците со роднини и пријатели од Македонија или Одринска Тракија се очекува да презентираат кратка студија за нивната семејна историја или судбината на поединечно лице/и поврзани со овие делови.

Се очекува тие презентираат разговори-интервјуа со своите роднини и роднини – родители, баби и дедовци, тетки и чичковци и подалечни постари роднини и роднини.

Тиеовие информации можат да ги дополнат со информации од книги, статии и други публикации; од истражувања во музеи, во приватни и јавни архиви.

На натпреварот можат да учествуваат и ученици кои не потекнуваат од Македонија и Одринска Тракија со истражување и презентирање на таквото потекло на нивни семејни пријатели, познаници и соученици.

Пишаниот текст се очекува да содржи кратки информации за релевантните населби во Македонија или Одринска Тракија; од каде потекнуваат корените на родот; информации за лицата од семејството, за животот и егзистенцијата; потипични инциденти и настани, вклучувајќи ги и оние поврзани со училишното образование или револуционерната работа; датум и причини за преселба во Бугарија, доколку ги има; место(и) на населување во Бугарија и економска и социјална адаптација; дали да одржува или не врски со првобитното место во Македонија или Одринска Тракија; дали има останати роднини во Македонија или Одринска Тракија.

Како додаток на пишаните текстови може да се вклучат цртеж на семејно стебло, фотографии од поединци, населби и семејни настани, сеќавања на роднини и други материјали, како и цртежи од ученици на споменатите теми, пренесува БГНЕС.

Македонија

СКАНДАЛ: Кандидатите кои аплицирале за работа во АРМ да се јават кај претседателот на огранокот на партијата!

Владејачката партија продолжуваат да ја тресат скандали. Имено, на официјалната фејсбук-страница на СДСМ Арачиново, кандидатите коишто аплицирале за работа во АРМ се повикуваат да се појават кај претседателот на огранокот на истата партија или кај раководството на истата.

-Почитувани сонародници, ве повикуваме сите кои што аплициравте на огласот на Министерството за одбрана за прием на војници во Армијата на Република Северна Македонија, кандидатите да се појават кај претседателот на огранокот во Арачиново или кај членовите на раководството на огранокот СДСМ-Арачиново, се вели во повикот на партијата објавен на Фејсбук.

Во меѓувреме, скандалозната информација беше отстранета од социјалната мрежа на Фејсбук.

Забава

Ce бара КРАЛ за ОСТРОВ: Необичен конкурс, погледнете што се кpитepиумитe…

На малиот британски остров Пиел е објавен конкурс – тамошните власти бараат некој кој има искуство во водење на угостителски објект, сака изолација и е подготвен да ја прифати титулата крал, пишува „The Guardian“.

Во Велика Британија е отворен еден од најнеобичните огласи за работа – локалните власти бараат некој да раководи со ресторанот „Ship Inn“ на островот Пиел.

Негативна страна на работата се неизвесните временски услови, изолацијата и долгото работно време. Но, од друга страна, вработениот ќе може да ужива во свежиот воздух, со совршен поглед на птиците, морето, зајдисонца и изгрејсонца и ќе биде изолиран од бучава и гужви.

Џон Марфи, кој носи туристи на островот веќе четири децении, вели дека оној што ќе ја добие работата ќе мора да биде исклучително посветен на задачата: „Не можете туку-така да отидете во продавница кога сте на островот. Мора да бидете посветени и да ја сакате изолацијата, мирот и тишината. Малкумина се оние што можат и го сакаат тоа“.

Островот Пиел се наоѓа на еден километар од полуостровот Фурнес, а до оваа локација може да се стигне со траект, кој сообраќа редовно од април до септември.

Властите бараат некој кој ќе помине десет години на островот и ќе се всели во април. Потоа ќе биде извршена церемонијата на крунисување на новиот крал на Пиел.

Марфи за „Гардијан“ изјавил дека би сакал сам да се занимава со оваа работа, но верува дека на 73 години е престар за ваква авантура. Сепак, тој истакнува дека ќе продолжи да го посетува островот и на туристите да им ги кажува легендите поврзани со овој мал град.

Забава

Награден инстаграм конкурс за фотографија: „Пролет во Скопје“!

Скопје Инфо, втора година по ред го организира наградниот конкурс за најубава фотографија на тема „Пролет во Скопје“. Конкурсот трае од 20 април до 31 мај. А, најубавите фотографии ќе бидат наградени со парични награди.

Кои се правилата за учество во конкурсот?

За учество во конкурсот потребно е на вашиот инстаграм профил да објавате ваша сопствена фотографија која ќе биде поврзана со пролет во Скопје. По објавувањето на фотографијата задолжително е на неа да биде обележан (тагнет) инстаграм профилот SkopjeInfo.mk, a во насловот на фотографијата да се содржат таговите #proletvoskopje и #skopjeinfo. Фотографиите кои ги содржат овие два инстаграм тагови ќе бидат постирани на инстаграм профилот на Скопје Инфо. Трите фотографии кои ќе имаат најмногу лајкови од публиката ќе бидат прогласени за победници на конкурсот.

Фотографирајте цвеќиња, градби, автобуси, луѓе, туристи… или се она што ве потсетува на Пролет во Скопје. Освен тоа, ваша задача е да ги поканите пријателите да дадат поддршка и да гласаат за вас.

Кои се наградите?

За оваа намена Скопје Инфо обезбеди три награди: прво, второ и трето место. Наградата за прво место е 150 евра, второ место 100 евра и трето место 50 евра.

Рокови?

Конкурсот трае во периодот од 20 април со 31 мај, а победниците ќе бидат прогласни 7 дена по завршување на конкурсот.

Важна напомена:

Секој учесник во наградниот конкурс има обврска да учествува со максимум пет сопствени фотографии. Учеството на конкурсот значи прифаќање на условите наведени во оваа објава. Скопје Инфо го задржува правото за дискфалификација на одреден учесник или фотографија доколку не ги исполнува правилата за учество или на било каков друг начин несоодетветно учество на конкурсот.