Tag Archives: кривична

Македонија

Антикорупциска со КРИВИЧНА за Наумче Мојсовски

Државната комисија за спречување на корупцијата (ДКСК) на денешната 81 седница донесе одлука да достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови.

ДКСК до Владата ќе достави и иницијатива за утврдување одговорност на овие лица, а до УЈП за извршување надзор на сите субјекти од областа на спортот во поглед на користење на средствата преку т.н. ваучер систем во периодот од 2020, 21 и 22 година.

Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства.

ДКСК, исто така, смета дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС.

Членот на ДКСК Владимир Георгиев, појасни дека во 2021 година биле анализирани постапките и активностите при спроведување и користење на средства при доделување на ваучери од Агенцијата за млади и спорт и централната комисија, како и за пропустите и непочитувањето на Законот од страна на дел од федерациите и спортските клубови при конкурирањето, нивното користење на средствата и отчетност.

Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари.

  • Не почитувајќи ги критериумите за доделување средства по ваучер системот постојат сомнежи дека Централната комисија во континуитет од 2020 година досега врши незаконска распределба, односно доделување ваучери на повластени корисници, федерации и клубови, согласно интересот на поединци и групи, можеби и политички партии и ги ставиле во неповолна положба оние спортски субјекти кои не добиле соодветни средства, иако тоа право законски им припаѓало, изјави Георгиев.              

Според ДКСК, постои сомневање дека претседателот и членовите на централната комисија во 2020, 21 и 22 година, по пат на искористување на службената положба и несовесно работење, заобиколувајќи ги законските процедури извршиле распределба на средства, со што го оштетиле буџетот на државата, но и лицата кои имале законско право на вакви средства, а не им биле доделени.

Претседателката на ДКСК Билјана Ивановска, посочи дека тие не се против доделување средства на клубовите, туку да се направи праведен систем без фаворизирање.

-Не гледаме дека сите препораки кои го дадовме се правилно применети, така што јасно е дека овој систем не дава соодветни резултати. Се надевам дека овие податоци ќе бидат доволна основа за законски измени кои ќе изградат праведен систем, порача Ивановска.

ДКСК, исто така, изразува загриженост и тоа што со законските измени од јануари минатата година, членовите на централната Комисија се именуваат по предлог на Владата, без утврдени критериуми за нивниот избор. 

Македонија

Најчевска: Џамбаски треба да биде кривично гонет и во најмала мера да се протера

Ангел Џамбаски треба да биде кривично гонет врз основа на член 319 и во секој случај во најмала мера треба да се протера и да се прогласи за persona non grata во Македонија – пишува професорка Мирјана Најчевска.

Македонија

Му залепија КРИВИЧНА на директорот од Прилеп кој зел НЕПЛАТЕН ОДМОР за да работи како КЕЛНЕР во Хрватска

СВР Битола – ОВР Прилеп до Основното јавно oбвинителство Прилеп поднесе кривична пријава против М.А.(46) од Прилеп, поради постоење на основано сомнение за сторено кривично дело „несовесно работење во службата“.

Како што информира МВР, пријавениот во својство на управител на правен субјект од Прилеп, ги повредил одредбите од Законот за работни односи и Колективниот договор на правното лице, со тоа што до 1 септември годнава година имал склучено договор за работа во Хрватска, а истовремено не го имал прекинато работниот однос во јавно претпријатие од областа на комунална дејност од Прилеп, со што се стекнал со противправна имотна корист.

Македонија

Левица поднесе кривична пријава за КРАЖБА НА СТРУЈА ЗА АРАЧИНОВО !

Левица поднесе кривична пријава до Основното јавно обвинителство Скопје за кривично дело „Кражба на електрична енергија, топлинска енергија или природен гас“, предвидено и казниво по член 235 – а од Кривичен законик против непознат сторител од Општина Арачиново.

„Според ЕВН Хоум, во општина Арачиново нема струја поради дефект од оптоварување на трафостаниците, кое е настанато поради незаконско користење струја од страна на некои жители.

Министерот за економија Бектеши тогаш наведе дека загубите на струја во Арачиново се дури и до 80 отсто, поради диво приклучување на мрежите.

Во ек на светската енергетска криза, недозволиво е одреден број на жители да не ги подмируваат сметките, на штета на оние кои уредно тоа го прават – ниту пак жителите на општината кои совесно ја извршуваат оваа обврска да се соочуваат со потенцијално исклучување поради оние кои не го прават тоа.

Обвинителството да не чека дозвола од ДУИ и СДС да постапи“, велат од Левица.

„Левица ја поднесе оваа кривична пријава за кражба на струја до ОЈО Скопје, кое како овластен орган по службена должност треба да постапи со цел спречување на вакви казниви дела и казнување на нивните сторители.

Со ова несовесно и незаконско постапување од страна на одредени жители од Арачиново, односно со диво приклучување на електричната мрежа, загубите ги покриваат совесните граѓани, кои ја плаќаат струјата и поради тоа добиваат високи сметки во период на огромна инфлација“, додаваат од Левица во соопштение до медиумите.

Македонија

Левица му поднесе кривична на Талат Џафери за референдумот

Правниот сектор на Политичката партија Левица, до Основното јавно обвинителство – Скопје, поднесе кривична пријава против претседателот на Собранието на Република Македонија – Талат Џафери, бидејќи тој, своеволно и спротивно на Уставот, Законот и Деловникот го оневозможил спроведувањето на граѓанската иницијатива на државно ниво за собирање на 150.000 потписи за распишување задолжителен дополнителен референдум за Законот за ратификација на Договорот за добрососедство со Бугарија. – велат од ЛевицаПријавениот се терети дека, намерно и со умисла, преку противуставното, противзаконското и противделовничкото одбивање на уредната граѓанска иницијатива – поднесена од страна на група од 646 граѓани, на пропишаниот образец од страна на Државната изборна комисија – сторил тешко кривично дело против изборниот систем – „Спречување на избори и гласање“, казниво по чл. 158, ст. 1 од Кривичниот законик, со запретена минимална затворска казна од најмалку три години. Во пријавата се нотира дека, со ова свое инкриминирано деликтно дејствие, преку злоупотреба на своите службени овластувања, пријавениот арбитрарно го ускратил врховното колективно уставно право на граѓаните, како носители на народниот суверенитет, на т.н. директна демократија, свесно спречувајќи нивно непосредно изјаснување по пат на референдум. Со тоа, тој од старт ја осуетил и ја спречил законската можност за собирање потписи за распишување државен референдум, гарантирана во Законот за референдум и други облици на непосредно изјаснување на граѓаните, манипулирајќи ја и непочитувајќи ја изречно предвидената подзаконска деловничка процедура за постапување во случај на поднесена иницијатива од група-граѓани, како овластени предлагачи. Имено: (1) Спикерот не е надлежен да се впушта во мериторно оценување на иницијативата за распишување референдум, туку исклучиво може само да ја цени нејзината уредност, како поднесок, од формално-правен аспект; (2) Toj не можел сам, без претходно прибавено мислење од две собраниски комисии, да одлучи за уредноста на иницијативата; (3) Џафери бил должен прашањето да го префрли на парламентарниот пленум на Собранието, поради тоа што само тоа има уставна и материјална надлежност да цени дали истата ќе продолжи или ќе запре, бидејќи единствено Собранието, во полн состав, на пленарна седница, е надлежно ad meritum да одлучи за уредноста или неуредноста на поднесената граѓанска иницијатива – преку носење на подзаконски правен акт наречен „Заклучок“ (а не „Известување“)!? – информираат од Левица

Македонија

Охриѓанец ја оштетил обложувалницата во која работел за 568 илјади денари

СВР Охрид поднесе кривична пријава против П.Б.(21) од Охрид, поради постоење основи на сомнение за сторено кривично дело „затајување“.

Тој, во периодот 02/03.11.2021, како вработен во спортска обложувалница во Охрид, противправно присвоил пари од прометот, од кои дел искористил да игра на VLT апарати, а дел ги давал на играчите кои биле присутни во обложувалницата.

На тој начин, пријавениот го оштетил правниот субјект во вкупен износ од 568.886 денари.

Македонија

Лeвицa пoднece kpивичнa пpиjaвa против Шкодране Дардишта за заканите

Пoлитичkaтa пapтиja Лeвицa, дo Ocнoвнoтo jaвнo oбвинитeлcтвo – Ckoпje, пoднece kpивичнa пpиjaвa пpoтив akтyeлнaтa влaдинa члeнka нa Oдбopoт нa диpekтopи нa AД „Тeлekoм“ и пopaнeшнa диpekтopka пpeдлoжeнa oд ДУИ нa зaeдничkитe cлyжби нa Kлиничkиoт цeнтap вo Ckoпje – Шkoдpaнe Дapдиштa, пopaди пocтoeњe ocнoвaнo coмнeниe зa cтopeнo kpивичнo дeлo „Пpeдизвиkyвaњe oмpaзa, paздop или нeтpпeливocт вpз нaциoнaлнa, pacнa, вepcka и дpyгa диckpиминaтopcka ocнoвa“ – kaзнивo пo чл. 319, cт. 1 oд Kpивичниoт зakoниk нa PМ, co зaпpeтeнa зaтвopcka kaзнa oд eднa дo пeт гoдини.

Kako штo cooпштиja oд пapтиjaтa:

„Пpиjaвeнaтa ce тepeти дeka пo пaт нa инфopмaциckи cиcтeм, нa coциjaлнaтa мpeжa Фejcбyk, oбjaвилa зakaнyвaчkи cтaтyc вo koj ce пoвиkyвa нa Вojнaтa oд 2001 гoдинa, вo koja живoтoт гo зaгyбиja cтoтици мakeдoнckи гpaѓaни.

Kpивичнoтo дeлo e cтopeнo пpoтив дpжaвaтa и нejзинитe дpжaвjaни, co цeл дa ce пoвpeдaт нaциoнaлнитe чyвcтвa нa Мakeдoнцитe, a инcпиpиpaнo oд длaбoka нaциoнaлнa oмpaзa и мeѓyeтничka нeтpпeливocт.

Пoбyдитe oд koи ce вoдeлa oбвинeтaтa пpи вpшeњe нa oвa kpивичнo дeлo ce пoнижyвaњe нa бeзбeднocниoт cиcтeм, т.e. yпaтyвaњe oтвopeнa зakaнa пo jaвнaтa бeзбeднocт нa дpжaвaтa, пpeky пoвиkoт зa нaпaд вpз дpжaвнитe инcтитyци и пpeky ceeњe cтpaв и зaгpoзyвaњe нa cигypнocтa нa cитe гpaѓaни koи живeaт вo Peпyблиkaтa и koи иcтaтa ja чyвcтyвaaт и cakaaт kako cвoja тaтkoвинa“, вeлaт oд пapтиjaтa.

Инфо +

Од автомобил „покажувал двоглав орел“ во Ниш: Кривична против македонски државјанин

Нишката полиција ќе поднесе кривична пријава против државјанин на Македонија, поради постоење основи на сомнение дека сторил кривично дело поттикнување национална, расна и верска омраза и нетрпеливост, јавува дописникот на МИА од Белград.

Тој се товари дека додека бил на совозачкото место за време на движење на возилото, го отворил прозорецот од автомобил со швајцарски регистарски ознаки и се однесувал несоодветно кон друго лице во сообраќајот, така што со свиткани раце во форма на двоглав орел алудирал на националистички симболи.

Против осомничениот ќе биде поднесена кривична пријава до Вишото јавно обвинителство во Ниш.

Инфо +

Талат Џафери без срам го прекрши Уставот и си се обрати на албански јазик во Европскиот парламент (Видео)

Претседателот на македонското Собрание Талат Џафери не сака да образложи зошто пред два дена на Комитетот за надворешни работи во Брисел  во рамки на Самитот „Европски парламент – Западен Балкан“ се обрати на албански јазик.

Претседателот на македонското Собрание Талат Џафери не сака да образложи зошто пред два дена на Комитетот за надворешни работи во Брисел во рамки на Самитот „Европски парламент – Западен Балкан“ се обрати на албански јазик, имајќи го во предвид тоа дека македонскиот јазик и неговото крилско писмо според Уставот е службен јазик, како на целата територија во државата така и во меѓународните односи.

Џафери денеска се појави на свеченото промовирање на првата генерација на апсолвенти на Универзитетот „Мајка Тереза“, каде меѓу присутните беа и лидерот на ДУИ Али Ахмети и вицепремиерот Артан Груби, но по обраќањето, кое исто така беше само на албански, ги одбегна новинарските екипи. Одговор нема ниту од неговиот кабинет.

Според пратеникот на Левица Димитар Апасиев, Џафери тенденциозно неколку месеци во контиунитет прави свесно истиснување на употребата на македонскиот јазик, како во Собранието, така и во меѓународните односи. Апасиев вели дека Џафери со обраќањето на албански јазик на Комитетот во Брисел направил дипломатски сканадал и освен што ги прекршил амандманот 5 од Уставот и Законот за употреба на македонскиот јазик, направил и кривично дело.

ВМРО-ДПМНЕ исто така денеска соопшти дека ќе поднесе кривична пријава против претседателот на Собранието Талат Џафери поради, како што се наведува во нивното соопштение, „свесно кршење на Уставот и законите“.

Од опозициската партија апелираат надлежните власти и институции да реагираат и да го осудат ваквиот чекор.

ВМРО-ДПМНЕ го највува овој чекор откако пред два дена претседателот на Собранието Џафери пред Комитетот за надворешна политика на ЕП се обрати на албански јазик.