Итно се потребни нулта позитив крвни единици (тромбоцити) за петгодишно детенце коешто боледува од леукемија.
Ве молиме сите кои можете да дарувате, да одите во Трансфузиологија во Клиничкиот центар во Скопје, со напомена дека е за детенцето Мартин Здравковски, стои во апелот на Фејсбук страната на Бигорски Манастир Св. Јован Крстител.
Стојче Христовски, таткото на починатото петгодишно девојче од битолско Кравари кое вчера почина во Клиничката болница во Битола откако прими инфузија, за „Макфакс“ во детали ги опиша последните моменти со ќерката. Иако премален од тага тој вели дека зборува за да нема други случаи како нивниот. Тој и сопругата се убедени дека за нивната Јана пресудна била инфузијата со гликоза што и ја ставиле откако ја донеле во болницата и покрај тоа што крвната слика покажала дека шеќерот и е деветка.
„Во болницата завршија работа за два саати, толку беше. Сега од почеток е ви кажам. Ние сакавме да ја носиме на матичен лекар, нејзината докторка, арно ама таа беше попладне, после два саатот. На телефон ни се јави и рече да ја однесеме Јана в болница, на детско да не се мачи да чека до попладне. Два дена пред тоа, фактички пред три, не знам точно се тушираше со братот, се капеа и малку и пристуде. Другиот ден ни поткрена температура ама ништо 37 со 7-8. И дадовме сирупче, спадна температурата. Вечерта си спиеше, немаше никаков проблем, ни температура ни ништо. Следниот ден после ручек и се појави оток кај очињата, горе и се жалеше од ноџињата. Велеше – ме болат ноџињата, мускулите“, вели таткото Христовски.
Проблеми со оток на очните капаци таткото вели дека Јана имала и околу Нова година. Фатила грип, и отекле очните капаци. Лекарката им објаснила дека од грипот во очите и се собира слуз и затоа капаците и се отечени. Им дала капки и за еден ден отокот се повлекол.
Сличен оток, но помал имала и вчера, кога ја однеле на лекар. Христовски вели дека Јана на нога го дочекала да дојде од работа за да ја однесе во болница и сама си влегла во автомобилот.
„И беше мака ама не беше истоштена за да не може да оди. Стигнавме во болница. За да не се мачи ја кренав в раце до детскиот оддел. Почекавме тука во ходникот. Муабети си правевме. Влеговме внатре. Не натераа крвна слика да направиме. Појдовме за крвна слика, не можеа крв да и земат оти тој ден сабајлето повратила шлајм и наводно од што повратила била дехидрирана, не може крв да и земат. Дадовме и мокрача. Измерија шеќер деветка. Таа кај што и земаа крв ни кажа дека шеќерот и е деветка и го врати девојчето во амбуланта и кажа на докторката дека шеќерот и е деветка. И телефонски што контактираа со некого, го известија дека шеќерот и е деветка“, вели таткото Христовски.
Со Јана во собата кај што и давале инфузија влегла само мајката оти било дозволено само еден родител да влезе. Христовски останал во ходникот.
„И ставија инфузија, а резултатите ни рекоа после 12. Тие на детско пак и извадија уште две епрувети крв и ме пуштија и тие да ги однесам во лабораторија. За таа крв резултатите рекоа дека ќе бидат готови после еден, еден и пол. Дури таа што беше на шалтер рече – пауза е сега, гледаш колку е саатот, ама арно се погоди колегата нејзин и рече – ама за петгодишно девојче се работи, зема човекот ја внесе крвта ама ако се сомневаат во нешто требаше побрзо да бидат резултатите. Резултатите не ги видоа, почнаа со инфузии и рекоа дека шеќерот бил покачен од што повратила“, вели таткото.
Неговата сопруга на шишето од инфузијата прочитала дека се работи за гликоза, 500 милилитри и дека со живот гарантира дека и дале шеќер на ќерката иако измериле девет единици.
„Откако истече инфузијата ситуацијата почна да се влошува. Го мерат пак шеќерот, тој 19 и се обидуваат втора инфузија да стават. Арно ама не можат вена да му најдат на чупето. Кај што ќе мавнеле со иглата избивала крв. Од тогаш се комплицираат работите. Ја пренесоа во друга сала, тука од карши кај што има кислород и такви работи. Ми се јави по телефон сопругата и ми вели – влегувај, лоша е ситуацијата, се искомплицира, исплашена. Влегов, седеше внатре на едно столче, јас стоев се се гледаше преку стаклата. Викнаа од ансетезиолозите, и ставија нешто и се покрена малку. Ја прашаа како се вика, рече Јана, се се слушаше и ја гледавме. Имаше наредено штипчиња за срцето да го следат, за пулсот, кислород, Се поврати чупето, си заминаа анестезилозите што беа, по пет до десет минути чупето пак почна да се губи. Тука веќе настана хаос. Ѕвонеа пак по телефони да дојдат анестезиолозите, една чистачка што беше тука ја пуштаа некаде, кажуваа оди земи ова, таа оди се враќа вели нема клуч, не знам каде е клучот. Веќе тука беше крајно. Јас гледав преку стаклото. Пробаа со електрошокови, со масажи на градите за да ја вратат, но ништо. Многумина беа тука собрани, не можев убаво да гледам, Можеби имаше пет-шестмина доктори, медицински персонал. Тука веќе ми беше јасно, ја ставија на еден кревет за да не ја носат на интензивна горе, тоа е на вториот кат, ама веќе се гледаше дека чупето нема знаци на живот. Ја масираа по градите ама тоа беше само колку да не ни кажат тука“, со грутка во грлото се кажува таткото.
Откако ја качиле Јана на интензивна нега, околу 12 часот иако веќе не покажувала знаци на живот, лекарите и сестрите престанале да контактираат со нив и цели речиси три часа не можеле да дознаат што се случува со нивната ќерка. Шетале во ходникот и прашувале како е Јана секого што ќе го сретнеле.
„Излегуваат од тие салите сестри некои, ги прашувам – извенете, чупето што е внатре живо ли е, умрено, какво е, три саати веќе се направи ние тука не знаеме. Немав веќе ни надеж бидејќи видов, како се одвива ситуацијата и знаев дека одолговлекуваат само колку да не спремат малце, да не дојде набрзина. Излези друга, прашај вели работевме, не можев да видам. Прашај ја другата таа – не бевме ние во таа сала, никој ништо да ни каже. Два и пол до три саати не знаеме што се случува. Никој ни да излезе да каже, ние се вртевме тука во тој ходникот, си ги чукавме главите во ѕидот. Никој ништо“, вели Христовски.
Јана немала никакво претходно заболување, ниту пак била алергична на нешто. Била физички активна, играла фудбал, правела шпаги, сакала атлетика. Родителите се разочарани од изјавите на лекарите кои кажуваат дека три дена родителите ја лекувале Јана сами, дома и нагласуваат дека тоа не е точно како што не е точно ниту тоа дека имала дијареја.
Христовски е разочаран и од начино тна кој лекарите се обиделе да ги утешат кога им соопштиле дека Јана починала.
„Никому да не даде Господ, вакви работи да нема. Кога не тешеа таму, кога рекоа направивме се што можевме, не тешат и ни велат пред пет – шест дена истиот случај го имаше двегодишно дете. И тоа утеха било дека двегодишно детенце починало од ситиот проблем!? Пишаа во извештајот слабо срце, но од тоа нема ништо. Чупето беше здраво, немаше проблеми“, низ солзи вели таткото Христовски.
Директорот на болницата Александар Обедниковски за „Макфакс“ изјави дека девојчето било во болницата од 10 часот утрото до 14 часот кога починала, а за тој период била само рехидрирана оти родителите ја донеле дехидрирана, со покачена телесна температура и со оток на очите. Директорот Обедниковски рече дека телото на девојчето е дадено на обдукција, а за случајот е известен јавен обвинител.
Крв направена во лабораторија првпат е пренесена во човек, а тоа – како дел од новото клиничко тестирање вештачка крв во светот.
Тоа било мало количество крв, за да се дознае како телото ќе реагира на неа. Научниците веруваат дека трансфузијата ќе продолжи да се заснова на дарувањето крв, но тука нивната цел е да се направат ретки крвни групи. Тоа им е најпотребно на оние луѓе кои зависат од чести трансфузии за ретки болести, како што е тн. српеста анемија, каде што ако крвта не е целосно соодветна, тогаш телото не ја прифаќа и третманот не е успешен.
Професорката на британскиот Универзитет на Бристол, Ешли Тој истакна дека во Велика Британија, вообичаено има само 10 луѓе кои можат да даруваат крв на оние кои имаат исклучително ретка крвна група.
Научници од универзитетите во Бристол, Лондон и Кембриџ и Националниот здравствен систем на Велика Британија се занимавале со лабораториско производство на крв. Процесот на производство трае три недели, т.е. додека крвните зрнца не се во состојба погодна за трансплантација.
Во клиничкото тестирање учествуваат две лица, а целта е да се тестира крв меѓу најмалку 10 здрави луѓе. За минимум четири месеци испитаниците ќе примат две дози крв од пет до 10 милилитри. Првата доза ќе содржи природна крв, а втората ќе содржи крв создадена во лабораторија. Научниците очекуваат дека лабораториската ќе биде дури и подобра од природната крв.
Сепак, постојат и одредени финансиски и технолошки предизвици во лабораториското производство на крв. Многу веројатно, ќе бидат потребни уште многу истражувања за да се стигне до потребните количини.
Повеќе информации за вештачката крв и целта за нејзина примена на следново видео:
Полицијата информира дека синоќа во периодот од 23.00 до 04.00 часот спроведена е зајакната акциска контрола за санкционирање на возачи кои управуваат возила под дејство на алкохол на територијата на Република Македонија, при што санкционирани се 70 возачи.
-Од нив, 12 на територијата на СВР Скопје, по 11 на територијата на СВР Тетово, СВР Охрид и СВР Штип, девет на територија на СВР Велес…, велат од МВР.
Според објавеното, еден од „фатените“ возачи се движел со 4,26 промили алкохол во крвта.
-Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, додаваат од полицијата.
Има или нема крв на Трансфузиологија – дилема која одекна во јавноста по алармот на лекари дека резервите се испразнети на Институтот за трансфузиона медицина и дека пациенти токму поради тоа се приморани да чекаат за операција или сами да се снајдат и некој з анив да донира. Наспроти ваквите тврдења, првиот човек на Трансфузиологија д-р Садула Усеини смирува дека залиха има, уверувајќи дека досега биле задоволени потребите на пациентите кои се лекуваат како во јавните така и во приватни здравствени установи.
“Се спомнува дека се повикуваат фамилии да даруваат крв, секако тоа не е дел од нашата стратегија и тоа е реакција на блиски на пациентот со цел полесно и побрзо да стигнат до крвен продукт, а притоа ја искористуваат моќта на социјалните мрежи и на медиумите.За да појасниме, сакаме уште еднаш да информираме дека се изготвува годишен интегрален план на крводарителски акции (преку 800 секоја година). Во услови на пандемија кога средните училишта и факултетите работеа со онлајн настава, кога вработените во повеќето работни организации работеа од дома, притоа не можеа да се организираат планираните крводарителски акции и да се спроведува годишниот инегрален план изготвен за годината. Би сакале да потсетиме дека крводарувањето е привилегија на здравите. Во време на пандемија за жал многу наши граѓани заболеа и не беа во можност да даруваат крв.“ се вели во дописот на директорот Усеини.
Од Институтот меѓудругото појаснуваат дека заклучно со вчера имало 2052 единици еритроцитен концентрат готови за издавање и распоредени по сите трансфузиолошки единици за потребите на пациентите во болниците низ градовите на нашата земја.
Дека резервите со крв се слаби и дека ситуацијата е тензична вчера алармираше онкологот д-р Милан Ристески од приватната болница One Hospital.
„Откако почна пандемиајата крв се потешко и потешко се добива. Скоро сите мои пациенти, не можат да дојдат, како порано што доаѓаа без проблем до крв и крвни деривати. На сите им е кажано дека треба да си викнат свои роднини да даруваат крв. Е сега, за нашите ајде ќе кажеме дека е полесно, ама за странските државјани, кои што немаат роднини овде, немаат познати во државата… Не можат да даруваат крв лица кои не се државјени на Република Македонија. На тој начин, автоматски, веќе е стимулирана црната берза за крводарителство“, вели доктор Милан Ристески, онколог во „One Hospital“.
Бројни се и апелите за донации кои речиси секојдневно кружат на социјалните мрежи. И деновиве на фејсбук кружи една таква објава во која пациентка сместена на трауматологија моли за донација на крв од групата Б негатив.За случајот со оваа пациентка од Институтот за трансфузија велат дека бараната количина е издадена истиот ден кога и било побарано.
Итно е потребна крв од А+ крвна група за Andon Karlos Popcotrov кој ќе има две операции во Систина.
Секој кој сака да помогне може да даде крв во клиниката за трансфузиологија (во државна болница). Треба и да се наведе за кого е дадената крв, стои во објавите на социјалните мрежи.
Во знак на протест за повеќемесечниот локдаун и затворање на културните институции, француска актерка се соблече гола на сцената на доделувањето на филмските награди на француската кинематографија Цезарз во Олимпија.
Корин Масиеро носеше крвав костум од магаре пред да ја отстрани облеката за да ги открие зборовите „Нема култура, нема иднина“ напишани преку нејзиниот грб додека синоќа ја доделуваше наградата за костим.
