Tag Archives: Македонија

Македонија

Бугарски новинар бара: Не Петков во Македонија, туку нивниот премиер да дојде на „бакни рака“

Долгогодишниот дописник на Бугарската национална телевизија (БНТ) од Скопје, Костадин Филипов, го критикува премиерот Кирил Петков за најавата за посета на Македонија на 18 јануари, негова прво официјално патување во странство по преземањето на функцијата.

„Требаше да биде обратно – откако се обидовме да им оставиме добар впечаток, ако сакаме да им направиме некаков аир, некакво добро, не треба ние да одиме кај нив, туку првата работа на нивниот нов премиер треба да биде да дојде кај нас, да бакне рака, така да се каже, на некој од нашите политичари и ако рече дека не може да исполни некои од нештата што ги бараме, да му кажеме да се врати во Северна Македонија, да се обиде да ги исполни и тогаш повторно да дојде кај нас“, изјави новинарот за БНТ.

„Ме загрижува тоа што Петков многу брза да покаже лојалност кон некакви политички фигури однадвор“, додава новинарот.

Македонија

Македонката Илина во Топ 10 на ,,Neapolitan masters”

Младата македонска оперска пејачка Илина Митревска е меѓу десетте најдобри и најнадежни во изборот на престижното музичко натпреварување “Neapolitan masters”.

Во објавата за Митревска стои само Macedonia.

Александру-Јоан Костеа – Романија
Анџелина Хајне – Германија
Ана Хитрикова – Словачка
Ана Муча – Полска
Илина Митревска – Македонија
Џозефин Сим – Обединето Кралство
Џулија Ен Ернст – САД
Јулија Малевскаја – Русија
Ноа Итан Монд – САД
Устиња Малинина – Русија

Настапи на Илина Митревска:

Македонија

Maкедонските Бугари бараат Петков и Радев да не попуштаат со ветото за Македонија

Организациите на македонските Бугари во писмо до претседателот Румен Радев, премиерот Кирил Петков, претседателот на Народното собрание, Никола Минчев, и партиите застапени во собранието бараат Бугарија да ја зачува својата јасна и категорична позиција во однос на почетокот на преговорите за влез во ЕУ на Македонија.

Македонските Бугари од организациите „КЦ Иван Михајлов“-Битола, здружение „Трибуна“- Прилеп, МБП-Скопје, „Коридор 8“-Скопје, „Интеракција“-Охрид, „Единство“-Кочани и партијата Граѓанско демократска унија апелираат да не се прават отстапки по прашањето за нивната рамноправност во Република Македонија, што, според нив, не може да биде предмет на преговори и постапката за промена на Уставот, со цел Бугарите да бидат рамноправни со сите други делови од народи да започне веднаш.

Во пресрет на 30-годишнината од првото признавање на независна Република Македонија од страна на Бугарија, македонските Бугари се надеваат дека политичарите и општествата од двете страни на границата ќе најдат мудрост заеднички да го продолжат својот европски пат.

Во обраќањето меѓу другото се вели:

Ние, македонските Бугари, сакаме целосно и рамноправно да работиме за својата држава, за нејзиниот економски, политички и општествен развој, а не како граѓани од „втора категорија“. Тоа може да се оствари единствено и само ако добиеме уставни гаранции за нашата рамноправност со останатите делови од народи, како што се впишани во Уставот на РС Македонија. Ние не сакаме ништо друго, освен рамноправност. Сакаме како сите останати делови од народи во РС Македонија да се радуваме на својот јазик, традиции, историја, споменици и се останато што е поврзано со нашиот идентитет.

Истражување

Како Франс прес ја гледа Македонија: БЕГААТ ОД ДРЖАВАТА КОЈ КАДЕ МОЖЕ

Напуштени продавници и празни улици, со малку знаци на живот во градот Валандово, од каде младите луѓе масовно бегаат во странство во надеж дека ќе најдат подобар живот.

Вака новинската агенција Агенс Франс Прес ја почнува својата репортажа од југот на Македонија, во која предупредува на масовното иселување на младите.

Како и другите земји во сиромашниот раб на југоисточна Европа, оваа мала балканска нација лежи врз темпирана демографска бомба со население кое старее, опаѓачка стапка на прираст и масовно исселување.

Македонија загуби 10 проценти од своето население во изминатите 20 години. Околу 600,000 Македонци сега живеат во странство, според проценки на Светската Банка и властите.

Очајно слабиот економски раст и недостигот на инвестиции ја притискаат земјата во која сега живеат само 1,8 милиони жители.

„Ако имате над 2,4 милиони жители, но повеќе од четвртина од нив си заминале, треба сериозно да се загрижите за тоа што ви се случува“, вели Апостол Симовски, директор на Државниот завод за статистика“, пренесува АФП.

Дописникот на агенцијата разговарал и со Перо Костадинов, градоначалник на Валандово, кој вели дека „го загубивме ентузијазмот да останеме дома и да се бориме“. Во градот, 90 проценти од приходите произлегуваат од земјоделието.

Пет од 20-те соученици кои бевме во исто одделение веќе се исселија со нивните семејства, вели Бојан Николов, член на младинска организација од Валандово.

АФП ги цитира резултатите од пописот спроведен во 2021, според кои Македонија загубила околу 200,000 жители од 2002 година, кога беше спроведен последниот попис.

Перспективите на граѓаните биле поврзани со можното членство во ЕУ, но по блокадите од Грција и Бугарија, граѓаните решаваат дека нема веќе што да чекаат, пишува агенцијата.

„Ако останете, просечната плата е само 470 евра. ‘Подобро да бидам роб за 2,000 евра во некоја странска земја отколку роб дома за 300 евра’”, велат соговорниците на АПФ.

Француската новинска агенција пренесува дека состојбата е слична и во Албанија и другите земји од регионот.

Се проценува дека Албанија загубила 1.7 милиони жители во изминатите 30 години, односно 37 проценти од населението.

Во Србија, се смета дека 10,000 доктори ја напуштиле земјата во последните 20 години.

А ако овие земји се надеваат дека членството во ЕУ ќе ја подобри ситуацијата, Хрватска е предупредувачки пример.

Откако влезе во ЕУ во 2013 година, хрватското население од четири милиони жители се намали за 10 проценти. Обединетите нации проценуваат дека Хрватска ќе има само 2,5 милиони жители на крајот на векот“, пишува АФП.

Македонија

Протест на историчари од Белград, Загреб, Љубљана… против бугарската злоупотреба на македонската историја

Наметнувањето „историски вистини“ е неприфатливо и опасно. Создавањето на македонската нација не се разликува од начинот на кој се создадени сите други нации, а правото на самоопределување е основно човеково право, пишува во писмото на група историчари од Србија, Босна, Хрватска, Словенија и Црна Гора, кои бараат од ЕУ да реагира на злоупотребите на историјата од страна на нејзина членка.

Конфликтите околу историјата и историските симболи повторно се важно политичко прашање во Југоисточна Европа. Во последните месеци, владата на Република Бугарија се закани дека ќе го блокира почетокот на преговорите меѓу Брисел и Скопје, барајќи од Северна Македонија да ја прифати „историската вистина“ дека македонскиот идентитет и јазик имаат бугарски корени и дека македонската нација е создадена од Тито и Коминтерната.

Тргнувајќи од ставовите изразени во Декларацијата „Да ја одбраниме историјата“, ние, потписниците на ова писмо, изразуваме протест и осуда за овој случај на историски ревизионизам и злоупотреба на историјата за политички цели. Сметаме дека ваквиот пристап е опасен не само за историјата како хуманистичка дисциплина, туку и за демократијата и просперитетот на регионот, но исто така и на самата Европска Унија. Наметнувањето „историски вистини“ е неприфатливо и опасно. Создавањето на македонската нација не се разликува од начинот на кој се создадени сите други нации, а правото на самоопределување е основно човеково право.

Затоа бараме од историчарите во Северна Македонија и во Бугарија, но и во сите земји во регионот, да бидат професионални и да се спротивстават на злоупотребите на нивната дисциплина. Бараме од политичарите да водат одговорна политика, да не ги поддржуваат историчарите што разгоруваат националистички конфликти и да не вршат притисоци што доведуваат до фалсификување на минатото. Од европските институции и држави бараме да реагираат на злоупотребите на историјата, почитувајќи ги основните принципи на Европската Унија, кои деновиве на Балканот и во Европа се загрозени, како што се различноста, антифашизмот и демократијата. Европската Унија е создадена како лек против лошите искуства од минатото и затоа не смееме да дозволиме со искривување на историјата да се уништуваат принципите врз кои се темели идејата за обединета Европа.

Ние, потписниците на ова писмо, им даваме поддршка на интелектуалците и историчарите во Северна Македонија и Бугарија што отворено се спротивставуваат на политичките притисоци и се борат да ја заштитат својата професија и професионалните стандарди. Само солидарно можеме да ги надминеме сериозните пречки што стојат пред нас!

18 ноември 2020 година

Проф. д-р Дубравка Стојановиќ, Универзитетот во Белград

Проф. д-р Хуснија Камберовиќ, Универзитетот во Сараево

Проф. д-р Твртко Јаковима, Универзитетот во Загреб

Проф. д-р Божо Репе, Универзитетот во Љубљана

Доц. д-р Аднан Прекиќ, Универзитетот на Црна Гора

Д-р Сњежана Корен, Универзитетот во Загреб

Д-р Миливој Бешлин, Универзитетот во Белград

Проф. д-р Дамир Агичиќ, Универзитетот во Загреб

Доц. д-р Бранимир Јанковиќ, Универзитетот во Загреб

Проф. д-р Момир Самарџиќ, Универзитетот во Нови Сад

Д-р Олга Манојловиќ Пинтар, Институтот за поновата историја на Србија, Белград

Проф. д-р Хрвоје Класиќ, Универзитетот во Загреб

Проф. д-р Радина Вучетиќ, Универзитетот во Белград

Д-р Срѓан Милошевиќ, историчар, Белград

Д-р Александар Р. Милетиќ, историчар, Институт за поновата историја на Србија, Центар за историски студии и дијалог, Белград

Вељко Станиќ, историчар, Белград

Петар Жарковиќ, историчар, Белград

МКД.мк

Македонија

УДРИЛ ПОЛИЦАЕЦ, ПА ИЗБЕГАЛ – драмата продолжила низ скопските булевари, бегале поради тоа што го криеле во автомобилот!

На 29.12.2021 околу 23.00 часот во Скопје, полициски службеници од СВР Скопје ги лишиле од слобода М.Д.(28) и Д.М., двајцата од Скопје.

При контрола на патничко возило „форд“, со скопски регистарски ознаки, во с.Бразда, скопско, кое го управувал М.Д., а Д.М. бил сопатник, М.Д. го стартувал возилото и удрил полициски службеник, кој извршувал службени дејства.

Набргу потоа, возилото било сопрено на ул.„Јадранска магистрала“ и при преглед кај двете лица била пронајдена прашкаста материја.

Тие биле приведени во полициска станица и по целосно документирање на случајот против нив ќе биде поднесена соодветна пријава.

Македонија

Тони Михајловски се сели од Македонија: На 54 години ќе ми се исполни таа желба

Актерот Тони Михајловски преку статус на Фејсбук напиша дека се сели од Македонија.

-На 54 години прв пат ми дојде желба да си заминам, да ја напуштам Македонија. И најверојатно ќе си ја исполнам таа желба, стои во неговиот пост на Фејсбук.

Спорт

Сестри ја претставуваа Македонија на голем натпревар во Германија и освоија прво и трето место (Фото)

Gallery

Илина победи, а Ева го освои третото место. Ваков е резултатот од натпераврот по ритмичка гимнастика на сестрите Соколовски, кој се одржа викендот во Германија.

Илина и Ева, кои потекнуваат од Македонија, продолжуваат со успесите, продолжуваат да носат злато за Германија со македонски пасош и нивниот талент и успех секој ден е се поголем и поголем.

На последниот натпревар што го имаа Илина и Ева се одржа во градот Гутерслох, Илина ги бранеше боите во Бундеслигата. Натпреварот се вика OWL-CUP, каде Илина и Ева настапија поединечно. Илина им одржа лекција на останатите натпреварувачки, кои се повозрасни од неа и тоа со голема предност од 4,50 поени го освои првото место.

Ева го освои третото место и се закити со бронза по пауза поради корона од 20месеци. Кај Ева се натгпреваруваа 19 натпреварувачки додека кај Илина 10, бидејќи поради прописите многу натпреварувачки не настапија, не ги исполнуват условите за натпревар, односно не се вакцинирани.

Во Германија правилото за натпревар е дека мора да се сите вакцинирани и плус дополнително корона тест не постар од 24 часа.

Поради падемијата многу натпревари се откажани, токму поради се поголемиот ризик од зараза. Следниот натпревар е заказан во фебруар, но токму поради ова точните услви се уште не се знаат.

Но, едно се знае и од овој следниов, како и од сите до сега сестичките Соколовски без медал нема да бидат

Македонија

Сe бугapизиpaaт Мaкeдoнцитe во Албaниja: Жecтoкa peaкциja – Ja злoyпoтрeбувaтe нивнaтa cиpoмaштиja

Единствената партија на Македонците во Албанија, Македонска алијанса за европска интеграција (МАЕИ) реагираше во врска со, како што наведе, последното однесување на бугарската Амбасада во Тирана, со цел вештачко прикажување на Бугари во областа Голо Брдо.

„Трајно се врежани во меморијата на жителите на Голо Брдо, бугарските злосторства за време на окупацијата на областа на Голо Брдо од страна на Бугарија во Првата светска војна. Елез Кочи, чие име денес го носи средното училиште во Острени, бил убиен во 1916 година од страна на бугарската војска, која жив го закопала кај реката во селото Врница во Голо Брдо“, се наведува во реакцијата.

Жителите на областа Голо Брдо, се потенцира во партиската реакција, очекуваат официјално извинување од Бугарија за злосторствата извршени за време на Првата светска војна.

„Однесувањето на бугарската Амбасада во Тирана, која ја користи сиромаштијата во областите каде што живее македонската заедница во Албанија, прикажувајќи ја како бугарска заедница, е примитивна перверзија и историско искривување на вистината“, констатира МАЕИ во реакцијата.

Македонија

Стојков: И да влезат Бугapитe вo Уcтaвoт, Сoфиja ќе ja ocпopувa Мaкeдoниja

Не случајно е последното барање на Бугарија за тоа Бугарите да влезат во македонскиот Устав, затоа што сите нивни претходни барања во однос на историјата, јазикот… наидоа на лош прием кај меѓународната заедница, вели Стојко Стојков, копретседателот на ОМО Илинден Пирин, нерегистрираната партија на Македонците во Бугарија во интервјуто за јутјуб каналот на здружението на граѓани Нов АСНОМ.

„Сите овие историски барања на Бугарија се апсурдни. Ненаучни. Бугарија сфати дека не може да ја оправда таквата своја позиција. И затоа се префрлија на човековите права и се измисли оваа приказна со наводните проблеми на Бугарите во Македонија.

Во извештаите за човековите права на меѓународните организации изработени во последните 20 години никаде не се споменува проблемот на Бугарите во Македонија. Никаде. Но затоа, во сите тие извештаи се нотирани сериозните проблеми што ги има македонското малцинство во Бугарија“.

Стојков вели дека „сè што бара Бугарија, всушност, индиректно е насочено против македонското малцинство во Пиринска Македонија. Очигледно е дека македонското малцинство многу му смета на бугарската национална елита“.

За договорот за пријателство и добрососедство вели дека тоа не е Договор, туку инструмент за бугарска уцена на македонските евроинтегративни процеси, уцена за постигнување на националистичките барања на Бугарија,

Стојков смета дека бугарското оспорување на Македонија ќе продолжи и ако се прифати барањето на Софија во македонскиот Устав да влезат и Бугарите.

„Тоа нема да значи крај на оспорувањето на Македонија од страна на Бугарија. Бугарија бара редефинирање македонската нација на пробугарска основа. Тоа е така поставено уште во 1963 година од Живков. За нив македонскиот јазик е бугарски, македонската култура е бугарска, нема Македонци пред 1944 година, македонска нација има само во Република Македонија и таа е на пробугарска основа. Сите нивни барања се ненаучни и спротивни на вредностите на ЕУ. Затоа и ја немаат меѓународната поддршка. Ако Македонија сама се откаже од својот идентитет, тогаш за ЕУ ќе нема никаков проблем, тоа за Европа ќе биде самоопределување, сопствена одлука“, смета Стојков.