Tag Archives: Македонија

Македонија

Заев: Во Бугарија велат македонски јазик и македонски луѓе само официјално не го признаваат

Сметам дека 50 проценти од шансите за тргање на блокадата ќе се зголемат по изборите. И во Бугарија и во Македонија имаме избори. Политичарите се многу специфични, меѓутоа ние продолжуваме со разговорите, имаме теми пред двете страни и постои решение, изјави премиерот Зоран Заев на отворањето на Самитот за Западен Балкан на „Економист“, што се одржува хибридно денеска во Скопје.

Решението меѓу Македонија и Бугарија, нагласи Заев, ќе биде силна порака за охрабрување за целиот Западен Балкан, бидејќи се што се случува во Црна Гора, Косово или било каде, има влијание врз сите други.

– Верувам дека постои решение и имам искуство во изнаоѓање многу решенија во изминатите четири години. Лично верувам дека до крајот на оваа година е можно решение, изјави Заев.

Одговарајќи на прашање од регионалниот директор на „Економист“ за Европа Џоан Хоеј, за бугарското вето и дали добиле уверувања од ЕУ дека јазикот и историјата нема да бидат предмет на преговори, Заев рече дека по тоа прашање ЕУ ја потврдила важноста и вредноста дека и отворените прашања се билатерални прашања меѓу нас и Бугарија, и имајќи го на ум нашиот идентитет и јазик и ЕУ е многу јасна и прецизна по тоа прашање.

– Секој има право на самоопределување и тоа е многу добро. Се разбира, неодамна видов и многу позитивни сигнали од Бугарија. Тие го разбираат тоа и кога зборуваме едни со други, дури и заедно на прес-конференции тие велат македонски јазик и македонски луѓе, меѓутоа официјално не го признаваат и се надевам дека и тоа ќе го решиме набрзо, изјави Заев.

Разбирам, рече премиерот, зошто политичарите не може да ветат решенија, на пример до крајот на годината, затоа што во меѓувреме се случуваат избори.

– Но, продолжуваме да работиме. Продолжуваме по нашиот пат, прво со пријателство, преку кое што ќе добиеме многу. И двете земји сме членки на НАТО, а минатата година ЕУ донесе одлука за почеток на преговорите. Ние сме горди со се што се случува и покрај тоа што имаше пандемија, изјави Заев.

Македонија

Македонците во Бугарија бараат Софија да престане со негирање и асимилација

Преку декларација издадена од здруженијата на годишнината од Кресненското востание, се бара и официјална Софија да прекине со политиката на дискриминација, асимилација и негирање на Македонците.

„Ја осудуваме политиката водена од Република Бугарија против Република Македонија, поставувањето на иритирачки услови пред нејзиното членство во ЕУ, а имено да се откаже од идентитетот на македонската нација, јазикот, историјата и да се одрече од македонското малцинство во Бугарија“, се наведува во Декларација на македонски здруженија во Бугарија.

Стојко Стојков од ОМО Илинден – Пирин вели дека на ваков чекор се решиле бидејќи според нив ситуацијата меѓу двете држави се влошува. На бугарските барања вели дека треба да се возврати со реципроцитет. Не очекува искрени намери од Бугарија, се додека Софија не спроведе вистински попис во кој би имало и графа Македонци.

-Прашан за декларацијата на македонските здруженија пак, премиерот Заев вели дека според него, не е европски и не е принципиелно за земјава да се меша во внатрешните работи на соседна земја. Уставот на земјава како што посочи тој и договорот за добрососедство е јасен во делот немешање во внатрешните работи на други земји.-Стојко Стојков – ОМО Илинден – Пирин .

Барањето Македонија да се откаже македонско малцинство во Бугарија е една од точките 5+1 кои беа наведени по самитот во Словенија, на кој на маса беше и деблокадата на македонските евроинтеграции.

Приказни, Спорт

Јанко од Леверкузен: Роден во Германија, дојде во Скопје да навива за својата Македонија!

Еве пример колку се сака Македонија, колку се сака репрезентацијата на Македонија. Денеска во едно кафуле во центарот на Скопје, во пресрет на натпреварот Македонија – Германија, “налетавме“ на Јанко Антоски, Македонец кој е роден во Леверкузен. Муабетот нормално прво одеше во насока на тоа кој ќе победи.

И јасно е, ние на еден лош германски му “рековме“ дека Македонија ќе ја “згази“ неговата Германија, уверени дека станува збор за „Швабо“, популарно е тоа на Балканот. А и изгледот негов беше таков, германски. Посебно германскиот јазик кој се говореше на неговата маса во неговото друштво. Се шокиравме кога на течен македонски јазик ни рече:

„И јас ќе навивам за Македонија. Јас сум Македонец“ ни рече Јанко, како што подоцна разбравме дека се вика фудбалскиот фан кој има 32 години.

Неговата приказна е следна….

“Потекнувам од тетовско, пред околу 40 години моите родители емигрираат во Германија, во Леверкузен, каде што сме роден јас и мојот брат Ѓорѓи. Јас имам 32 години а братот е три години помал. Сите во семејството го сакаме фудбалот, посебно Ѓорѓи кој е фудбалер и игра за ФЦ Дурен. Од кога паметам за мене во моето семејство дома се говори само на македонски, затоа и така добро го знам нашиот, мојот јазик“ вели Јанко за “Спортмедиа“.

НАВИВАВ ЗА МАКЕДОНИЈА ВО АМСТЕРДАМ НА ЕП

И нормално, кога ќе почнеш да правиш муабет за фудбал, нема крај…

Повеќе на sportmedia.mk

Балкан, Македонија

Бугарија удри по Македонската Правословна Црква: Велат била „НЕПОСТОЕЧКА ЦРКВА“!

Не престануваат провокациите на Бугарија кон Македонија и македонскиот народ. Сега се работи за статија во софискиот „Труд“ со наслов „Во заштита на Бугарската црква во Македонија“, од Спас Ташев – член на историскиот институт на Бугарската академија на науките.

Авторот вели дека комунистичката идеологија пројавува нетрпеливост кон религијата, зашто во идеолошката посветеност во тоталитарното општество не може да има поделби. Според него единствено дозволена отстапка е поставувањето на религиозните институции под контрола на државата и дека тоа токму се случуило во март 1945 г. Спас Ташев пишува дека на територијата на денешна Македонија се создава до тогаш непостоечка црква за да се помогне постигнувањето на набележаните цели, односно македонската правславна црква ја нарекува непостоечка.

Тој исто така вели: „Тогаш се уште има илузии дека новата власт нема целосно да раскине со бугарските традиции, но последователно двајца од учесниците скапо ги плаќаат своите заблуди-свештениците Методи Гогов и Никола Апостолски се осудени на 5,6 и 2,6 години затвор.“

Македонија

Заев им порача на активистите од Левица: „Да си посетите после ПСИХИЈАТАР“!

Голем скандал се случи за време на одбележувањето на големиот празник 11 октомври – Денот на народното востание во Прилеп.

11 активисти облечени во маици со обележје на политичката партија Левица го попречија патот на државните делегации кои требаше да положат цвеќиња, додека обезбедувањето воопшто не ги тргна од местото. Скандалот се случи во моментот кога премиерот Зоран Заев положуваше цвеќе заедно со министерката за труд и социјална политика, Јагода Шахпаска, вицепремиерот Фатмир Битиќи и министерот за транспорт и врски, Благој Бочварски.

„Зоки немаш лице да се појавиш овде, освен по странските држави. Славете си празник во Бугарија. Ова не е ваша територија“, зборуваше еден од активистите додека Заев се поклонуваше пред споменикот.

Во еден момент, премиерот одговори на провокацијата на активистот и му рече:

„Да си посетите после психијатар“, му рече Заев на активностот по што овој му предложи да одат заедно на преглед. Обезбедувањето на шефот на владата остана смирено и не дозволи да поголем инцидент, па страстите се смирија веднаш по заминувањето на делегацијата.

Ова се случуваше пред да се одржат обраќањата на претседателот Пендаровскии, на Круме Соколоски од прилепскиот Сојуз на борци и на градоначалникот Илија Јованоски.

Во криптата на Могилата на непобедените се моштите на 462-јца прилепски борци од вкупно 650-те што ги дал Прилеп.

Скандалот се случи во 4:21  минута од видеото.

Македонија

Отпорот никогаш не е залуден кога е инспириран од сонот за сопствена држава, за слобода, правдољубивост и еднаквост! – Честит 11-ти октомври !

Отпорот никогаш не е залуден кога е инспириран од сонот за сопствена држава, за слобода, правдољубивост и еднаквост.

Воден од овие идеали македонскиот народ во Втората Светска војна застанал на страната на Антифашистичката борба и го подигнал големото народно востание на 11-ти октомври 1941-та година.

Востанието било последица на тешката и неподнослива ситуација во која се наоѓале македонскит еграѓани под окупација, големит даноци и екслоатацијата ги бутнале македонските селани во голема беда, а со ниви сите други, Македонија била стопански осиромашена, а македонскиот народ потонал во дотогаш  невидена беда.

Затворите се полнеле со голем број на невини граѓани, а само во скопскиот затвор Идризово во текот на окупацијата минале над 8.000 затвореници, од кои 500-тини жени. Ваквата неподнослива ситуација довела до подигање на Народноослоодителното востание, на 11-ти октомври пукнале првите пушки во Прилеп, а веќе следниот ден во Куманово, Првиот Партизански одред Гоце Делчев, на 11 –ти октомври извршиле напад на бугарската полициска станица, прилепскиот затвор и телефонско-телеграфската мрежа.

На 12-ти октомври се огласиле и истрелите на кумановските партизани, почнала четири годишната Народноослободителна борба за ослободување на Македонија.

Борбите се воделе во сите краеви низ Македонија, а вкупниот број на жртви изнесувал неколку десетици илјади. Македонската војска презела неколку усшешни операции, меѓу кои се издвојуваат офанзивата на  Караџова, Февруарскиот поход, Пролетната офанзива и завршните операции за ослободување на Македонија.

На 24-ти јуни 1944 година, на островот Вис се одржал состанок на македонската делегација, предводена од Методија Андонов – Ченто, со највисокото воено и политичко раководство на Националниот комитет за ослободување на Југославија, каде по барањето на македонската делегација би заземен единствен став – дека македонскиот народ ја искажува својата историска желба, за обединување на сите негови делови, дека тоа е негово национално право, и дека тој стремеж останува како негово трајно барање. Кое барање било истакнато и во Манифестот на АСНОМ, во кој пред цел свет била прокламирана полна национална слобода на македонскиот народ, во првата слободна македонска држава.

11-ти октомври останал да се памети и празнува како симбол на ова борба и предвесник на создавањето на самостојна, суверена и независна Република Македонија!

Македонија

Ноев: Крај на „дебугаризацијата“, ако Македонија сака во ЕУ!

Не престануваат секојдневните пораки од Софија околу тоа што треба да исполни Македонија за да се надева на почеток на преговори со ЕУ кои ги блокира Бугарија.

Бојко Ноев, поранешен бугарски министер за одбрана вели дека „клучот“ за започнување на преговорите на Скопје за Европската унија е „решителен крај на дебугаризацијата и на потиснувањето на правата на Бугарите во Македонија’.

„Додека не престане дискриминацијата на Бугарите во МАКЕДОНИЈА, додека не добијат еднакви можности да учествуваат во политичкиот, социјалниот, културниот, економскиот живот, додека не можат да ги пеат своите песни, да ги читаат нивните книги и да зборуваат на нивниот јазик, да ги почитуваат нивните споменици, дотогаш прашањето за почеток на преговорите нема да се реши. Целосната дебугаризација мора да престане “, изјави Бојко Ноев за БГ Ер.

Тој вели дека сите бугарски влади постапувале наивно очекувајќи овие прашања сами да се решат.

„Мислевме дека со помош за време на ембаргото, за време на кризата во Косово, кога им помогнавме да го зачуваат интегритетот на земјата, кога Албанците ги бараа своите права со оружје во рака, прашањата ќе се решат. Но, не само што не се решија, туку се продлабочија “,вели Ноев, како што пренесува БГНЕС.

Тој вели дека се потребнигаранции на највисоко ниво за решавање на проблемите..

Тврдењата на премиерот Зоран Заев дека сега не може да ги вклучи Бугарите во Уставот и дека тоа би можело да се случи само по пристапувањето на РС Македонија во ЕУ покажуваат чудно разбирање на човековите права.

Со правата не се тргува. „Не само што Бугарите мора да бидат вклучени во Уставот, туку мора да има и свечена декларација од нивниот парламент во која се вели дека Бугарите се еднакви со сите народи во Македонија“, вели Бојко Ноев.

Македонија

Заев: Можеме да бидеме Швајцарија на Балканот

Дебар секогаш бил пример за соживот. Јас сум учел токму од Дебар. Порачувам да си го сочуваме заедништвото, да се почитуваме и да не дозволиме никој да не дели заради политички цели, беше пораката на лидерот на СДСМ, Зоран Заев до дебрани на изборниот митинг одржан попладнево.

Исто така тој ги повика своите сопартијци и сите дебрани да го подржат Хекуран Дука, од ДУИ, за градоначалник „ кој го заслужува вториот мандат, како човек кој вреди, кој реализираше проекти во изминатите години за доброто на сите граѓани во општината“.

-Парарелно со решавање на проблемите, кои не беа решени 30 години, не ги заборавивме општините. За четири години во општините реализиравме 7.000 проекти со директна подршка од централната власт, изградивме 70 училишта, 60 градинки и многу други што се во интерес на локално ниво. Ја зголемивме минималната плата од 9 на 15 илјади, а догодина таа ќе изнесува 18 илјади. Од јануари пензиите ќе се пресметуваат според нова методологија, според порастот на просечната плата, а пензискиот фонд е стабилен. Невработноста на младите од 42 отсто се намали на 22 отсто а вкупната невработност од од 25 на 15,9 отсто, рече Заев најавувајќи продолжување со реализација на проекти, посочувајќи повеќе од нив за општина Дебар.

Тој рече дека донеле историски одлуки кои некој немал храброст да ги донесе.

-Станавме земја – членка на НАТО, што значи ја обезбедивме безбедноста и сигурноста, дома сме сплотени сите Македонци, Албанци, Турци, Срби, Бошњаци, Роми и другите, со сите соседи имаме добри односи и соработка, очекувам да го надимнеме и проблемот со Бугарија, на меѓународен план сме почитувани и земја со многу пријатели, додаде Заев.

Порача дека земјата ги има сите природни убавини и богатства и оти можеме да бидеме Швајцарија на Балканот „само што треба да бидеме единствени и да работиме на тоа“.

Пред дебрани се обрати и носителот на листата за советници во Советот на општината, Зеќир Демоски.

-На кандидатската листа се луѓе интелектуалци и профсионалци, кои ветувам дека ќе работат за интерсот на граѓаните. Ќе бидат присутни меѓу граѓаните како во градот така и во селата, за да непосредно ги слушнат проблемите, да ги презентираат во Советот и да бараат нивно надминување, рече меѓу другото Демоски.

На митингот присуствуваше и кандидатот за градоначалник, Дука, пратеничката во македонскиот Парламент од Дебар, Арбана Пашоли и членови на оваа партија.

Македонија

„Aко ја изгубиме македонската држава, нема да постои државен ентитет да се интегрира во ЕУ“

Првиот човек на МАНУ, Љупчо Коцарев, по повод денешното одбележување на Денот на Македонската академија на науките и уметностите изјави дека ако ја изгубиме нацијата, не ни треба европска интеграција.

Вели дека ако пак ја изгубиме македонската држава, нема да постои државен ентитет да се интегрира во ЕУ. Според него, на Македонија ѝ е потребен нов фундаментален договор поддржан во континуитет од релевантните политички субјекти, независно дали се на власт или во опозиција. Коцарев рече дека во изминатите 30 години бевме сведоци на уништување на македонската држава. 

„Предлагам да се донесе закон со кој ќе се одземат ингеренции на МОН да изготвува стратегии за развој за образование и наука, или да подготвува реформи во образовниот и научниот систем. Второ, стратегиите реформите во синергија ќе ги подготвуваат МАНУ, универзитетите и стопанските комори. МОН ќе биде обврзан да ги имплементира така подготвените стратегии и реформи“, рече Коцарев.

За преговорите со Бугарија, Коцарев бара широк политички консензус. Инаку, новото барање на Бугарија е да се вметнат Бугарите во македонскиот Устав. Македонскиот премиер Зоран Заев рече дека не е проблем тоа да се направи, но не мора да се брза. Додека не се тргне блокадата на Бугарија, Македонија не може да почне да преговара со ЕУ. Бугарија го споменува и пописот кој заврши во земјава, и очекува да види големо бугарско малцинство во земјава, алудирајќи на Македонците кои од економски причини земале бугарски пасоши. 

Извор: Фактор мк